Íþróttablaðið - 01.12.1991, Blaðsíða 59
Þorgeir Björnsson sæmdur gull-
merki SÍL af Ara Bergmann Einars-
syni form. SÍL.
Það er von T rimmnefndar að þess-
ir hópar eigi eftir að vaxa og dafna og
eigi eftir að fá fleiri til að stunda
trimm, t.d. eiginmenn kvenanna sem
í þeim eru.
Stefán Konráðsson aftur til ÍSÍ
Stefán Konráðsson, sem verið hef-
ur framkvæmdastjóri KSi í eitt og
hálft ár, hefur látið af störfum og hafið
störf sem aðstoðarframkvæmda-
stjóri ÍSÍ. Stefán er öllum hnútum
kunnugur hjá ÍSI því hann starfaði þar
áður en hann gerðist framkvæmda-
stjóri KSÍ. Stefán er boðinn velkom-
inn til starfa.
Stefán Konráðsson.
Nýr framkvæmdastjóri BLÍ
Nú nýlega urðu framkvæmda-
stjóraskipti hjá Blaksambandi íslands
en Guðmundur Þorsteinsson, sem
verið hefur framkvæmdastjóri í rúm-
lega eitt ár, lét af störfum og við tók
Jón Árnason, hinn kunni blakmaður
úr ÍS. Jón er boðinn velkominn til
starfa og Guðmundi þökkuð góð
störf og góð kynni.
Starfs- og kennsluskýrslur 1990
Nú nýlega lauk úrvinnslu starfs- og
kennsluskýrslna fyrir árið 1990 og
kemur í ljós að á árinu voru íþrótta-
iðkendur rúmlega 101 þúsund og
hefur fækkað aðeins frá árinu 1989
en þá voru þeir rúmlega 103 þúsund.
Knattspyrnan er fjölmennasta
íþróttagreinin sem fyrr. Skíðaíþróttir
eru nú komnar í annað sætið aftur,
handknattleikurinn var búinn að ná
því sæti 1989 en er nú í þriðja sæti.
ÍBR er fjölmennasta héraðssam-
bandið sem fyrr, (JMSK í öðru sæti og
síðan HSK.
Frá Trimmnefnd ÍSÍ
Trimmsamtök
Gm margra ára skeið hefur verið
starfandi hjá íþróttasambandi Islands
Trimmnefnd sem unnið hefur að út-
breiðslu almenningsíþrótta í landinu.
Nefnd þessi hefur m.a. gefið út leið-
beiningabæklinga um trimm og leit-
ast við á ýmsan hátt að koma ieið-
beiningum og hvatningum til lands-
manna um reglubundna ástundun
íþrótta og útivistar. ÍSÍ er aðili að al-
þjóðasamtökum um almennings-
íþróttir (TAFISA) sem stofnuð voru á
þessu ári. Á undanförnum árum hef-
ur oft verið rætt um stofnun samtaka
um almenningsíþróttir á íslandi sem
opin yrðu öllum, bæði einstaklingum,
félögum, fyrirtækjum og stofnunum.
Meginmarkmið þessara samtaka yrði
almenn heilsurækt og leiðbeiningar
til fólks þar að iútandi.
Framkvæmdastjórn ÍSÍ hefur falið
Trimmnefndinni að undirbúa stofn-
un slíkra samtaka og hafa um það
samvinnu við alla þá aðila sem að
þessum málum vinna, bæði innan og
utan íþróttahreyfingarinnar.
Framkvæmdastjórn ÍSÍ lítur svo á
að íþróttahreyfingin hafi forystu í
þessu máli hvað varðar skipulag og
framkvæmdir.
Eitt fyrsta verkefni í þessu efni væri
að hafa samband við öll héraðssam-
bönd ÍSÍ og kanna áhuga fyrir þátt-
töku í samtökum um almennings-
íþróttir.
Þátttaka héraðssambanda fæii í
sér að viðkomandi samband tæki að
sér forystu eða léti sig miklu varða
framgang almenningsíþrótta, hefði
starfandi nefnd í sínu héraði og veldi
þar tii forystu áhugafólk um trimm.
1 því sambandi mætti stofna
áhugahópa um trimm eða trimm-
nefnd viðkomandi héraðssambands.
Hlutverktrimmnefnda héraðssam-
bandanna yrði fólgið í því að stuðla að
heilbrigðu iífi fólks með þátttöku í
hollri hreyfingu og útivist; vinna að
bættri aðstöðu fyrir trimmara í hérað-
inu, ljá einstaklingum, félögum,
trimm- og starfshópum og fleirum lið
með námskeiðum, útvegun fræðslu-
efnis fyrir þá, sem eru að byrja í
trimmi eða vilja fræðast nánar um
íþróttir fyrir almenning, efna tii fjölda-
þátttöku í trimmmótum o.s.frv.
Nýr framkvæmdastjóri KSÍ
1. desember s.l. tók nýr fram-
kvæmdastjóri við störfum hjá KSI, en
það er Snorri Finnlaugsson sem
verið hefur í varastjórn KSÍ. Snorri
hefur einnig verið formaður Móta-
nefndar sambandsins undanfarin tvö
ár ásamt því að vinna með yngri
landsliðunum. Snorri er boðinn vel-
kominn til starfa.
Snorri Finnlaugsson.
59