Íþróttablaðið - 01.12.1991, Blaðsíða 27
SLOW - FOX
ERFIÐASTUR
Við áttum svo stutt spjall við strák-
ana sem voru á dansæfingu þegar
okkur bar að garði. Þeir Egill og Sig-
urður hafa æft dans í 3 ár og Daníel,
sem varð Islandsmeistari í dansi og
fótbolta á þessu ári, hefur æft dans í 7
ár. Þeir eru allir 12 ára gamlir. Strák-
arnir hafa alltaf dansað við sömu
stelpurnar sem þeir segja að sé mjög
mikilvægt, vegna þess að þau séu far-
in að þekkja vel hvort annað. Egill
dansar við írisi Pétursdóttur, Sigurður
við Birnu Gísladóttur og íslands-
meistararnir Daníel og Hrefna Jó-
hannsdóttir dansa saman. Stelpurnar
sögðu aðspurðar að þetta væru úr-
vals dansherrar.
— Hvort er nú skemmtilegra,
dansinn eða fótboltinn?
„Mér finnst fótboltinn skemmti-
legri," sagði Egill en Daníel og Sig-
urður gátu ekki gert upp á milli.
— Stundið þið einhverjar aðrar
íþróttir?
„Já ég hef verið í körfubolta líka,"
sagði Sigurður og Egill hefur verið í
borðtennis en Daníel sagðist ekki
hafa tíma fyrir fleiri íþróttir. Allir voru
þeir sammála um það að fótbolti á
sumrin og dans á veturna kæmi mjög
vel út.
— Hvaða dans er skemmtilegast-
ur?
Egill og Daníel voru sammála um
að cha-cha-cha væri skemmtilegast-
ur en Sigurði finnst jive skemmtileg-
astur.
— Er erfitt að læra að dansa?
„Nei, það er ekkert voðalega erfitt
en sumir dansar geta verið erfiðir,
eins og Slow-Fox," sagði Daníel.
— Eru nógu margirstrákarídansi?
Strákarnir sögðu að þeim væri
alltaf að fjölga en að stelpurnar væru
Það er ekki slæmt að kunna bæði að sparka og stíga dansinn tígurlega. Hvað
þá að hafa svona glæsilegar dömur sér við hlið!
Sigurður, Egill og Daníel eru íslandsmeistarar með 5. flokki Fram.
samt fleiri. Þeim finnst alveg tilvalið
að fótboltaliðin fari öll saman í dans
eins og ÍR-ingarnir ætla að gera. Það
hafa allir gott af því," sögðu þeir ein-
um rómi.
Strákarnir eru mjög ánægðir með
hvað fótboltaþjálfarinn þeirra, Lárus
Grétarsson, styður vel við bakið á
þeim. Hann kemur og fylgist með
þegar að strákarnir eru að keppa í
dansinum og hvetur þá til dáða. Þeir
taka þátt í ýmsum keppnum, svo sem
Innanskólamóti, keppninni um Her-
mannsbikarinn, Gömlu dansa
keppni, Meistarakeppni og svo er
það íslandsmótið í maí, þar sem Sig-
urður og Egill ætla að veita Daníel
mikla keppni um titilinn. Svo í maí
tekur fótboltinn við. Daníel, sem
senter, heldur áfram að skora mörk-
in, Sigurður, sem miðjumaður, sér
um að dreifa boltanum og Egill, sem
aftasti maður í vörn, sér um að halda
vörninni saman.
WorU Class
SKEIFUNNI 19, SÍMAR 30000 OG 35000