Íþróttablaðið - 01.02.1991, Blaðsíða 43

A LINUNNI
STEFANÍA GUÐJÓNSDÓTTIR,
HANDKNATTLEIKSKONA í ÍBV
Ertu of eigingjörn,
Stefanía?
(Stefanía hefur ekki verið valin til
þess að leika með unglingalands-
liði fslands í handbolta þótt hún
sé markahæst í 1. deild. Hún er
sögð of eigingjörn)
„Ég hef aldrei nokkurn tímann
heyrt það að ég sé talin eigingjörn. Ég
vil meina það að ég hafi ekki fengið
þann tíma, sem ég þurfti á æfingum,
með unglingalandsliðinu til þess að
sína hvað í mér býr. Ég mætti á 3
æfingar ásamt fjölda annarra stúlkna
en hópurinn var síðan skorinn niður.
Landsliðsþjálfarínn hefur vitanlega
sínar skoðanir á hlutunum en ég er
þeirrar skoðunar að ég sé ekki eig-
ingjörn. Jú, auðvitað er ég vongóð
um að fá tækifæri með landsliðinu
þótt síðar verði."
Stefanía Guðjónsdóttir.
GEIR SVEINSSON, HANDKNATTLEIKSMAÐUR MEÐ
GRANOLLERS Á SPÁNI
Ert þú ekki á leið heim
eins og allir aðrir?
Kristján Arason, Alfreð Gíslason,
Sigurður Gunnarsson og Atli
Hilmarsson leika væntanlega all-
ir á íslandi næsta vetur.
„í hreinskilni sagt get ég ekki svar-
að því að svo stöddu. Það er svo of-
boðslega margt sem spilar inn í. En
það er jafn mikið inni i myndinni að
koma heim og spila eins og hvað
annað. Ég er að velta ýmsu fyrir mér
um þessar mundir."
Geir Sveinsson.
ANTON BJÖRN
MARKÚSSON,
LEIKMAÐUR FRAM í
FÓTBOLTA
Heldurðu að
sumarið sé fokið út í
veður og vind?
(Anton sleit hásin á íslands-
mótinu í innanhússknatt-
spyrnu á dögunum)
„Nei, sumarið er ekki fokið.
Reyndar hafa margir verið að
segja mér að þeir, sem slíta hásin,
nái sér aldrei aftur á strik en ég
hlusta ekki á slíkar glósur. Það er
búið að skera mig og ég er byrjað-
ur að hjóla. Síðan ætla ég að
synda og hlaupa ofaní lauginni.
Ég hef líka verið að lyfta en mest á
efri líkamann. Annars er þetta
spurning um að fara ekki of geyst
af stað. Ég hef aldrei meiðst fyrr á
ævinni þannig að þetta er nýtt
hlutskipti fyrir mig. Læknar segja
að ég megi fara að hlaupa með
félögum mínum í lok apríl þannig
að ég ætla mér að verða í topp-
formi næsta sumar."
43