Olympíublaðið - 01.08.1987, Blaðsíða 5

ÓLYMPÍUNEFND ÍSLANDS
5
Q99
lítið í Monaco og þessvegna var þessi leið valin, að setja öll
þessi mörgu íþróttamannvirki undir eitt þak. Þetta voru
mikil þægindi fyrir fararstjóra, flokksstjóra og íþróttafólk. Á
þessum stað gat allur hópurinn hittst þá 4 daga sem mótið
stóð, enda var raunin sú, að allir voru þarna frá morgni til
kvöids, aðeins var skroppið í hádegisverð. Alla dagana stóð
mótið frá kl. 9:00 að morgni, til 19:30 að kveldi, nema lok-
adaginn, þá var öllu lokið kl. 18:00.
Þátttökuríkin
Ákveðið er af I. 0. C. að þau lönd, sem hafa innan við
1.000.000 íbúa geti tekið þátt í þessum leikum smáþjóða í
Evrópu. Alþjóðanefndin greiðir ferðakostnað fyrir 20 þátt-
takendur, en sú þjóð sem stendur fyrir leikunum greiðir
uppihald fyrir sama fjölda meðan á leikunum stendur.
Þátttökuríkin voru nú 8 að tölu, eða sami fjöldi, sem tók
þátt í I. leikunum í San Marino 1985. Eftirtalin lönd tóku þátt
í II. leikunum í Monaco: Andorra, Kýpur, ísland, Lichtenstein,
Luxemborg, Malta, Monaco og San Marino. Mjög mismun-
andi fjöldi íþróttamanna mætir til leiks frá þjóðunum. ísland
sendi nú alls 44, þar af 32 íþróttamenn, en Kýpur sendi
flesta, alls 165 manns. Keppt var í eftirtöldum íþróttagrein-
um: Frjálsum íþróttum, sundi, skotfimi, lyftingum, körf-
ubolta, tennis og blaki.
Við tókum þátt í öllum greinum, nema tennis og blaki.
Frammistaða okkar íþróttamanna og kvenna var frábær í
öllum greinum, sem kemur fram í því verðlaunaflóði, sem
kom í okkar hlut. En skipting verðlauna kemur fram í töflu
hér á eftir. Samkvæmt þessari verðlaunatöflu bera okkar
íþróttamenn af flestum hinna þjóðanna. Helst eru það
íþróttamenn frá Luxemborg, sem standa okkurjafnfætis. Þó
báru sundmennn og konur okkar langt af þeim og hlutu þar
langflest verðlaun. Var mikil ánægja hjá öllum okkar þátttak-
endum að verða vitni að því að 6-7 sinnum á dag var þjóð-
söngur okkar leikinn alla daga mótsins og íslenski fáninn
dreginn jafn oft að húni á sigurstönginni.
Eins og áður segir, fór mótið fram á einum stað. Þátttak-
endur, sem ekki voru að keppa eða sinna öðrum skyldustörf-
um, mættu því ávallt, sem áhorfendur hjá þeim sem voru í
keppni og studdu þá með taktföstum hrópum og hvatning-
arorðum. Gaf þetta liðinu mikinn heildarblæ, samheldni og
mikla ánægju hjá öllum. Á þennan háttstuddu allir við bakið
á þeim keppendum, sem voru í eldlínunni, sem varð án efa til
þess, að bæta árangur hvers og eins.
Skipulag mótsins
Skipulag mótsins var í raun mjög gott. Byrjað var í keppni kl.
8:00 og 9:00 að morgni og stóð keppni stöðugt yfir alla 4
dagana til kl. 19:00 og 20:00. Þó var allri keppni lokið kl.
17:00 á sunnudag, en lokaathöfnin fór fram kl. 17:00 þann
dag. Hún stóð í um 00:45 mínútur. Fór hún fram á svipaðan
hátt og lokaathöfn á Olympíuleikum. Fyrst hlupu unglingar
inn á völlinn, sennilega um 60 talsins með flögg í hendi, sem
á var merki leikanna, en síðan allir þátttakendur mótsins.
Fánar voru dregnir niður og fáni mótsins afhentur formanni
Ólympíunefndar Kýpur, sem mun halda leikana að tveimur
árum liðnum.
Gísli Halldórsson.
Hluti Keppenda ásamt fararstjórn á Monacoleikunum 1987.