Íþróttablaðið - 01.05.1991, Blaðsíða 17

Fyrir utan það að fá um 250.000 krónur í laun á dag er Baggio á skósamningi
hjá Diadora og fær dágóða fúlgur fyrir það.
og oft við undarlegar aðstæður.
Það var til dæmis umtalað þegar
hann gifti sig og í brúðkaupsveisl-
unni sjálfri var hann ekki í rónni
fyrr en hann komst út á stétt og gat
spilað svolítið við nokkra af gest-
unum. Ein frænka hans segir svo
frá: „Meðan við sátum til borðs í
veislunni var hann með bolta und-
ir borði sem hann hélt á milli fót-
anna. Hann borðaði hratt og um
leið og hann var búinn að borða
þaut hann út í garð f fótbolta."
Tito Rizzi var lögregluþjónn í
þorpinu Caldogno þegar Roberto
var að alast upp. Hann rifjar upp:
„Áður en hann byrjaði í skóla var
hann alltaf úti í fótbolta. Stundum
lék hann sér úti á götu og æfði sig
með því að hlaupa með boltann á
milli kyrrstæðra bíla. Ég þurfti oft
að banna honum hitt og þetta því
mér þótti hann helst til djarfur í
leiknum. Stundum gerði ég bolt-
ana hans upptæka og síðan kom
hann til mín á stöðina niðurlútur
og undirgefinn nokkrum dögum
síðar og bað mig um að láta sig fá
boltann aftur. Hann lofaði að leika
sér bara með hann á þar til gerðum
leiksvæðum en klukkutíma síðar
gat ég gengið að honum vísum
með boltann á harðahlaupum á
milli bílanna."
Það liðu ekki mörg ár milli þess
sem Roberto lék sér í fótbolta á
götunni og þar til hann fór að æfa
með liði. Hann var valinn í lið
þorpsins og þótti einstökum hæfi-
leikum gæddur. Hann hafði þá
þegar hraða brasilísku leikmann-
anna og gott vald á tækni sem
meiri áhersla er lögð á í evrópskri
knattspyrnu. Þegar hann var tíu
ára lék hann með unglingaliðinu
og skoraði oft og örugglega.
Vicenza keypti síðan þennan efni-
lega leikmann fyrir 25 þúsund ís-
lenskar krónur. Þá var Roberto 13
ára gamall og fáir gerðu sér grein
fyrir að þetta væri fyrsta skrefið í
átt að heimsfrægð.
Ferillinn hefst
fyrir alvöru
Fiorentina keypti Baggio sumar-
ið 1985 fyrir 140 milljónir ís-
lenskra króna frá Vicenza, þriðju
deildar liði sem Roberto hafði leik-
ið með frá því hann var 15 ára gam-
all. Hann hafði vakið athygli út-
sendara 1. deildarliðanna fyrir frá-
bæra frammistöðu, sérstaklega
leikárið '83-'84. „Þá lékég 29 leiki
og skoraði 12 mörk. Það var frábær
tími!" segir hann og bætir síðan
við dapurlegri á svip: „Þar til 5.
maí þegar ég lék á móti Rimini og
meiddist enn einu sinni. Þá eyðil-
agði ég liðböndin í hægra hné og
var frá í nokkra mánuði."
Roberto Baggio er líklega sá
leikmaður sem einna oftast hefur
orðið fyrir meiðslum í ítölsku
knattspyrnunni en alltaf hefur
honum tekist að ná góðum bata og
þjálfa sig upp aftur. Viljastyrkur
hans og ákveðni eru með eindæm-
um segja þeir sem vel þekkja
hann. Hann þjálfar sig heima und-
ir leiðsögn sérfræðinga og hættir
ekki fyrr en hann hefur náð bata að
nýju.
17