Íþróttablaðið - 01.04.1991, Blaðsíða 46
í góðra vina hópi — saumaklúbbi, eins og glöggt má sjá! Frá vinstri: Gurrý,
Stína, Magga, Jenný, Ella, Dóra spákona, Jóhanna, Gauja, Kolla, Bára.
það minnsta að sýna einhvern lit
þegar við stelpurnar eigum í hlut."
— Hefur einhver kvenmaður átt
skilið, að þínu mati, að vera kjörin
Iþróttamaður ársins síðan mamma
þín var kjörin árið 1964?
„Já, Ragnheiður Runólfsdóttir. En
samt á ég erfitt með að segja til um
hvenær hún hefur átt það skilið. Ég
var sammála því að Alfreð Gíslason
skyldi hljóta titilinn árið 1989 en mér
fannstóþarfi að hafa þrjá handbolta-
menn íþremurefstu sætunum. Ragn-
heiður hefði þá áttskilið að hafna í 2.
sæti. Mérfannst þaðfrábærtað Kolla,
markvörðurinn okkar, skyldi hafna í
8. sæti fyrir árið 1990 og er það í
fyrsta skipti síðan mamma var kjörin
að handboltakona nær að komast í
hóp 10 efstu. Mérfinnst það líka und-
arlegt að kvenmaður skuli aldrei
komatil greina þegar HSÍvelur hand-
knattleiksmann ársins. Það hefur
engin kona hlotið slíka viðurkenn-
ingu en samt hefur meistaraflokkur
Fram verið með yfirburðalið í hálfan
annan áratug. Á hinum Norðurlönd-
unum er valinn handknattleiksmaður
ársins og sömuleiðis handknattleiks-
kona ársins. Þannig ætti það líka að
vera hér á landi, að mínu mati."
— Ef við vendum okkar kvæði í
kross, leggjum jafnréttismálum til
hliðar og forvitnumst aðeins um
hvernig Gurrý er þegar handboltinn
er hvergi nærri?
„Mér þykir mjög þægilegt að vera
heima í rólegheitum. Ég er mikil
búkonaímér, efsvomáaðorði kom-
ast, þykir gaman að vera húsmóðir.
Ég er mikil matmanneskja og enn
hefur mér ekki tekist að finna mat
sem mér þykir vondur. Ég tek slátur,
býtil rúllupylsur, kæfu og sviðasultu,
kaupi heilu skrokkana og set þá í kist-
una. Þetta er mér að skapi. Mér þykir
fuglakjöt gott og kunningi minn, sem
er sjómaður, færir mér stundum
svartfugl sem hefur komið í netin.
Haukur er mikill veiðimaður og fá
gæsir, rjúpur og svartfugl lítinn frið
þegar hann er nærri. Áður en ég
kynntist honum hafði ég aldrei borð-
aðannaðfuglakjöten kjúkling. Stelp-
urnar í Fram og landsliðinu hafa
reynt hvað þær geta til þess að finna
vondan mat handa mér þegar við er-
um á keppnisferðalögum því þær
vilja upplifa það að sjá mér þykja
einhver matur vondur. Þeim hefur
ekki enn tekist þetta."
— Hvað finnst þér mikilvægast í
lífin, Gurrý?
„Fjölskyldan. Hún hlýtur að vera
hverjum einstaklingi mikilvægust. Ef
það er mikil ást og hlýja þar sem þú
býrð geturðu ekki annað en verið
hamingjusamur og ánægður með líf-
ið."
AFREKALISTI GUÐRÍÐAR
GUÐJÓNSDÓTTUR MEÐ
MEISTARAFLOKKI:
HANDBOLTI
12 íslandsmeistaratitlar með Fram:
1976-1977-1978-1979-1980-1984-
1985-1986-1987-1988-1989-1990.
9 bikarmeistaratitlar:
1978-1979-1980-1982-1984-1985-1986-1987-1990.
11 Reykjavíkurmeistaratitlar:
1976-1977-1978-1979-1980-1982-1984-1987-1988-1989-1990.
5 íslandsmeistaratitlar utanhúss: 1977-1978-1979-1980-1981.
Gurrý á 398 meistaraflokksleiki að baki með Fram og hefur skorað
nálægt 2320 mörkum. Hún hefur leikið 73 landsleiki (fyrir C-
keppnina á Ítalíu).
1980 var Gurrý markahæst og valinn leikmaður íslandsmótsins.
1987 var hún kjörin besti sóknarleikmaðurinn.
1988 var hún markahæst og kjörin besti sóknarleikmaðurinn.
1990 var hún markahæst, kjörin besti sóknarleikmaðurinn og besti
leikmaður íslandsmótsins.
KNATTSPYRNA
4 sinnum íslandsmeistari með Breiöabliki: 1980-1981-1982-1983
3 sinnum bikarmeistari: 1981-1982-1983
2 sinnum sigurvegari á Bautamóti með Breiðabliki: 1981-1982
Gurrý lék fyrstu 7 landsleiki íslands í knattspyrnu.
46