Íþróttablaðið - 01.12.1966, Blaðsíða 3
26. áxg.
Reykjavík, desember 1966
10. tbl.
Til
austfirzkrar
æsku
Flutt á Skógarhátíð
U. Í.A. í Atlavík 31. júlí 1966
Til þín mælir Austurland, æska, sem hlustar í dag
orðum, sem mega ei hverfa í tómið og deyja:
— Hlustaðu á blæinn .hleraðu öldunnar lag.
Hvað skyldi hergmál x fjöllunum vera að segja?
Horfðu á firðina lygnu og lærðu að sjá
letrið, er sólar- og tunglsgeislar á þá skrifa.
Þú átt mig og ég, Austurland, þig á,
mitt austfirzka hjarta finnirðu hvarvetna slá.
Kom mér að barmi og gleðstu, því gott er að lifa.
Hér áður ég gat ekki æskunni boðið sem nú
ánægjustundir, né heillandi framtíðarsýnir.
Han ég enn löngum fólkið með bjargþrota bú,
er brugðust þeir allir hamingjudraumarnir mínir
og gæðanna minna gat eigi fólkið mitt neytt,
ef geisuðu harðindi fékk það ei risið gegn slíku.
Sveið mínu hjarta, er sveitunum mínum var eytt,
svall mér hugur, því ég elskaði heitt,
er fluttust menn burt og flýðu til Ameríku.
Flest er nú breytt og þú, æska, sem upp vex I dag
þarft eigi að kvíða, þótt blikur á loftinu sjáist,
því þú munt læra og æfa það áralag,
sem Austfjörðum hentar til þess að lífsfylling náist.
Nú ert þú í sókn. Vertu stöðug við stefnumál,
stattu þinn dygga vörð um menningu, tungu.
1 veraldarglaumi verndaðu þína sál,
vökunni haltu, ef gylliboð seilast um ál.
Gleymdu því aldrei, sem austfirzkar hollvættir sungu.
Gnýr þér í eyrum þá svarrar við sorfinn drang,
svifléttar vagga þér bárur á miðunum þínum
og blænum þú fagnar, sem berst yfir foldarvang,
bergir þú gróðurilminn úr sverði mínum.
Svo kveða þér strönd þin og dalur, þín byggð og þinn bær,
ið blikandi haf og hvert og eitt við þig syngur.
— Sonur minn, dóttir mín, Austfjörðum ertu kær.
Á augu þín bliki af lífgeislum þeirra slær
og lífstrúin bylgjast í blóði þér Austfirðingur.----
Sigurður Pálsson.