Íþróttablaðið - 01.06.1991, Blaðsíða 9
Guðni messar yfir sínum mönnum. Það verður fróðlegt að sjá hvort honum tekst að hræða titlavofuna úr Frostaskjól-
inu.
EÐLILEGAST AÐ
SPILA SÖMU
LEIKAÐFERÐ í YNGRI
LANDSLIÐUM OG
A-LIÐINU
Égtel að efeinhverákveðin leikað-
ferð sé sett fram í A-landsliðinu eigi
að spila hana í yngri landsliðunum
einnig. Þá eru yngri leikmenn, sem
koma inn í A-landsliðið, búnir að fá
eldskírn sína í að leika þessa tilteknu
aðferð meðyngri landsliðunum. Það
er ekki gæfulegt, að mínu mati, að
leika einhverja ákveðna leikaðferð í
A-landsliðinu og síðan leikur t.d. 21
árs landsliðiðeinhverjaalltaðra leik-
aðferð. í kjölfar þessa vaknar síðan
spurningin hvort markmiðið sé ein-
vörðungu að ná góðum árangri með
A-landsliðið eða hvort verið sé að
byggja upp landslið framtíðarinnar.
Þetta er spurning sem forsvarsmenn
KSÍ verða að svara.
Bo sagði að það væri allt of mikil
varnarleikaðferð, sem notuð hefði
verið, og nú yrði að skipta um aðferð.
Ég tjáði honum þá að það lið, sem ég
hefði stjórnað, 21 árs landsliðið,
hefði leikið sömu leikaðferð og A-
liðið og hefði leikið gegn Vestur-
Þjóðverjum, Hollendingum og Finn-
um, heimaog heiman ogað okkarlið
hefði gert flest mörk á árinu í riðlin-
um. Þetta taldi ég afsanna að 21 árs
liðið hefði leikið algeran varnarleik.
Ég efast ekkert um að Bo Johanson
hafi eitthvað til síns máls. Ég þekki
hann og starfsaðferðir hans lítið sem
ekki neitt og hugmyndir hans eru ef-
laust góðra gjalda verðar.
Það hefur verið einkenni íslenska
landsliðsins að í þvíbýr mikil barátta.
En ég tel að þegar menn hafa unnið
boltann þurfi þeir að gefa sér meiri
tímatil þessað hugsa. Menn eru upp-
spenntir þegar þeir koma upp úr
hörðum taklingum og það, sem vant-
ar, er að þeir rói sig niður. Það erekki
nóg að gefa boltann frá sér heldur
þurfa sendingarnar að vera góðar og
nákvæmar í hvert og eitt skipti. Það
getur varla verið mikið markmið að
losa sig við boltann bara til að losa sig
við hann. Það þarf að leita eftir sam-
herja og spila boltanum betur milli
manna meðan liðið hefur boltann. Ég
held að þetta sé eitthvað sem verður
ekki breytt á einni nóttu. Þetta er mál
sem taka verður á allt niður í yngri
flokkana, þannig að mönnum sé
kennt að hugsa meira um það hvað
þeir eigi að gera við boltann þegar
þeir hafa hann og reyni að vera búnir
aðtaka ákvörðun áðuren þeirfá bolt-
ann. Mikil barátta er allra góðra
gjalda verð- og í raun nauðsynleg, en
staðreynd málsins er sú að baráttan
flytur menn oft ekki nema hálfa leið.
Ég tel að það ætti að nota yngri
landsliðin í auknum mæli til þess að
koma þessu í lag, því það getur opn-
að mönnum nýjar víddir á vellinum.
Það þarf að kenna leikmönnum að
skilja leikinn beturen þeirgera nú og
þeir þurfa að vita af hverju þeir
hlaupa í eina átt en ekki einhverja
aðra."
9