Fréttabréf Öryrkjabandalags Íslands - 01.09.2000, Page 50

Með brest í boga
Hún María Skagan sem áður hefur ágætlega verið kynnt hér til sögu er nýbúin að
gefa út einkar hugnæma ljóðabók sem hlýtur að höfða til allra ljóðaunnenda.
Hún María sem býr í Sjálfsbjargarheimilinu Hátúni 12 valdi eitt ljóðanna sinna sjálf
til birtingar og ritstjóri valdi svo annað sem hefur beina tilvísun í nafn bókarinnar:
Með brest í boga. Hún María er ekki orðmörg í ljóðum sínum en því meira býr á bak
við orðin. Fyrst ljóðið Högg sem María valdi sjálf:
Högg
aldrei fá á sig högg.
Á leið út í bílinn
í sjúkrakörfunni
sá ég konu á dökkri buxnadragt
ganga hjá léttum fjaðrandi skrefum
og það var eins og tónlist
við texta hvítra skýhnoðranna
í bláma haustsins.
Hún gekk í vestur
þangað sem hún vildi
fara ung og frjáls.
Það er svo óralangt síðan,
síðan ég hneig niður
þar sem ég var að raka
fyrstu ljá sumarsins
á hólnum
og tókst með naumindum
að skríða heim í bæ
hrífan eftir á hólnum brotin.
Ef til vill hafði einnig hún
fengið á sig högg
um veturinn.
Vonandi aldrei.
Og svo kemur hér ljóðið sem ritstjóri valdi:
Skyldi
Með brest í boga
reyni ég að leika
á brostinn streng
alla þá drauma
er ég átti mér
í æsku.
Skyldi nokkur
heyra hljóm
í því sargi?
Og vandlátur lesandi ljóðanna vildi fá þetta birt
að endingu:
Síðan
Ég fæddist í hriplekum torfbæ.
Síðan hef ég alltaf verið
hrifin af sundlaugum.
María Skagan
Vonandi mundi þessi
unga kona sem gekk
svo frjálsum skrefum
þangað sem hún vildi fara
Nýjar gestaíbúðir í
Sj álfsb j argarhúsinu
Teknar hafa verið í notkun tvær nýjar gestaíbúðir í
Sjálfsbjargarhúsinu Hátúni 12. Algengt er að fólk utan af
landi sem er að leita sér lækninga eða sinna öðrum erindum í
Reykjavík dvelji í íbúðunum. Sjúkrarúm er í íbúðunum svo og
tvíbreiður svefnsófi þannig að um er að ræða svefnpláss fyrir
þrjá. Ibúðirnar eru búnar öllum helstu nauðsynjum og eru
aðgengilegar fólki í hjólastólum. Gestir geta keypt sér máltíðir
í mötuneyti Sjálfsbjargarheimilisins gegn sanngjörnu verði.
Nánari upplýsingar eru veittar í síma 552-9133.
Bára Aðalsteinsdóttir
félagsmálafulltrúi.
50