Íþróttablaðið - 01.06.1991, Blaðsíða 71

hann hafi synt Drangeyjarsund og
hvenær.
4. Handhafi bikarsins heldur
honum þar til næsti sundmaður hef-
ur þreytt sund, þó eigi lengur en tvö
ár. Eftir það varðveitir ÍSÍ bikarinn þar
til að næsta Drangeyjarsund verður
leyst af hendi. Fer afhendingin þá
fram samkvæmt 3. gr. að framan.
5. Syndi einhver Drangeyjar-
sund, sem ekki er búsettur á íslandi,
þá skal áritaður skjöldur með nafni
hans og ártali festur á bikarinn, en
síðan varðveitir ÍSÍ bikarinn. Viður-
kenningarskjal skal afhent sbr. 3. gr.
6. Syndi fleiri en einn Drangeyj-
arsund sama daginn fá þeir afhent
viðurkenningarskjal og áletrun á
bikarinn verður samkvæmt 3. gr. en
ÍSÍ varðveitir bikarinn.
7. Flytji einhver, sem er handhafi
bikarsins, úr landi eða falli frá nálgast
ÍSÍ bikarinn og varðveitir hann þar til
kemur að næstu afhendingu.
8. Pessu til staðfestingar undir-
rita gefendur bikarsins nafn sitt á
þetta skjal svo og forseti Iþróttasam-
bands (slands.
Það er svo von gefenda að þetta
megi verða til að glæða áhuga fyrir
sundi í sjó og haldi jafnframt uppi
minningu um góð íþróttaafrek feðra
vorra.
Sveinn Björnsson og Hannes P. Sig-
urðsson skrifa undir nýjan samning
við Flugleiðir hf.
ÍSÍ semur við Flugleiðir
(Jm miðjan maí var endurnýjaður
samstarfssamningur milli ÍSI og
Flugleiða hf. varðandi ferðalög
íþróttafólks innanlands og utan. Við-
ræður höfðu þá staðið yfir allt frá sl.
áramótum. Samningurinn er í heild
sinni í Fréttabréfi ÍSÍ 2. tbl. 1991.
Clnglinganefnd ÍSÍ veitir
þjálfarastyrki
Nú nýlega veitti Clnglinganefnd ISI
þjálfarastyrki til 4 aðila er hyggjast
sækja námskeið erlendis í ár. Alls bár-
ust 10 umsóknir en hver styrkur er kr.
40.000. Nefndin ákvað að veita eftir-
töldum aðilum styrk að þessu sinni:
Stefáni Arnarsyni, körfuknattleiks-
manni
Þóri Sandholt, handknattleiks-
manni
Sigurði Þ. Þorsteinssyni, knatt-
spyrnumanni
Sigurði Hjörleifssyni, körfuknatt-
leiksmanni
Heilbrigt líf - hagur allra
Frá því um 1970, þegar kynning á
íþróttum fyrir alla undir Trimmmerk-
inu hófst hér á landi og með stofnun
Trimmnefndar ÍSÍ1971, hefur mark-
miðið ætíð verið hið sama, þ.e að
hvetja almenning til hoilrar hreyfingar
við hæfi einstaklingsins eftir áhuga-
sviði og aðstæðum.
íþróttir fyrir alla - Trimm - er í raun
og veru eilífðarmál sem á sér engin
mörk því alltaf bætast nýir í hóp þeirra
sem skilja hvers virði hæfileg hreyfing
og áreynsla er hverjum einstaklingi
alla ævi.
Við eigum aðeins einn líkama og
hann þarf að rækta frá vöggu til graf-
ar. Máltækið góða „Heilbrigð sál í
hraustum líkama" er ávallt í fullu gildi.
Trimmnefnd ÍSÍ vinnur nú að því
að fá áhugasamt fólk í öllum héruð-
um landsins til að taka að sér forystu í
því að auka áhuga almennings á þátt-
töku í íþróttum og hollri hreyfingu,
sjálfum sér og öðrum til gagns og
gleði.
HEILBRIGT LÍF ER HAGGR
ALLRA er kjörorð sem Trimmnefnd
ÍSÍ starfar undir og að er ætlun nefnd-
arinnar fá sem flesta í lið með sér til
þess að vinna að þessu þarfa málefni.
Ef horft er til framtíðar í sambandi
við íþróttir fyrir alla þarf meira að
koma til en bara Trimmnefnd til að
stjórna stórri hreyfingu. Með vaxandi
áhuga fólks í landinu á ástundun
íþrótta sér til heilsubótar og hvatn-
ingu heilbrigðisstétta í þessa átt, svo
og stéttarfélaga og fyrirtækja, er fyrir-
sjáanlegt að innan ekki langs tíma
verður þörf á heildarskipulagi þess-
ara mála.
Sveinn Björnsson, forseti ÍSÍ, sæmir
Jón Þorsteinsson gullmerki ISl.
Stjórn ÍSÍ hefur falið Trimmnefnd-
inni að hafa forgöngu um athugun á
hvaða aðilar væru tilbúnir til sam-
starfs um stofnun samtaka um al-
menningsíþróttir ásamt Iþróttasam-
bandi Islands.
Það er von Trimmnefndar að vel
megi til takast með þetta verkefni og í
því sambandi er tekið undir orð for-
seta ÍSÍ, Sveins Björnssonar, á
íþróttaþingi ÍSÍ1982: „Af öllu því mik-
ilvæga og þýðingarmikla starfi sem
íþróttahreyfingin hefur með höndum
er TRIMM ef til vill það mikilvægasta".
Trimmnefnd ÍSÍ
Jón Þorsteinsson sæmdur
gullmerki ISI
Nú nýlega sæmdi framkvæmda-
stjórn ÍSÍ Siglfirðinginn og skíða-
kappann Jón Þorsteinsson gullmerki
ÍSÍ. Jón var einn af okkar allra frækn-
ustu skíðamönnum. Hann var mjög
fjölhæfur skíðamaður; keppti f
göngu, svigi og skíðastökki. A fyrsta
Landsmóti íslenskra skíðamanna,
sem var haldið í Hveradölum 13. og
14. mars 1938, sigraði Jón í skíða-
stökki, stökk 29,5 m og hlaut 221,5
stig. Þá sigraði hann einnig f 18 km
kappgöngu á tímanum 1:18,26 mín.
Hann tók einnig þátt í svigkeppninni.
Félag Jóns er Skíðafélag Siglufjarðar
en Siglfirðingar hafa ávallt verið fram-
arlega í skíðaíþróttinni og sem dæmi
þá voru Siglfirðingar í 7 fyrstu sætun-
um í áðurnefndri stökkkeppni. Jón
Þorsteinsson mætti ásamt vinum og
ættingjum á fund framkvæmda-
stjórnar ÍSÍ og veitti viðtöku gullmerki
ÍSÍ. Sveinn Björnsson, forseti ISI,
sagði stuttlega frá ferli Jóns, sæmdi
hann síðan merkinu og bauð öllum í
kaffi á eftir.
71