Íþróttablaðið - 01.12.1991, Blaðsíða 55
en það mikilvægasta var að hann
stjórnaði leiknum, hann stjórnaði
hraðanum, hann stjórnaði hverjir
skytu, hverjir væru með boltann og
Boston réði ekkert við Lakers. Magic
var í þriðja skiptið útnefndur besti
leikmaður úrslitakeppninnar enda
kom varla annað til greina. Nú var
það efst í huga Magic að Lakers ynnu
aftur og ef það tækist yrði það í fyrsta
skiptið í 19 ár sem liði tækist það.
Liðinu gekk vel. Lakers komust í úrslit
og mættu þar Detroit Pistons. Magic
og félagar þurftu svo sannarlega að
Tveir góðir! Johnson og Kareem
Abdul-Jabbar.
óhreinka búningana sína í þeirri
keppni. Leikirnir urðu 7 og í 7. og
síðasta leiknum unnu Lakers 108-
105. Það var karfa frá A.C. Green,
eftir sendingu yfir þveran og endilan-
gan völlinn, sem tryggði Lakers sigur
í leiknum og í deildinni. Næsta tíma-
bil hjá Lakers gekk ekki of vel. Þeim
tókst þó að vinna 57 leiki og Magic
var valinn besti leikmaður deildar-
innar. Lakers komust aftur í úrslit en
töpuðu þá í4 leikjum fyrir Detroit. En
Byron Scott og Magic voru meiddir
mestalla keppnina. Síðan byrjaði
næsta tímabil, allt gekk vel hjá Lak-
ers, þeir unnu 63 leiki og Magic var í
þriðja sinn valinn besti leikmaður
keppninnar. En í úrslitakeppninni
voru þeir slegnir út af Phoenix Suns í
annarri umferð. Nú héldu flestir að
veldi Lakers hlyti að vera hrunið. En
næsta tímabil, sem varð síðasta tíma-
bil Magic, gekk vel. Magic var annar f
kjöri besta leikmanns deildarinnar.
Lakers unnu Houston, Golden State
og Portland í úrslitakeppninni. í síð-
asta leiknum gegn Portland sýndi
Magic hversu ótrúlegur hugsuður
hann er inni á vellinum. Hann náði
frákasti þegar 4 sekúndur voru eftir
og Lakers tókst að vinna með 1 stigi.
Magic gerði sér grein fyrir að leik-
menn Portland myndu reyna að
brjótaá honum, en hann sá við því —
kastaði boltanum yfir völlinn, lét
hann þó skoppa nokkrum sinnum á
leiðinni svo að Portland liðið komst
aldrei nálægt boltanum. Tíminn rann
út og Lakers voru komnir í úrslit í
níunda sinn á 12 áraferli Magic. And-
stæðingarnir að þessu sinni voru eng-
ir aðrir en Michael Jordan, Scottie
Pippen og félagar í Chicago Bulls.
Mikið var gert úr því að þarna myndu
tveir bestu körfuboltamenn heims
mætast, Michael Jordan og Magic
Johnson. Lakers unnu 1. leikinn í
Chicago en töpuðu svo 4 næstu, 1 í
Chicago og 3 í Forum. Magic verður
þó ekki kennt um tap Lakers heldur
voru samherjar hans, einkum Sam
Perkins og James Worthy, óáreiðan-
legir. Þeir áttu þó báðir góða spretti
en sama verður ekki sagt um Byron
Scott sem spilaði alveg hræðilega. Ef
hann hefði spilað eins og hann á að
sér er aldrei að vita hvar NBA bikar-
inn væri geymdur núna.
Þrátt fyrir að Magic sé einn besti
körfuknattleiksmaður allra tfma og af
mörgum talinn vera sá besti verður
hans helst minnst sem frábærrarfyrir-
myndar innan og utan vallar. Magic
tóksér aldrei frí, hann vann fyrir góð-
gerðarstofnanir og er talið að hann
hafi safnað fyrir þær hátt í
200.000.000 króna á sfðasta ári.
Magic dreymdi alltaf um það þegar
hann var yngri að verða bissness-
maður og honum hefur tekist það.
Hann auglýsir hinar ýmsu vörur svo
sem Converse, Spalding, Pepsí, Nint-
endo og Kentucky Fried Chicken.
Það er talið að tekjur hans af auglýs-
ingum á þessu ári nemi um 750 millj-
ónum króna, sem gerir 220 milljón-
irnar, sem hann fær frá Lakers, að
smápeningum. Fyrir utan auglýsing-
arnar þá hefur hann fest kaup á ein-
um þriðja í Pepsí fyrirtækinu sem er
eitt af þeim fyrirtækjum sem eru í
hvað mestum vexti í Bandaríkjunum.
Það er því Ijóst að Johnson mun ekki
þurfa að líða skort það sem eftir er
ævinnar. Einnig hefur Magic áhuga á
að kaupa körfuboltalið og hefur Los
Angeles Lakers boðið honum að
kaupa hlut í því.
En hvað sem sagt er um Earvin
Johnson þá er alveg öruggt að það
verður stórt skarð sem hann skilur
eftir sig í NBA deildinni og körfubolta
um allan heim. Það eru margir sem
munu sakna þess að fá að fylgjast
með honum. Sagt er að án Magic sé
Lakers liðið eins og jólin án jóla-
sveinsins.
Magic er þó langt frá því að vera
dáinn. Þrátt fyrir að vera haldinn
ólæknandi sjúkdómi þá gefst hann
ekki upp. Hann segist ætla að berjast
við hann og vinna að því að fræða
aðra um hann. Það er ekki spurning
Magic hefur verið sönn fyrirmynd —
innan vallar sem utan.
að Magic mun gefa baráttunni gegn
eyðni stóra stoðsendingu með fram-
lagi sínu í hana.
Magic mun alltaf skipa veglegan
sess í huga mínum. Ég hef aldrei hrif-
ist eins mikið af nokkrum íþrótta-
manni. í mínum hugaog margraann-
arra var Magic alltaf bestur. Magic
hefur alltaf verið mjög opinn og til-
búinn að tala um hvað sem er. Með
því að gefast ekki upp á þessu erfiða
tímabili í lífi sfnu verður Magic ekki
aðeins íþróttahetja heldur einnig
hetja sem persóna.
Flestir, sem fylgst hafa með Magic
að einhverju ráði, eiga eftir að muna
eftir honum sem öðruvísi leikmanni.
55