Íþróttablaðið - 01.10.1991, Blaðsíða 54

með þeim reynslumeiri í deildinni og
þykir mörgum tími til kominn að það
hætti að verða ungt og efnilegt og
verði gott. Gústaf Bjarnason, fyrrum
landsliðsþjálfari, verður með liðið.
Svava Baldvinsdóttir mætir til leiks á
ný eftir að hafa verið eitt ár frá vegna
meiðsla og Jóna Bjarnadóttir og Val-
dís Birgisdóttir hafa einnig tekið fram
skóna á ný.
Viðar Símonarson þjálfar FH aftur
eftir þriggja ára dvöl hjá Stjörnunni.
FH hefur misst landsliðskonuna Kri-
stínu Pétursdóttir til Noregs. Þá er
óvíst hvort Björg Gilsdóttir og Eva
Baldursdóttir verða með í vetur, en
Björg var kosin besta handknattleiks-
kona 1. deildar eftir síðasta keppnist-
ímabil.
Valur hafnaði í 5. sæti deildarinnar
í fyrra. Miklar breytingar hafa orðið á
skipan liðsins í vetur og meðal þeirra
sem eru hættar er landsliðskonan
Guðrún Kristjánsdóttir, Ásta Sveins-
dóttir og Ragnheiður Júlíusdóttir.
Valsstúlkur hafa hins vegar fengið
góðan mannskap í staðinn. Meðal
þeirra sem nýjar eru má telja Huldu
Hermannsdóttur frá Selfossi og þá er
Kristín Arnþórsdóttir mætt til leiks á
ný eftir nokkurt hlé. Elías Jónasson
þjálfar Val.
Grótta hefur misst mikið af leik-
mönnum frá því í fyrra. Meðal þeirra
sem eru farnar er Sólveig Steinþórs-
dóttir, Sigríður Snorradóttir og Helga
Sigmundsdóttir. Þjálfari liðsins er
Haukur Geirmundsson. ÍBV hafnaði í
sjöunda sæti deildarinnar í fyrra og
mætir til leiks með svo til óbreytt lið.
Judith Eztorgal frá Ungverjalandi
þjálfar ÍBV áfram jafnframt því að
leika með liðinu. Selfoss varð í átt-
unda og neðsta sæti 1. deildar í fyrra,
en félagið sendir ekki Jið til keppni í
vetur.
Svava Baldvinsdóttir leikur aftur með Víkingi eftir árs fjarveru vegna
meiðsla. Það kemur í Ijós hvort endurkoma hennar verði til þess að liðið vinni
langþráða titla í vetur.
ERLENDIR LEIKMENN
STYRKJA DEILDINA
KR varð sigurvegari í 2. deild ífyrra
eftir harða keppni við ÍBK. Liðið er
ungt og efnilegt og til alls líklegt þó
þess megi vænta að veturinn verði
þeim erfiður vegna reynsluleysis.
Það er hinn júgóslavneski Slavko
Bambir sem þjálfar KR, en hann var
landsliðsþjálfari kvenna í nokkur ár
þartil hann lét afstörfum fyrirári. ÍBK
er einnig með útlending í sínum her-
búðum. Þaðer ungverskur leikmaður
sem jafnframt þjálfar liðið. Þetta er
öflug skytta sem styrkir liðiðtil muna.
Margrét Theódórsdóttir þjálfar
Hauka sem fyrr segir oger þá komin á
heimaslóðir eftir margra ára fjarveru í
herbúðum FH, Stjörnunnar og Vals.
Haukarnir eiga erfiðan vetur fyrir
höndum, en liðið er mjög ungt og að
mestu skipað stúlkum sem leika með
3. flokki. Ármann er ellefta liðið í
kvennahandboltanum í vetur. Það er
að mestu skipað stúlkum sem áður
léku með Þrótti. Þjálfari er Óskar Þor-
steinsson.
Góð reynsla ÍBV af því að styrkja
liðið með erlendum leikmanni virðist
hafa orðið til þess að fleiri lið réru á
þau mið. Eins og sjá má af þessari
upptalningu verða leikmenn frá
Austur-Evrópu með þremur liðum í
vetur og enn fleiri eru að leita fyrir
sér. Þar sem lítil breidd hefur lengi
staðið kvennahandbolta hér á landi
fyrir þrifum er þessi þróun án efa til
góðs, sérstaklega þar sem framboðið
54