Dagblaðið Vísir - DV - 11.09.2020, Page 30
Una í eldhúsinu
Brownie með Oreo kexkökum
250 g smjör
3,5 dl sykur
2 dl kakó
4 tsk. vanillusykur
4 egg
3 dl hveiti
1 pakki Oreo kex
Stillið ofninn á 180 gráður við
undir- og yfirhita.
Smjörið brætt í potti og leyft að-
eins að kólna, passið að það sé
ekki sjóðandi heitt.
Sykri, kakó, vanillusykri og eggjum
bætt út í pottinn og hrært saman.
Loks er hveiti sigtað saman við og
hrært vel í blöndunni. Gott er að
smyrja ferkantað form að innan og
hella deiginu ofan í.
Áður en kakan er sett í ofninn
er Oreo kexkökum stungið ofan í
deigið.
Bakað við 180 gráður í um það bil
20-22 mínútur (kakan á að vera
dálítið blaut þegar hún er tekin
út), kakan er látin kólna í forminu.
Fallegt er að skera svo kökuna í
minni bita, skreyta með berjum og
jafnvel að sigta smá flórsykur yfir.
Maríukaka
3 egg
3 dl sykur
4 msk. smjör
100 g suðusúkkulaði
1 tsk. salt
1 tsk. vanilludropar
1 ½ dl hveiti
1 ½ dl pekanhnetur
Þeytið saman egg og sykur.
Bræðið smjörið og súkkulaðið
saman og hellið saman við eggja-
blönduna.
Blandið næst þurrefnunum saman
við og hrærið saman.
Smyrjið bökunarform að innan með
smjöri og hellið blöndunni í, bakið
við 170 gráður í um 20 mínútur.
Kakan er tekin út úr ofninum og
hnetunum stráð yfir kökuna og
karamellunni síðan hellt yfir hnet-
urnar, kakan sett inn í ofn og bökuð
aftur við um 15 mínútur.
Karamella
4 msk. smjör
1 dl púðursykur
3 msk. rjómi
Til þess að gera þunna kara-
mellu, setjið þið allt saman í pott
við vægan hita og hrærið í þar til
púðursykurinn er uppleystur.
Í rigningu og rútínu er gott að
leyfa sér aðeins. Una Guð-
munds deilir hér uppskriftum
að súkkulaðibombum sem gera
helgina að dísætum draumi.
Köld mjólk með og allt er æði.
MYNDIR/AÐSENDAR
30 MATUR 4. SEPTEMBER 2020 DV