Mosfellingur - 20.02.2020, Blaðsíða 4

www.lagafellskirkja.is
kirkjustarfið HelgiHald næstu vikna
sunnudagur 23. febrúar
Guðsþjónusta í Mosfellskirkju kl. 11:00.
Sr. Arna Grétarsdóttir sóknarprestur í
Reynivallaprestakalli þjónar fyrir altari.
sunnudagur 1. mars
Æskulýðsdagur þjóðkirkjunnar í
Lágafellskirkju kl. 13:00.
Umsjón hafa Berglind æskulýðsfulltrúi,
Þórður organisti og leiðtogar
í æskulýðsstarfi.
sunnudagur 8. mars
Guðsþjónusta í Lágafellskirkju kl. 11:00.
Prófastur Kjalarnesprófastsdæmis,
sr. Þórhildur Ólafs prédikar. Prestar
safnaðarins leiða helgihald.
- Dreift frítt í Mosfellsbæ, Kjalarnes og Kjós4
Fermata
nýr ungmennakór
Fermata fyrir 16-30 ára
Æfingar alla þriðjudaga kl. 18:30
í Safnaðarheimilinu á 3. hæð.
Mannskætt snjóflóð
í Móskarðshnjúkum
Þann 29. janúar féll mannskætt
snjóflóð í Móskarðshnjúkum,
austan megin í Esju. Flóðið féll
við gönguleiðina upp á hnjúkana,
sunnan megin. Allt tiltækt lið
slökkviliðs, lögreglu og björgun-
arsveita á suðvesturhorninu var
kallað út en fyrstu viðbragðsaðilar
voru komnir á svæðið um hálftíma
eftir að flóðið féll. Þrír menn lentu í
flóðinu en einn grófst undir og var
mikill viðbúnaður við leit að hon-
um. Eftir að maðurinn fannst var
hann flutur með þyrlu Landhelgis-
gæslunnar á Landspítalann þar sem
hann var úrskurðaður látinn. Hinir
tveir sluppu ómeiddir.
Framkvæmdir hafnar
á neðri hæð Kletts
Nú eru hafnar framkvæmdir á neðri
hæð íþróttamiðstöðvarinnar Kletts.
Á síðasta aðalfundi Golfklúbbs
Mosfellsbæjar var gert samkomulag
við Mosfellsbæ um kaup á neðri
hæð golfskálans. Samkomulagið fól
einnig í sér að Mosfellsbær myndi
fullklára neðri hæðina og hafa þær
framkvæmdir nú loksins hafist.
Það ríkir því mikil tilhlökkun hjá
golfurum í Mosfellsbæ yfir aðstöð-
unni sem verður komin í notkun
innan skamms.
ÚRVALIÐ
er að finn
a á FB-síð
u
Partýbúða
rinnar
Finndu okkur á
Öskudagsbúningar!
Úrvalið hefur aldrei verið meira. Stútfull neðri hæð af búningum
Faxafeni 11 • Sími 534 0534
ÖSKUDAGSOPNUN:
Helgin 22.-23. feb: kl. 10-18
Bolludagur: kl. 10-21
Sprengidagur: kl. 10-miðnættis
Sendum á landsbyggðinaFrír sendingarkostnaður ef verslað er fyrir meira en 10.000 kr.
ÚRVALIÐ
er að finn
a á FB-síð
u
Partýbúð
arinnar
Finndu okkur á
Öskudagsbúningar!
Úrvalið hefur aldrei verið meira. Stútfull neðri hæð af búningum
Faxafeni 11 • Sími 534 0534
ÖSKUDAGSOPNUN:
Helgin 22.-23. feb: kl. 10-18
Bolludagur: kl. 10-21
Sprengidagur: kl. 10-miðnættis
Sendum á landsbyggðinaFrír sendingarkostnaður ef verslað er fyrir meira en 10.000 kr.
sÓkn Í sÓkn
– liFandi samFÉlag
Vertu með í sókninni!
Biggi Gildra snýr aftur í Hlégarð með Huldumönnum 6. mars • Þúsund ára ríkið
Huldumenn með útgáfutónleika
Það hafa aldrei verið læti í Birgi Haraldssyni
söngvara, nema þegar hann syngur. Þá heyra
það allir. Hann hefur verið verkstjóri hjá Ístex í
hartnær 30 ár en um helgar breytist þessi ann-
ars hægláti maður í öskrandi tröll. Það þekkja
allir Bigga Gildru, manninn með gullbarkann
og faxið síða.
splunkuný plata spiluð í heild sinni
Biggi hóf feril sinn með hljómsveitinni
Gildrunni árið 1986 og var fljótt landsþekktur
fyrir háa rödd sem þeyttist yfir tónsviðið án
fyrirhafnar. Þegar Gildran sendi síðan frá sér
Vorkvöld í Reykjavík skaust hann ásamt félög-
um sínum upp á rokkstjörnuhimininn.
Gildran starfaði í hartnær 30 ár með hléum
og muna flestir Mosfellingar eftir „Fló og fjör“
þar sem hljómsveitin fyllti Álafosskvosina ár
eftir ár en einnig urðu þeir félagar þekktir fyrir
að leika tónlist CCR á veitingastaðnum Álafoss
föt bezt sem trymbill hljómsveitarinnar Karl
Tómasson rak.
Nú snýr Birgir aftur í Hlégarð með splunku-
nýja plötu sem hann vann með félögum sínum
í hljómsveitinni Huldumönnum. Hann og Sig-
urgeir Sigmundsson gítarleikari sömdu lögin
en flestir textarnir eru eftir Mosfellingana Þóri
Kristinsson og Bjarka Bjarnason.
Blanda saman rokki og kór
„Þetta verður frábært kvöld“ segir Birg-
ir. „Við munum flytja lögin af plötunni
okkar „Þúsund ára ríkið“, sérstakur
gestur er Rokkkór Íslands undir
stjórn Matthíasar V. Baldurssonar.
Það er yndislegt að blanda sam-
an rock and roll og kórtónlist
þannig að úr verður eldheit
upplifun. Svo fljóta örugglega
með nokkrir Gildrusmellir
og kannski Creedence-
syrpa.“
Eflaust hafa margir hug
á því að sjá Bigga aftur
með Huldumönnum
6. mars en tónleikarnir
hefjast kl. 21 og miða-
sala er á Tix.is. birgir haraldsson
Lilja D. Alfreðsdóttir, mennta- og menn-
ingarmálaráðherra opnaði nýjan Læsisvef
Menntamálastofnunar í Krikaskóla með
góðri aðstoð nemenda. Guðbjörg R. Þóris-
dóttir ritstjóri vefsins kynnti Læsisvefinn og
nemendur skólans sungu tvö lög.
lykill að velsæld
Læsi er lykill að velsæld en á Læsis-
vefnum má finna fjölbreytt efni til efling-
ar lestrarkennslu og læsi. Við gerð fyrsta
áfanga vefsins er sjónum einkum beint að
lestrarkennslu og lestrarnámi en á hon-
um er að finna fræðilega umfjöllun um
grunnþætti læsis, þjálfunarefni, gátlista
og íhlutunarefni. Stærstur hluti vefsins
inniheldur kennsluaðferðir sem henta vel
til að gera lestrarkennslu og nám fjölbreytt
og áhugavert.
Fyrir nemendur á öllum skólastigum
Við val á aðferðum var ekki aðeins horft
til byrjenda í lestri heldur má finna á vefn-
um aðferðir sem gagnast nemendum á öll-
um skólastigum. Það er mjög mikilvægt að
formlegri lestrarkennslu ljúki ekki fyrr en
nemendur búa yfir nægilegri lestrarfærni
til að komast yfir lesefni í grunnskóla og
framhaldsnámi en þeir þurfa jafnframt að
kunna leiðir til efla orðaforða sinn og beita
fjölbreyttum lesskilningsaðferðum í glímu
sinni við allar tegundir texta.
Lilja Alfreðsdóttir í heimsókn í Krikaskóla 17. febrúar • Góð verkfæri til að efla læsi
Menntamálaráðherra opnaði
nýjan læsisvef í krikaskóla
Vefinn má finna á slóðinni
www.laesisvefurinn.is
lilja fær aðstoð
nemenda í krikaskóla
Hilmar valinn skyndi-
hjálparmaður ársins
Mosfellingurinn Hilmar Elísson er
skyndihjálparmaður ársins 2019.
Rauði krossinn á
Íslandi útnefndi
Hilmar fyrir þátt
hans í björgun
manns sem lá
meðvitundarlaus
á botni Lágafells-
laugar í Mos-
fellsbæ á síðasta
ári. Hilmar var í byrjun árs valinn
Mosfellingur ársins 2019.