Olympíublaðið - 01.08.1987, Blaðsíða 17

ÓLYMPÍUNEFND ÍSLANDS
17
stæöingurinn einfaldlega betri og líklega betur undirbúinn
fyrir keppnina. En það er sárt að tapa leik, ef leikmennirnir
gera ekki sitt besta til að ná sigri. Landsliðsmenn í handknatt-
leik eru þjálfaðir með það í huga að gera ávailt sitt besta, hata
að tapa og fara í hvern leik með það eitt í huga að sigra og
gefast ekki upp, þó á móti blási. Leiknum er ekki lokið, fyrr
en dómarinn hefur blásið til leiksloka. Það er trú HSÍ að þessi
þjálfun og eiginleikar landsliðsmannanna komi þeim að notum
í lífinu almennt síðar meir eins og á leikvellinum.
Það hefur ávallt verið stefna stjórnar Handknattleiks-
sambandsins, að landslið okkar sé meðal svokallaðra A-þjóða
í handknattleik og vinni sér rétt til þátttöku í A-heimsmeist-
arakeppni og Olympíuleikum. Landslið íslands í handknatt-
leik hefur tekið þátt í sjö A-heimsmeistarakeppnum af þeim
ellefu semj hafa verið haldnar frá því 1938. ísland var ekki
með í A-Heimsmestarakeþpnmunum 1938, 1954, 1967og
1982. Landslið tslands í handknattleik var með á Olympíu-
leikunum 1972 í Munchen þegar keppt var í fyrsta sinn í
handknattleik á Olympíuleikum og 1984 í Los Angeles, en
liðið var ekki með 1976 og 1980. Þá hefur landsliðið í hand-
knattleik eins og kunnugt er unnið sér rétt til þátttöku í Ol-
ympíuleikunum í Seoul 1988.
Happdrætti og fjármögnun undirbúnings-
ins fýrir Heimsmeistarakeppnina í Sviss
Það er [jóst, að hefði Handknattleikssambandið ekki haft
traust og stuðning fjölmargra velvijjaðra einstaklinga, fyrir-
tækja, Olympíunefndar íslands og Ríkisstjórnarinnar, þá
hefði ekki verið hægt að undirbúa liðið sem skildi fyrir
Heimsmeistarakeppnina í Sviss og mjög ólíklegt að þessi
árangur hefði náðst þar. Aldrei hefur meiri tíma eða fjár-
magni verið varið til að undirbúa íslenskt landslið f/rir þátt-
töku í heimsmeistarakeppni eins og fyrir keppnina í Sviss. Á
rúmu einu og hálfu ári fyrir Heimsmeisetarakeppnina, eða
frá því fyrir Olympíuleikana 1984, þá hafði landsliðið leikið
um sjötíu landsleiki og verið í æfingabúðum og keppnis-
ferðum með þátttöku í mörgum alþjóðlegum stórmótum
erlendis og á íslandi í samtals sex mánuði á þessu tímabili.
Allur þessi markvissi undirbúningur fyrir þátttökuna í Olym-
píuleikunum 1984 og Heimsmeistarakeppnina í Sviss 1986
hefði ekki verið mögulegur, ef Handknattleikssambandið
hefði ekki haft stuðning allra þeirra, sem trúðu á starfsemi
HSÍ, landsliðshópinn og þjálfara landsliðsins. Þess skal getið
að í desember 1985 tók Handknattleikssambandið einniq
þátt í heimsmeistarakeppni pilta yngri en 21 árs, sem fram
fór á ítalíu og B-heimsmeistarakeppni kvenna, sem fram fór
í Vestur-Þýskalandi, það er að segja, að á fjórum mánuðum
tók HSÍ þátt í þremur heimsmeistarakeppnum og undirbjó
þrjú landslið fyrir þessar keþpnir. Til að fjármagna þennan
undirbúning, þá leitaði HSÍ eftir samstarfi við fjölmörg fyrir-
tæki um kynningu á þjónustu þeirra og eflingu handknatt-
leiksíþróttarinnar. Þá fékk HSÍ styrk að upphæð 2 milljónir
króna frá Ríkisstjórninni og Olympíunefnd Islands veitti
stuðning upp á eina milljón króna. HSI hefur einnig haft
góðar tekjur af aðsókn fólks á landsleiki, sem er samtímis sá
stuðningur, sem er ánægjulegastur. En þar sem fjölmargir
áhugamenn um allt land eiga ekki tækifæri tii að sækja lands-
leiki, þá hefur HSÍ gert samning við Sjónvarpið um beinar
sendingarfrá mörgum landsleikjum.
Handknattleikssambandið fór einnig út í það verkefni að
efna til tveggja tandshappdrætta fyrir Heimsmeistarakeppn-
ina og treysti á stuðning fólks og áhuga íslendinga á að að-
stoða við undirbúning landsliðsins til að ná sem bestum ár-
angri á Heimsmeistarakeppninni í Sviss. Árangurinn í Sviss er
alveg sérstaklega að þakka öllum þeim einstaklingum, sem
stutt hafa við undirbúning landsliðsins með því að kaupa
happdrættismiða HSÍ. Það er von stjórnar HSÍ og trú, að
þessir stuðningsmenn landsliðsins hafi haft ánægju af sjón-
varpssendingunum frá Heimsmeistarakeppninni.
íþróttir og landkynning
Aldrei hefur íslenska þjóðin fylgst jafn vel og innilega með
einum íþróttaviðburði eins og Heimsmeistarakeppninni í
handknattleik í Sviss 1986, þökk sé beinu sjónvarpssend-
ingum Ríkisútvarpsins frá keppninni. Árangur landsliðsins í
þessari keppni mun án efa auka áhuga þjóðarinnar og sér-
staklega unglinga á íþróttum, og einnig auka skilning
stjórnvalda og fyrirtækja á þeirri miklu landkynningu, sem
þátttaka afreksíþróttamanna okkar í alþjóðlegum keppnum
eins og heimsmeistarakeppnum og Oiympíuleikum hefur.
Þess skal getið, að leikjum íslenska landsliðsins á Heims-
meistarakeppninni í Sviss var sjónvarpað til Suður Kóreu,
Danmerkur, Svíþjóðar, Spánar, Rúmeníu, Ungverjalands og
leiknum ísland - Tékkóslóvakía var sjónvarpað beint í Eur-
ovision dagskrá um alla Evrópu.
Á sama hátt var mörgum leikjum íslands á Olympíu-
leikunum í Los Angeles 1984 sjónvarpað víða um heim, til
dæmis leiknum ísland - Júgóslavía. Heyrst hafa þær tölur í
sambandi við verð á auglýsingum í sjónvarpsdagskrá beinna
útsendinga um allan heim frá Olympíuleikunum 1984 hafi
verið um 200.000 dollara eða um 8 miljjónir íslenskra króna
hver mínúta. Það er jjóst, miðað við þessar tölur um auglýs-
ingakostnað í sjónvarpssendingum um allan heim frá Ol-
ympíuleikum, að það er mjög ódýrt fyrir ísland að vekja at-
hygli á landi og þjóð með þátttöku í Olympíuleikum og al-
þjóðlegum íþróttamótum. Umfjöllun alþjóðlegra fjölmiðla
vekur fólktil umhugsunar um land, þjóð og útflutningsvör-
ur.
Stefnum að góðum árangri á
Olympíuleikunum í Seoul 1988
Þátttaka íslands í Olympíuleikunum í Seoul 1988 mun vekja
mikla athygli um heim allan, sérstaklega ef okkur tekst að
undirbúa þátttöku íþróttamanna okkar vel fyrir leikana, svo
vænta megi góðs árangurs þar.
Stjórn Handknattleikssambandsins þakkar Olympíunefnd
íslands og öllum þeim, sem studdu undirbúning og þátttöku
landsliðsins í Heimsmeistarakeppninni í Sviss og vonast eftir
áframhaldandi ánægjulegu samstarfi og stuðningi við að un-
dirbúa landsliðið fyrir Olympíuleikana í Seoul 1988.
Stjórn HSÍ óskar öðrum sérsamböndumm innan ÍSÍ góðs
gengis í þeim alþjóðlegu keppnum, sem þau eru að undirbúa
þátttöku í til að íþróttamenn þeirra vinni sér rétt til þátttöku
í Olympíuleikunum 1988. Stjórn HSÍ vonar, að sá hópur afr-
eksíþróttamanna, sem Olympíunefnd tslands sendir til Seoul
1988 verði sem fjölmennastur og bestur.
Jón Hjaltalín Magnússon, formaður HSÍ