Íþróttablaðið - 01.11.1966, Blaðsíða 4

átta með honum og börnunum,
enda dvaldi hann oft hjá þeim
og þá einkum hjá Einari og
Magneu tengdadóttur sinni. En
á þessu tímabili bjó hann lengst
af hjá bróður sínum Gunnari
H. Guðjónssyni húsgagnabólstr-
ara og konu hans Valgerði Jó-
hannsdóttur.
Árið 1919 stofnaði Benedikt
húsgagnaverzlunina Áfram á-
samt bræðrum sínum Einari og
Gunnari. Þá verzlun rak hann
um 30 ára skeið. Var hann vel
kynntur í hópi kaupmanna
landsins, en þótt hann hafi
unnið þar mikið starf hluta
þessarar aldar þá verður nafn
hans ávallt fyrst og fremst
tengt íþróttahreyfingunni fyrir
hin miklu og fórnfúsu störf,
sem hann vann fyrir hana um
60 ára skeið.
Ungur að árum gekk Bene-
dikt G. Waage íþróttunum á
hönd, því rétt um aldamótin
hóf hann sundnám hjá Páli
Erlingssyni, í torflauginni, sem
þá var notuð til sundiðkana í
Laugardal.
En hann lét ekki þar við sitja.
Hann hóf æfingar í knattspyrnu
og gerðist félagi í Knattspyrnu-
félagi Reykjavíkur, en jafn-
framt fer hann að leggja stund
á glímu, fimleika og frjálsar
íþróttir. Á árunum 1910—1920
er hann án efa fjölhæfasti
íþróttamaður landsins. Hann
ber sigur úr býtum á fjölda
mörgum íþróttamótum, svo
sem á hátíðarmóti 17. júní 1911,
sem haldið er til að minnast að
100 ár voru liðin frá fæðingu
Jóns Sigurðssonar. Þá er hann
í liði K.R. er sigrar á fyrsta Is-
landsmótinu í knattspyrnu 1912
og aftur 1919. Sjálfkjörinn var
hann í sýningarflokka Í.R. er
sýndu fimleika á þessum árum,
og um árabil kenndi hann þá
íþrótt í báðum félögunum.
Þannig má lengi telja, að sem
íþróttamaður var hann ávallt í
fararbroddi og vísaði öðrum
ungum mönnum veginn að settu
marki, bæði með allri sinni
framkomu, svo og er hann gerð-
ist þjálfari félaga sinna.
Þótt Benedikt hafi verið svo
fjölhæfur íþróttamaður var
sundið án efa hans uppáhalds
íþróttagrein, enda var hann alla
tíð afbragðs sundmaður og einn
af hinum svokölluðu „víking-
um“ er syntu daglega. Ekki í
vel heitum laugum, sem flestir
gera nú, heldur í sjónum allan
ársins hring. Á nýársdag
þreyttu þeir svo kappsund og
kom það þá stundum fyrir að
höggva þurfti vök, svo sund-
keppnin gæti farið fram. Slíkt
var þá ekki talin ástæða til að
fresta mótinu.
Árið 1912 má segja að nokk-
ur þáttaskil verði í starfi Bene-
dikts þá hefst hans félagslega
forysta innan íþróttahreyfing-
arinnar, með því að hann gerist
formaður K.R., og gegnir því
starfi í 3 ár. Eftir það tekur
hann við stjórnarforystu I.R.,
sem hann gegnir í 5 ár. Þá æfir
K.R. aðeins knattspyrnu, en
I.R. fyrst og fremst frjálsar
íþróttir og fimleika. En í öllum
þessum íþróttagreinum tók
hann þátt í, fyrir félög sín um
leið og hann veitti þeim stjórn-
arforystu.
Áður en skipulagðar íþrótta-
heildir innan íþróttahreyfingar-
innar komu til, voru ekki gerð-
ar eins miklar kröfur til íþrótta-
mannvirkja. Þátttakendur æfðu
því við mjög ófullkomnar að-
stæður, oft á sléttum túnum
eða lítt ruddum melum. Bene-
dikt var ljóst, sem góðum
íþróttamanni, að hér varð úr
að bæta. Þess vegna gerðist
hann árið 1910 hvatamaður
að stofnun Iþróttasambands
Reykjavíkur. En aðalmál sam-
bandsins skyldi vera að koma
upp íþróttaleikvangi fyrir allar
vallaríþróttir. Fékk hann þar í
lið með sér Ólaf Björnsson rit-
stjóra og fleiri ágætis menn,
sem studdu þetta málefni
drengilega. Völlur varð að
veruleika á skömmum tíma og
var vígður árið eftir. Síðan rak
sambandið íþróttavöllinn á Mel-
unum um langt árabil.
Sambandið starfaði á annan
áratug og kom mörgu góðu til
leiðar í þágu íþrótta höfuðstað-
arins. Benedikt var lengst af í
stjórn þess og formaður í 5 ár.
Sem forystumaður í félagslífi
höfuðstaðarins mætti Benedikt
á stofnfundi Iþróttasambands
Islands og studdi þá stofnun
með ráðum og dáð. En í stjórn
sambandsins er hann kosinn
þremur árum síðar. Gegndi
hann þar fyrst störfum gjald-
kera, en varð síðar varaforseti.
Þegar Axel V. Tulinius hætti
störfum þar árið 1925 þá er
Benedikt einróma kjörinn eft-
irmaður hans, sem forseti I.S.I.
Hann hafði þá þegar unnið
meira að félagsmálum íþrótt-
anna en nokkur annar. Rækt
allar skyldur sínar með stakri
prýði þótt störfin hlæðust að
honum. Þessu mikilvæga starfi
gegndi hann í 37 ár samfleytt.
Með starfi Benedikts innan
vébanda Í.S.Í. hefst nýr þáttxn-
í starfi hans. Hann hefur áður
unnið markvisst að uppbygg-
ingu félagslegs starfs hinna
ungu félaga í höfuðstaðnum.
En fyrir framsýni og dugmikið
starf í þágu þeirra eruhonumnú
fengin stærri verkefni að leysa.