Íþróttablaðið - 01.05.1991, Blaðsíða 19

áðuren þú ákvaðstað ganga til liðs
við Juventus. Meðal annars hafði
Real Madrid áhuga á þér og einnig
Barcelona. Hafðir þú aldrei áhuga
á að leika á Spáni?
„Nei, ekki verulegan, því ég er
heimakær ítali og uni mér best hér.
Mér þótti hins vegar gaman að
þessi lið skyldu sýna mér áhuga.
Það er alltaf gaman að fá staðfest-
ingu á því að fólki þykir þú hafa
eitthvað sérstakt til brunns að
bera."
Þetta eru oft
ólátabelgir sem fá
útrás fyrir
óútskýranlegar hvatir
— Þú hefur barist ötullega gegn
ofbeldi á leikvöllum meðal aðdá-
enda, finnst þér það vera í verka-
hring leikmanna að reyna að koma
í veg fyrir slagsmál áhorfenda?
„Já, þótt hin raunverulega
ástæða fyrir slagsmálunum sé ekki
knattspyrnan sem slík. Hún er í
flestum tilfellum eingöngu yfir-
skyn. Þetta eru oft ólátabelgir sem
nota tækifærið, þegar þeir koma í
fjölmenni, til að fá útrás fyrir ein-
hverjar óskiljanlegar kendir. Þetta
er alvarlegt vandamál og ég á von
á að einhverjir líti á okkur sem
fyrirmynd svo ef við biðjum aðdá-
endur okkar um að hegða sér eins
og siðmenntað fólk, þá hlýtur það
að skila sér alla vega að einhverju
leyti. Mér finnst það skylda okkar
leikmanna að standa saman um
það að leikir geti farið friðsamlega
fram. Það er alvarlegt þegar for-
eldrar vilja ekki hleypa börnum
sínum á leikina og fólk vill frekar
fylgjast með þeim í sjónvarpi af
hræðslu við að verða lamið og lim-
lest af brjálæðingum. Ofbeldið
vinnur á móti knattspyrnunni og
þar af leiðandi á móti okkur sem
höfum hana að atvinnu."
— Hvað þykir þér best að gera í
frístundum?
„Við hjónin erum bæði heima-
kær og okkur þykir gott að hlusta á
góða tónlist heima í stofu. Við er-
um bæði miklir rokk-aðdáendur
og Prince er í sérstöku uppáhaldi
hjá mér, einnig finnst mér ítalski
söngvarinn Renato Zero skemmti-
Mörgum þykir Roberto góður leiðtogi á vellinum en sjálfur segist hann
ekki líta á sjálfan sig sem slíkan. „Það þarf 11 menn í hvoru liði til að
leikurinn geti gengið upp," segir hann.
legur en hann er algjör andstæða
Prince, sem er að mínu áliti raun-
verulegur prins dægurlagatónlist-
arinnar. Ég á öll mörkin sem ég hef
skorað á myndbandi og ég setti
lagið Purple Rain inná spóluna og
nýt þess að horfa á mörkin mín og
láta Prince syngja undir! Útivera
er líka eitt af helstu áhugamálum
mínum og ég nýt þess að vera í
tengslum við náttúruna."
Fólk ætti að fá sér
gleraugu!
Roberto Baggio og Andreina
kona hans voru kærustupar í sjö ár
áður en þau gengu í það heilaga,
en þau kynntust í skóla. „Það gekk
á ýmsu áður en við giftum okkur og
við deildum súru og sætu. Það má
segja að við höfum alist upp sam-
an því við vorum svo ung þegar við
kynntumst. Hún er hógvær og lát-
laus kona og þegar ég giftist henni
fyrir tveimur árum upplifði ég
stærstu stund í lífi mínu. Nú er
önnur stund komin í staðin og það
er þegar mér var tilkynnt að dóttir
okkar hefði fæðst í desember síð-
astliðnum. Ég gat nefnilega ekki
verið viðstaddur."
— Varst þú ekki einmitt að leika
þegar hún fæddist?
„Nei, en ég var í hvíldarbúðum
með liðinu daginn fyrir leik þegar
hún fæddist. Ég hefði svo gjarnan
viljað vera viðstaddur fæðinguna,
en fékk ekki leyfi frá félaginu til
þess. Ég passa mig bara að vera á
réttum stað á réttum tíma næst!"
— Hafið þið í hyggju að eignast
mörg börn?
„Já, eitt knattspyrnulið! Nei, við
höfum engar ákveðnar hugmyndir
19