Íþróttablaðið - 01.12.1998, Blaðsíða 26

26
Konur kunna vel að
meta Kvennahlaup ISI
„Þarf að efla þátttöku kvenna
í stjórnun innan íþróttahreyfingarinnar"
Rætt við Unni Stefánsdóttur, varaformann útbreiðslu- og þróunarsviðs ÍSÍ
Þrátt fyrir það að konur séu helm-
ingur þeirra er er stunda íþróttir
er hlutur þeirra rýr þegar kemur
að stjórnun innan íþróttahreyfing-
arinnar. Einnig hefur borið á því
að umfjöllun um kvennaíþróttir í
fjölmiðlum sé ábótavant. A und-
anförnum árum hefur stjórn ISI
beitt sér fyrir því að á þessu verði
gerð bragarbót og allt frá árinu
1990 hafa verið starfandi nefndir
og vinnuhópar með það fyrir aug-
um. Unnur Stefánsdóttir, varafor-
maður útbreiðslu- og þróunar-
sviðs ISI og ein af þeim fjórum
konum er sitja í stjórn íþróttasam-
bandsins, segir það mikilvægt að
jafn mikil áhersla verði lögð á
kvenna- og karlaíþróttir því það
sé markmið íþróttahreyfingarinn-
ar að sem flestir verði með. „Það
hefur borið á því og sýnt sig í
skoðanakönnunum sem gerðar
hafa verið að stúlkur eiga það
frekar til en strákar að detta út úr
íþróttum. A þessu kunna að vera
fjölmargar skýringar og ein er sú
að þær íþróttagreinar sem stóru
íþróttafélögin bjóði upp á henti
stúlkum ekki eins vel. Þannig
stunda miklu fleiri stúlkur íþróttir
utan íþróttafélaganna eins og t.d.
sund, skokk og þolfimi á meðan
strákarnir hallast frekar að keppn-
isíþróttum hvers konar,“ sagði
Unnur en bendir á að ekki þurfi
að vera um eðlislægan mun kynj-
anna að ræða heldur er þetta
kannski frekar spurning um

Sparlð fé, tíma og fyrirhöfn
Hillorðnir kr. 11.000
Börn kr. 5.000
BLÁFJALLANEFND
Sími: 510 6600
ákveðnar áherslur sem viðgangast
innan íþróttafélaganna.
Unnið með íþróttafélögum
Til að breyta þessum áherslum og
auka þátttöku stúlkna í íþróttafé-
lögum var sett á fót átaksverkefni
af frumkvæði Umbótanefndar ISI
þar sem leitað var samstarfs við
einstök íþróttafélög á landinu. I
framhaldi af því voru skipaðar
nefndir hjá íþróttafélögunum með
það markmið að finna út hvernig
hægt væri að koma til móts við
þarfir stúlkna. Ýmsar tillögur
koma fram sem og úrbætur. Má
þar nefna sem dæmi að hjá Stjörn-
unni í Garðabæ var byrjað að
bjóða upp á þolfimi og hjá Knatt-
spyrnufélagi Reykjavíkur var
komið á tengingu við líkamsrækt-
arstöð þar sem stúlkum í félaginu
var boðin þátttaka gegn vægu
gjaldi. Unnur segir að samhliða
þessu hafi markmiðið einnig verið
það að halda félagsnámskeið fyrir
konur með það fyrir augum að
auka þátttöku þeirra í starfi fyrir
félagið. „Það er ljóst að meiri-
hluti þeirra einstaklinga sem sitja í
stjórn íþróttafélaga eru karlar.
Með því að auka þátttöku kvenna
í stjórn þessara félaga náum við
ekki aðeins þeirri breidd og því
jafnvægi í fjármagnsúthlutun sem
við erum að leitast eftir heldur
verða þessar konur að ákveðinni
fyrirmynd fyrir stúlkurnar."
Knýja fram hugarfarsbreytingu
A Iþróttaþingi sem haldið var á
síðastliðnu ári var skipaður
vinnuhópur sem skoða átti frekar
hlut kvenna í íþróttahreyfingunni.
Niðurstaða þessa vinnuhóps var
sú að komið yrði upp stöðu jafn-
réttisfulltrúa sem vinna ætti í sam-
vinnu við stjórn ISI að því að gera
íþróttahreyfinguna opnari fyrir
kvennaíþróttum svo eitthvað sé
nefnt. Unnur segir að aðhald í
jafnréttismálum sé mikilvægt til
að knýja fram breytingar. „Til
þess að kvennaíþróttir nái fullu
jafnvægi við karlaíþróttir þarf
ákveðin hugarfarsbreyting að eiga
sér stað. Það þarf m.a. að halda
námskeið fyrir þjálfara og að-
stoða íþróttafélög í að efla íþrótt-
ir kvenna. Þessi vinna verður að
eiga sér stað við ræturnar frekar
en að gefnar séu út einhverjar
reglugerðir um jafnrétti. Það þarf
að fá forystumenn íþróttafélaga til
að sjá hversu mikilvægar kvenna-
íþróttir eru og geta orðið í starf-
semi þeirra,“ sagði Unnur að lok-
um.
(^Þátttaka kvenna í fþróttahreyfingunhj)
* iðkendur » aðrir félagsmenn ■ utan íþréttahreyfingarinnar