Íþróttablaðið - 01.04.1966, Blaðsíða 9
Þá voru piltarnir i miðflokknum
næst látnir glíma og voru þeir á
aldrinum 17 ára til tvitugs. •— Mig
minnir að þeir væru ekki nema 5 eða
6 og var Skafti bróðir minn einn
þeirra, þá 17 ára gamall. — Sú glíma
var mjög hörð og þá sérstaklega á
milli Skafta og Ólafs Magnússonar
frá Bitru í Kræklingahlið. (Varð
hann síðar sundkennari á Akureyri).
— Það má segja að þar stappaði
nærri áflogum, því glímustjóri var
hvað eftir annað búinn að áminna
þá að glíma betur, en kappið var
orðið svo mikið, að þeir létu sér
ekki segjast, nema rétt í bili. Strax
gerðist harkan svo mikil, að leikregl-
ur fóru útum þúfur. — Að síðustu
gat Skafti knúsað Ólaf niður, en
dómnefndin varð ósammála þó
Skafta væri dæmdur sigurinn og
varð hann þannig efstur og Ólafur
næstur að vinningum.
1 efsta flokknum (yfir 20 ára)
glimdu ekki nema 4 eða 5 og bar
Jón á Skjaldarstöðum þar af og
lagði alla keppinauta sína auðveld-
lega.
Að aflokinni glimunni ávarpaði
glímustjóri okkur með nokkrum
þakkar- og hvatningarorðum, um
leið og hann afhenti okkur verðlaun-
in.
Yfirleitt held ég að fólk hafi
skemmt sér ágætlega við glímuna,
því margir höfðu mikinn áhuga fyrir
henni og töldu hana standa öðrum
íþróttum framar. — Séra Jón gamli
Þorsteinsson, sem þá var prestur á
Möðruvöllum tók i hendina á mér og
þakkaði mér frammistöðuna og man
ég það handtak enn.
Var nú komið nær náttmálum, er
glímunni lauk og var þá hafist handa
og farið að dansa.
Gamall timburhjallur var á
Möðruvölum, talsvert stór, sem not-
aður var fyrir leikfimishús í tíð skól-
ans. Voru trébekkir meðfram hliðun-
um i húsinu, en önnur þægindi engin.
— Harmóníkuspilarinn sat í einu
horninu, til að sem minnst færi fyrir
honum, en ekki man ég hvað hann
hét. — Hvaða par hóf dansinn, man
ég ekki. Sjálfur dansaði ég lítið, þó
ég væri lærður í þeirri grein, því
dans lærði ég lítill krakki. — Eg
býst við að ég hafi verið feiminn og
ekki farinn að hafa áhuga á stúlk-
unum eins og síðar. — Dansinn stóð
svo alla nóttina fram til kl. 6 um
morguninn. Var þá sólin komin upp
fyrir löngu og helti geislum sínum
yfir byggðina á þessum unaðslega
vormorgni, sem ég hefi ekki gleymt
siðan.
Þessar tvær skemmtanir, sem ég
hefi lýst hér að nokkru, eru mér
minnisstæðastar frá æskuárunum, þó
margar fleiri væru haldnar á vegum
ungmennafélaganna. Veturinn 1910—
1911 voru skemmtanir haldnar í
hverjum mánuði, en það mun ekki
hafa verið nema sá eini vetur. Venju-
legast var glímt og það haft fyrir
skemmtiatriði, þótt ekki væru veitt
verðlaun.
Þegar kom fram undir 1920, fór
mjög að dofna yfir glímunni í mínu
byggðarlagi og víðar, og um leið urðu
skemmtisamkomur fátíðari, sem
kannske hefur orðið afleiðing af að
hætt var að glíma. — Mín síðasta
glíma, er ég man eftir, var við Jón á
Skjaldarstöðum, á Þverá I Öxnadal í
apríl 1917. Lagði hann mig þá á fall-
egu klofbragði, sem hann náði upp úr
krækju, eftir frekar stutta viðureign.
— Jón var hraustmenni og góður
glímumaður, en frekar seinn til og
var það hans veika hlið í kappglímu.
Hvort tekst að endurvekja glím-
una aftur, skal ósagt látið, en ef svo
yrði, þá hafi þeir þökk er að því
vinna.
tJtgefandi:
Iþróttasamband Islands.
Ititstjórar:
Hallur Símonarson og
Örn Eiðsson.
Iílaðstjórn:
Þorsteinn Einarsson,
Benedikt Jakohsson,
Sigurgeir Guðmannsson.
Afgreiðsla.:
Skrifstofa iSl, Iþróttamiðstöðinni
Sími 30955.
Gjalddagi 1. maí.
Steindórsprent h.f.
Ævifélagar
Glímusam-
bandsins
Þessir menn hafa gerzt ævifélagar
Glímusambandsins:
1. Hermann Jónasson, frv. forsætis-
ráðherra.
2. Karl Kristjánsson, alþingismað-
ur.
3. Jens Guðbjörnsson, frv. form.
Glímufélagsins Ármann.
4. Guðmundur Kr. Guðmundsson,
frv. forstjóri.
5. Kristján L. Gestsson, framkvstj.
6. Bjarni Bjarnason, frv. skólastj.
7. Þorgils Guðmundsson, fulltrúi.
8. Þorsteinn Kristjánsson, bifreiða-
stjóri og landsþjálfari G.L.l.
9. Sigtryggur Sigurðsson, iðnnemi.
10. Rögnvaldur R. Gunnlaugsson,
verzlunarstjóri.
11. Sigurður Geirdal, verzlunarstj.
12. Ölafur H. Óskarsson, gagnfræða-
skólakennari.
13. Elías Árnason, starfsmaður
Fönix.
14. Garðar Erlendsson, blikksmiður.
15. Guðmundur Ágústsson, bifreiða-
smiður.
16. Gunnlaugur J. Briem, fulltrúi.
17. Sigurður Ingason, deildarstjóri.
18. Tryggvi Haraldsson, póstvarðstj.
19. Kjartan Bergmann Guðjónsson,
skjalavörður.
20. Björgvin Schram, stórkaupm.
21. Sigurður Erlendsson, bóndi
Vatnsleysu.
101