Fréttablaðið - 16.05.2020, Page 8

Ég er alveg sann-
færð um að ráð-
herra vilji leysa þessi mál.
Ásthildur Sturludóttir,
bæjarstjóri Akureyrarbæjar
AKUREYRI Ágreiningurinn um
rekstur hjúkrunarheimila á Akur­
eyri heldur áfram. Ríkið krefst þess
af bænum að hann ábyrgist rekstur
hjúkrunarheimilis í Lögmannshlíð
sem stendur til að byggja, ellegar
verði það ekki byggt. Bæjarstjórn
stendur fast á kröfu sinni um að
ríkið beri ábyrgð á rekstrinum, sem
og öðrum hjúkrunarheimilum, sem
bærinn hyggst hætta að koma að.
Ásthildur Sturludóttir bæjar­
stjóri segir ríkið setja þessi skilyrði
í alla nýja samninga. Í yfirlýsingu
bæjarráðs er ríkið því sagt mismuna
íbúum, því ef sveitarfélög fallist
ekki á að taka á sig reksturinn falli
þjónustan niður.
Mikill hallarekstur hefur verið
á hjúkrunarheimilum bæjarins,
þrátt fyrir að ekki sé verið að veita
þjónustu umfram þjónustulýsingu.
Nægt fjármagn berist ekki frá rík­
inu, sem lagalega beri ábyrgð á
rekstrinum.
Samkvæmt Ásthildi er ennþá
samtal í gangi á milli ráðuneytisins,
framkvæmdasýslunnar og Akur­
eyrarbæjar um þetta mál. Segir hún
best að þetta mál leysist f ljótlega
svo hægt sé að koma hjúkrunar­
heimilinu í hönnunarsamkeppni
og útboð. Engin tímamörk hafi þó
verið ákveðin.
„Þetta er okkar afstaða og við
erum stíf á henni,“ segir Ásthildur.
„Ég er alveg sannfærð um að ráð­
herra vilji leysa þessi mál.“ – khg
Gera kröfu um að Akureyri
ábyrgist rekstur nýs heimilis
Ásthildur Sturludóttir segir ríkið bera ábyrgð á rekstri hjúkrunarheimila.
Forsetaefni
með víðtæka reynslu
Ég býð mig fram til forseta Íslands sem forseti allra Íslendinga, en ekki sem
hagsmunaaðili stórfyrirtækja eða stjórnmálaflokka. Er það mín ósk að
þetta embætti sé notað á þann hátt að forseti geti fært valdið til þín í
umdeildum málum.
Framboðið mitt er kostað af mér og þigg ég enga styrki en þarf
nauðsynlega á meðmælum að halda svo það geti orðið af því.
Nú þarf ég að safna meðmælendum hratt og hef til þess
nokkra daga, fram að miðnætti 19. maí. Það er gert í
gegnum kosningakerfi á www.skra.is. Notast er
við rafræn skilríki eða Íslykil.
Magnús Ingberg Jónsson
Skráðu þig
sem meðmælandi
á skra.is
VESTMANNAEYJAR Bæjarráð Vest­
mannaeyja skorar á stjórn Heil­
brigðis stofnunar Suðurlands, HSU,
að draga áform sín um að segja upp
fólki og nota aðkeypta ræstingu, til
baka.
Framkvæmdastjórn HSU, að und­
an skildum forstjóra, mætti á fund
bæjarráðs á fimmtudag til að gera
grein fyrir málefnum stofnunarinn­
ar og sér í lagi áhrifum af ákvörðun
yfir stjórnarinnar um aðkeypta
ræstingu.
„Það er nöturlegt til þess að hugsa
að á sama tíma og atvinnuleysi
eykst á Íslandi í kjölfar heimsfarald­
urs Covid, skuli forsvarsmenn
HSU áforma að segja upp starfs­
fólki í ræst ingu við stofnunina í
Vestmanna eyjum, sem unnið hefur
undir miklu álagi á undanförnum
mán uðum. Það eru kaldar kveðjur
í ástandinu sem ríkir í samfélaginu
á sama tíma og sveitarfélagið hefur
markvisst unnið að því að tryggja
störf og koma til móts við bæjarbúa,
t.a.m. með frestun gjaldheimtu. Þar
að auki hafa aðgerðapakkar ríkis­
stjórnarinnar miðað að því að verja
störf, einkum og sér í lagi kvenna­
störf,“ segir í niðurstöðu bæjarráðs.
– bb
HSU segir upp
ræstingafólki
Vestmannaeyjar í góðu veðri.
Þetta myndi hafa
bein áhrif á ferða-
þjónustu og tekjuflæði inn í
landið.
Leifur B.
Dagfinnsson,
framkvæmda-
stjóri True North
COVID -19 Íslenskir kvikmynda­
f ramleiðendur leg g ja t il v ið
atvinnuvega­ og nýsköpunarráðu­
neytið að endurgreiðsla vegna kvik­
myndagerðar hækki tímabundið
úr 25 prósentum í 35 prósent vegna
COVID­19. Þórdís Kolbrún R. Gylfa­
dóttir, iðnaðar­ og nýsköpunarráð­
herra, segir forgangsatriði að geta
svarað eftirspurn.
Leifur B. Dagfinnsson, fram­
kvæmdastjóri True North, segir að
hækkun á endurgreiðslum myndi
bæði f lýta fyrir ákvörðunum
erlendra framleiðenda um að koma
með verkefni til Íslands og hafa bein
áhrif á ferðaþjónustu á Íslandi.
„Hækkun á endurgreiðslum
myndi auka samkeppnishæfi okkar
og við værum að markaðssetja land­
ið á mjög góðan og öflugan hátt, án
þess að leggja í beinan kostnað.“
Laufey Guðjónsdóttir, forstöðu­
maður Kvikmyndamiðstöðvar
Íslands, segir að hækkun yrði grein­
inni tvímælalaust til framdráttar.
„Erlendir aðilar vita af mikilli
fagmennsku íslensks kvikmynda­
gerðarfólks, innviðir eru góðir og
auðvelt að nálgast stórkostlega
tökustaði, auk þess sem nú er starf­
rækt kvikmyndastúdíó sem upp­
fyllir alþjóðlegar kröfur,“ segir hún.
Leifur segir áhuga erlendra fram­
leiðenda á að koma til Íslands og
taka upp kvikmyndir í stúdíói vera
að aukast.
„Þá myndi hópurinn koma og
vera hér við tökur í kannski sjö
vikur, í stað þess að dvelja í eina
viku. Þetta myndi hafa bein áhrif
á ferðaþjónustu og tekjuflæði inn í
landið,“ segir Leifur.
„Það er allt búið að vera stopp í
framleiðsluvélinni, svo það er farið
að vanta efni á veiturnar þannig að
öll stúdíó í nágrannalöndum okkar
eru yfirfull og framleiðendur þurfa
að komast einhvers staðar að þar
sem er góð þjónusta, fagfólk og
góð endurgreiðsla. Þannig getum
við stækkað þennan iðnað hérna á
Íslandi,“ segir Leifur.
Í svari ráðherra við fyrirspurn
Frétt ablaðsins um mög u lega
hækkun endurgreiðslna, segir að
ívilnunarkerfið hér sé vel sam­
keppnishæft. „Besta sönnun þess er
sú gífurlega eftirspurn sem er eftir
þátttöku í því. Síðasta ár var þann­
ig algjört metár og sá áhugi virðist
ekkert vera að dvína, nema síður sé.
Öf lug innlend þjónustufyrirtæki
hafa leikið þarna lykilatriði,“ segir
Þórdís Kolbrún.
„Opnun okkar á landinu þrátt
fyrir Covid og lækkun á gengi
krónunnar eru svo tveir þættir til
viðbótar sem styrkja samkeppnis­
stöðu okkar enn frekar. Við erum
því í sterkri stöðu til að nýta þessi
dýrmætu tækifæri.“
Laufey segir að þrátt fyrir áhuga
erlendra framleiðenda á Íslandi sé
mikilvægt að vera samkeppnishæf.
„Við mat á hvar á að taka upp er
litið til kostnaðar og fyrirgreiðslu,
samanber endurgreiðslur, og mjög
víða eru lönd að bjóða hærri, og
jafnvel mun hærra en 25 prósent,
svo þetta myndi bæta samkeppnis­
stöðuna mjög mikið. Þótt krónan
sígi þessar vikurnar er landið alltaf
tiltölulega dýrt í samanburði við
flest önnur lönd,“ segir Laufey Guð­
jónsdóttir. birnadrofn@frettabladid.is
Auki fjárstyrki til kvikmynda
Kvikmyndaframleiðendur vilja hækkun endurgreiðslu vegna kvikmyndagerðar til að auka samkeppnis-
hæfi Íslands. Ráðherra segir landið samkeppnishæft og að forgangsatriði sé að geta svarað eftirspurninni.
Kvikmyndagerðarmenn vilja nú fá 35 prósenta endurgreiðslu frá ríkinu.
1 6 . M A Í 2 0 2 0 L A U G A R D A G U R8 F R É T T I R ∙ F R É T T A B L A Ð I Ð