Íþróttablaðið - 01.04.1991, Blaðsíða 3
Ritstjóraspial I
A5 þessu sinni gefst lesendum ÍÞRÓTTABLAÐSINS kostur á að kynnast
viðhorfum forystumanna stjórnmálaflokkanna í landinu til íþróttahreyfing-
arinnar og málefna hennar. Alþingiskosningar eru í nánd og í íþróttablaðinu
fá formenn flokkanna nú gullið tækifæri til þess að tryggja sér atkvæði
óákveðinna kjósenda úr röðum íþróttaáhugamanna. Blaðið er lesið af 25%
landsmanna á aldrinum 15-75 ára og nú er ykkar að meta hvort einhver
ákveðinn stjórnmálaflokkur höfðar til ykkar, sem íþróttamenn, og hvort
framtíð íþróttamanna á íslandi verði bjartari komist einhver ákveðinn flokk-
ur til valda.
Það, sem vekur hvað mesta athygli í greininni, er að allir flokkarnir, að
Kvennalistanum undanskildum, virðast vera hlynntir stofnun afreksmanna-
sjóðs ríkisins í einhverri mynd. Að minnsta kosti gefa þeir það í skyn, hvað svo
sem síðar verður. Ólafur Ragnar Grímsson talar um flottræfilshátt íslendinga
í byggingum íþróttahúsa, sem er að mörgu leyti alveg rétt, og bendir á að það
sé ekki svo kostnaðarsamt að stunda skokk og skíðagöngu! Hann gefur einnig
í skyn að skattlagning lottótekna komi til greina til þess að koma í veg fyrir
mismun í þágu líknarstarfa.
Júlíus Sólnes bendir á að fastur tekjustofn íþróttahreyfingarinnar gæti
verið ákveðinn hluti aðflutningsgjalda af öllum innfluttum íþróttatækjum.
Málmfríði Sigurðardóttur finnst að of mikil áhersla sé lögð á afreksmenn
íslands á kostnað uppeldishlutverks íþrótta gagnvart þeim sem minna mega
sín.
Þegar á heildina er litið er lítið um loforð og fögur fyrirheit í svörum
formanna flokkanna. Menn eru greinilega hættir að lofa upp í ermina á sér
fyrir alþingiskosningar, allavega þegar um málefni íþróttahreyfingarinnar er
að ræða. Það má skoða málið og taka afstöðu síðar.
Að mínu mati er brýnast að tillagan um stofnun afreksmannasjóðs ríkisins
nái fram að ganga sem fyrst. Það gengur ekki til lengdar að íþróttaiðkun
Einars Vilhjálmssonar sé háð því hvort einhver fyrirtæki styrki hann, eins og
Ólafur Ragnar Grímsson bendir réttilega á. Eitt er víst að ef við eigum enga
afreksmenn í íþróttum dvínar áhugi þeirra, sem eru að stíga sín fyrstu
íþróttaspor, til muna. ✓ _
éf/tíAÝ&O
Þorgrímur Hafsteinn Viðar
Þráinsson ritstjóri auglýsingastjóri
Forsíðumyndina af Guðríði
Guðjónsdóttur tók Grímur Bjarnason.
Ritstjóri og ábyrgðarmaður:
Þorgrímur Þráinsson
Beinn sími ritstjóra: 685057
Ritstjórnarfulltrúi ÍSÍ:
Guðmundur Gíslason
Ljósmyndarar: Grímur Bjarnason,
Kristján Einarsson,
Gunnar Gunnarsson
Skrifstofa ritstjórnar:
Bíldshöfða 18. Sími 685380
Aðalritstjóri:
Steinar J. Lúðvíksson
Framkvæmdastjóri:
Halldóra Viktorsdóttir
Stjórnarformaður:
Magnús Hreggviðsson
Áskriftargjald kr. 1.480,00 (jan.-jún.)
Hvert eintak í áskrift kr. 370,00
Hvert eintak í lausasölu kr. 399,00
Áskriftarsími: 82300
Útgefandi: Fróði hf.
Skrifstofa og afgreiðsla:
Ármúla 18, sími 82300
Öll réttindi áskilin varðandi
efni og myndir.
G. Ben. prentstofa hf.
llSil
:: ::ý:| | y yyv y yyy y v Í||
plliiiiil
s , tiÉi w sÉ iP ll i i-É isiliíili/lli! 'í?
■ ■ ■ . . . . ' ■
3