Íþróttablaðið - 01.05.1991, Blaðsíða 6

VERÐUR
FERÐASKRIFSTOFA
/ /
ISI
AÐ VERULEIKA???
Texti: Ellen Ingvadóttir
Myndir: Gunnar Gunnarsson
í desember árið 1987 var að til-
lögu Sundsambands íslands skipuð
nefnd til að gera könnun á því hvort
fýsilegt væri fyrir íþróttahreyfing-
una að stofna til sérhæfðrar ferða-
þjónustu fyrir sér- og héraðssam-
bönd íþróttasambands íslands. Mál-
ið var í könnun í liðlega tvö ár og
skýrslur gerðar. Hver er staða þessa
máls nú? Var verið að þyrla upp
moldroki eða er mögulegt að
íþróttahreyfingin geti aukið þjónust-
una við umbjóðendur sína og jafn-
framt sparað fé með því að stofna
eigin ferðaskrifstofu? Eru líkur á því
að slíkt geti gerst innan skamms
tíma?
Ástæða þess að Sundsamband ís-
lands kom með tillögu um stofnun
ferðaþjónustuíþróttahreyfingarinnar
var þríþætt: Að auka þjónustuna við
hreyfinguna á landsvísu, að lækka
ferðakostnað og síðast en ekki síst að
kanna möguleikana á því hvort
ferðaþjónusta innan vébanda þessar-
ar stærstu hreyfingar landsins myndi
gefa henni eitthvað í aðra hönd, þ.e.
hvort hún hefði hagnað af slíkum
rekstri. Þrátt fyrir að flugfargjöld hafi
lækkað að raungildi á sl. árum er
kostnaður við ferðalög íþróttahópa f
keppnir og æfingabúðir erlendis
þungur baggi á sér- og héraðssam-
böndunum. Með tilliti til legu lands-
ins eru valkostir þeirra, sem á utan-
landsferðir hyggja, ekki ýkja margir,
reyndar eru kostirnir aðeins tveir,
þ.e. að ferðast með flugi eða með
Verður sérhæfð ferðaskrifstofa ÍSÍ að veruleika á næstu árum? Þó nokkrar
líkur eru á því.
ferju frá Austfjörðum sem er vissum
annmörkum háð.
ÍSÍ rekur ekki ferðaþjónustu fyrir
umbjóðendur sína heldur sjá sér- og
héraðssamböndin sjálf, eða einstök
íþróttafélög innan þeirra, um alla
skipulagningu ferðanna. Um nokk-
urra ára skeið hefur verið í gildi
samningur milli ISI og Flugleiða, sem
erendurnýjaðurá hverju ári, og veitir
hann íþróttahreyfingunni ákveðinn
afslátt af fargjöldum á flugleiðum
innanlands og utan. Ýmsum innan
hreyfingarinnar finnst hins vegar að
afslátturinn, sem fæst með þessum
samningi, sé ákaflega takmarkaður
og að ef til vill gæti sérhæfð ferða-
þjónusta ÍSÍ, ef til hennar væri stofn-
að, þjónað hagsmunum heildarinnar
betur en fyrrgreindur samningur.
Reyndar er það álit margra að gildi
samningsins með tilliti til afsláttar af
flugfargjöldunum fari sífellt minnk-
andi og kenna þeir Flugleiðum um
áhugaleysi á þjónustu við þann stóra
hóp viðskiptavina sem í íþróttahreyf-
ingunni er að finna.
MISMUNANDI
SAMNINGSSTAÐA
Aðstaða hinna ýmsu sér- og hér-
aðssambanda til samninga við ferða-
þjónustuaðila er ákaflega mismun-
andi og segja má að stærð hópanna
ráði mestu um hve lág fargjöld er
hægtað semja um en að sjálfsögðu er
ákveðið þak á því. Algengt er að
íþróttahópar gisti í skólum eða öðru
ódýru húsnæði sem íþróttasambönd
eða félög erlendis útvega þeim. Ekki
hafa öll íþróttafélög á íslandi greiðan
aðgang að slíkri aðstöðu og þess