Íþróttablaðið - 01.10.1966, Blaðsíða 8

Að afgreiddum tillögum íþrótta-
nefndar hafði Guðjón Ingimundarson
framsögu fyrir áliti allsherjarnefnd-
ar. Komu frá nefndinni 2 nýjar til-
lögur (um samninga við flugfélögin
um afslátt og um mótaskrár), en að
öðru leyti lögðu þeir til, að sam-
þykktar yrðu þær tillögur, sem til
þeirra hafði verið vísað, þó ein þeirra
með orðalagsbreytingu.
Urðu um þessar tillögur nokkrar
umræður. Var það einkum tillagan
varðandi Æskulýðsráð, sem olli því,
að hugarrósemi manna varð haggað,
enda má segja, að tillagan, eins og
hún var orðuð, og enn eftir smá
orðalagsbreytingu, sem á þinginu
var samþykkt, geti valdið einhverj-
um misskilningi á þvi, hvað fyrir
vakir með samþykkt tillögunnar.
Því finnst mér rétt, að fram komi,
að þingfulltrúar voru á einu máli
um, að ekki hæfði að amast á neinn
máta við stofnun neinnar þeirrar
nefndar eða ráðs, sem vinna beri að
heilbrigðu æskulýðsstarfi, og kom
það jafnt fram af hálfu flutnings-
manna tillögunnar og þeirra, sem
andvígir voru samþykkt tillögunnar,
eins og hún var orðuð.
Hins vegar skil ég tillöguna á þann
veg, og þá sérstaklega með hlið-
sjón af því gagnmerka erindi Þor-
steins Einarssonar um þróun æsku-
lýðsstarfs á Islandi, að íþróttaþing
vilji benda á þá staðreynd, að margt
ágætt æskulýðsstarf er unnið í land-
inu, en á í vök að verjast vegna
fjárskorts. Þess vegna sé æskilegt,
að ríkisvaldið leysi fjárhagsvanda
íþróttahreyfingarinnar (og annarra
mætra æskulýðsfélaga), svo að hún
megi sýna, hvers hún sé megnug,
ef vel sé að henni hlúð, áður en lagt
sé fé í nýja æskulýðsstarfsemi, jafn-
vel þótt sú væri einnig góðra gjalda
verð.
Það er einnig staðreynd, að ávallt
er hörgull á mönnum, sem vilja eyða
tómstundum sínum að æskulýðsstarfi
og þar með uppeldi annarra manna
barna, og ætti því þjóðfélagslega
séð að vera skynsamlegra að hlúa
að því starfi, sem þessir menn þeg-
ar inna af hendi, með því að skapa
þeim viðunandi vinnuskilyrði, heldur
en að dreifa kröftunum með þvi að
fela þeim enn fleiri störf, sem einnig
þarf að vinna af vanefnum.
Að umræðum loknum voru allar
tillögur allsherjarnefndar samþykkt-
ar samhljóða, nema tillagan um
Æskulýðsráð, sem samþykkt var með
þorra atkvæða gegn fjórum.
Síðan var tekin fyrir afgreiðsla
fjárhagsáætlunar. Var fyrst sam-
þykkt breytingartillaga frá forseta
l.S.l., en síðan fjárhagsáætlunin í
heild, eins og hún er birt hér í blað-
inu.
Áður en gengið yrði til kosninga,
kom enn fram tillaga, frá þeim Er-
lingi Pálssyni, Þorsteini Einarssyni
og Benedikt G. Waage, og var hún
samþykkt með dynjandi lófataki, áð-
ur en Erlingur næði að tala fyrir
henni, en það var áskorunin um, að
fólk tæki þátt í Norrænu sundkeppn-
inni.
Jens Guðbjörnsson, formaður kjör-
nefndar, lýsti því áliti nefndarinnar,
að góða framkvæmdastjórn bæri að
endurkjósa, og var þingheimur því
hjartanlega sammála.
Eru fulltrúar l.S.l. til hinna ýmsu
starfa, kosnir af íþróttaþingi 1966,
tilgreindir í sérkafla hér í blaðinu.
Klukkan var nú rúmt fjögur, og
gerði þingforseti hálftíma hlé á
þingfundi, unz þingslit færu fram í
Sjálfstæðishúsinu í kaffisamsæti, sem
Iþróttabandalag Isafjarðar hélt þing-
fulltrúum.
Þingforseti bauð þar fulltrúana
velkomna til hófsins, rakti lauslega
sögu I.B.l. frá stofnun þess 1944 og
flutti þakkir bandalagsins til þeirra,
sem að því stuðluðu, að þetta þing
var haldið á Isafirði. Þá færði hann
l.S.Í. áletraðan borðskjöld til minn-
ingar um þingið, og veitti forseti
I.S.l. gjöfinni móttöku.
Þeir Jón F. Hjartar og Kristján
Ingólfsson fluttu kveðjuávörp og
þakkir þingfulltrúa, en forseti I.S.I.,
Gísli Halldórsson, þakkaði þinginu
það traust, sem honum og öðrum
í stjórninni væri sýnt með endur-
kjöri.
Hann þakkaði einnig gott samstarf
á liðnum tíma og þinginu fyrir vel
unnin störf þessa daga, sem það
hafði staðið.
Þá hafði forseti þeim skyldustörf-
um að gegna að sæma 3 heimamenn
gullmerki l.S.l. fyrir vel unnin störf
að íþróttamálum um langt árabil.
Þessir þrír menn eru þeir Pétur
Pétursson og Sigurjón Halldórsson úr
Ármanni í Skutulsfirði og Sverrir
Guðmundsson úr Herði á Isafirði.
Að lokum þakkaði forseti l.S.I.
þingforseta, Sigurði Jóhannssyni,
góða þingstjórn og starfsmönnum
þingsins störf þeirra. Bæjarstjórn
Isafjarðar og Iþróttabandalagi Isa-
f jarðar þakkaði hann ágætar móttök-
ur og árnaði þingfulltrúum góðrar
heimferðar.
Síðan þakkaði þingforseti þing-
fulltrúum komuna til Isafjarðar og
störf þeirra á þinginu, þakkaði góð
orð og kveðjur til Isfirðinga og sleit
þinginu.
Flugvélarnar biðu á flugvellinum,
voru nýkomnar, þar sem lengi dags
hafði ekki verið flugveður. Var ekki
laust við, að uggur væri í sumum,
þegar í ljós kom, að vindur stóð
næstum þvert á flugbrautina og svo
hvasst var á flugvellinum, að öllum
undir þungavigt var vart stætt.
Ekki kom það þó að sök, heilu
og höldnu var okkur til Reykjavik-
ur skilað nokkrum mínútum eftir
flugtak.
★
Sé litið um öxl til athugunar á,
hvað einkenndi þingið, finnst mér
það einkum þetta:
Þingið var mjög vel undirbúið, og
hefur legið geysi mikil vinna í öll-
um þeim undirbúningi, en hann olli
svo því, að öll þingstörf gengu greitt
og vel, enda hefði þingstörfum naum-
ast orðið öllum lokið á þessum stutta
tíma, ef svo hefði ekki verið.
Timinn til þinghalds mátti ekki
knappari vera. Mér er ekki grunlaust
um, að margur ræðumaður hafi orðið
fámálli en ella eða jafnvel ekki kvatt
sér hljóðs vegna þess nauma tíma,
sem fyrir hendi var, og þá var nefnd-
um þingsins einnig þröngt skorinn
stakkur, hvað þetta atriði snerti.
En hvað um það, þingið afkastaði
miklu verki á stuttum tíma og gerði
samþykktir, sem sumar hverjar má
telja, að markað geti tímamót í starfi
íslenzkrar íþróttahreyfingar, og á
ég þar einkum við samþykktina um
íþróttamiðstöð I.S.I. á Laugarvatni.
Nái það eitt mál fram að ganga,
hvað sem öllum öðrum líður, mun
saga íslenzkra íþrótta telja, þegar
tímar líða, að það íþróttaþing, sem
samþykkti byggingu þeirrar íþrótta-
miðstöðvar, hafi verið gott íþrótta-
þing.
176