Íþróttablaðið - 01.10.1991, Blaðsíða 56
fréttabréf
Umsjón: Guðmundur Gíslason
Menntamálaráðherra heimsækir
ÍSÍ.
Fimmtudaginn 29. ágúst s.l. kom
Ólafur Q. Einarsson, menntamála-
ráðherra, í heimsókn á skrifstofu ISÍ
ásamt Inga Birni Albertssyni, for-
manni íþróttanefndar ríkisins, og
Janusi Quðlaugssyni, námsstjóra í
íþróttum. Forseti ÍSÍ, Sveinn Björns-
son, tók á móti þeim ásamt fram-
kvæmdastjórn ÍSÍ og sýndi þeim fyrst
hina nýju aðstöðu Islenskrar getspár.
Sigurbjörn Gunnarsson, formaður
stjórnar íslenskrar getspár bauð ráð-
herra og aðra gesti velkomna og fór
svo með þá um húsið og sýndi þeim
allan þann mikla tækjabúnað sem
þarf til að reka Lottóið.
Einhver skaut því að ráðherra að
mjög auðvelt væri að nota þessi tæki
og þann hugbúnað sem fyrir hendi er
til að kjósa í alþingiskosningum, leist
honum vel á þá hugmynd því hún
myndi eflaust spara mikla fjármuni.
Eftir heimsóknina til íslenskrar get-
spár bauð Sveinn Björnsson, forseti
ÍSÍ ráöherra og öðrum gestum að
skoða aðstöðu ÍSÍ og að þiggja kaffi.
Ingi Björn Albertsson, Ólafur G. Einarsson, menntamálaráðherra, Sigurður
Jóakimsson, ÍSÍ, Friðjón B. Friðjónsson, gjaldkeri ÍSÍ og Þórður Þorkelsson,
í stjórn íslenskrar getspár, skoða húsakynni ÍSÍ.
íþróttaskóli Sigurðar
Greipssonar í Haukadal.
Nokkrir nemendur og velunnarar
íþróttaskóla Sigurðar Greipssonar í
Haukadal hafa undirbúið að koma
fyrir áritaðri málmplötu á bautastein
Sigurðar skólastjóra sem staðsettur
er í Haukadal. Þá er í undirbúningi að
setja upp í anddyri hótelsins við Geysi
mynd af glímumönnum (glímu-
bragði) ásamt áritun um starfrækslu
þeirra hjóna, Sigrúnar Bjamadóttur
og Sigurðar Greipssonar, á íþrótta-
skóla í 43 ár, en hann var sóttur af 823
piltum.
Með þessari fréttatilkynningu von-
umst við til að náist í nemendur
íþróttaskólans og aðra sem vildu
veita þessum framkvæmdum lið. Öll-
um þeim sem sóttu nemendamótið í
Haukadal 21. ágúst 1988 og við höfð-
um heimilisföng hjá verður sendur
gíróseðill ásamt bréfi um fýrirhuguð
verkefni í Haukadal.
í Búnaðarbanka íslands á Selfossi
hefur verið opnaður reikningur nr.
1010 (Minningarsjóður Sigurðar
Greipssonar) svo að þeir sem óska
eftir að gerast þátttakendur geti sent
þangað fjárframlög.
Miðað er við eitt þúsund krónur.
Listi yfir þátttakendur í þessum
verkefnum verður festur á bakhlið
myndarinnar í hótelinu við Geysi.
Með von um góðar undirtektir.
í undirbúningsnefnd:
Hafsteinn Þorvaldsson, Selfossi.
Stefán Jasonarson, Vorsabæ.
Þorsteinn Einarsson, Reykjavík.
56