Hvöt - 25.04.1950, Blaðsíða 37
H V Ö T
35
i
I
Málfundur S. B. S.
27. marz s.l. efndi S. B. S. til mál-
fundar í hátíðasal Menntaskólans í
Reykjavík. Formaður sambandsins,
Guðbjartur Gunnarsson, setti fundinn
kl. 8,45 og ávarpaði fundarmenn. Skip-
aði hann Olaf Pétursson fundarstjóra
og fundarritara Guðmund Kristinsson
og Inga G. Lárdal. Þeir eru allir Mennta-
skólanemendur.
Efni fundarins var: Áfengisbann.
Málshefjandi var Jón Böðvarsson. Birt-
ist ræða hans á Öðrum stað í blaðinu.
Urðu miklar iimræður um málið. Af
hálfu andbanninga tóku til máls þessir
menn: Sigurður Pétursson og Jón Ragn-
arsson, báðir úr Menntaskólanum, Sig-
urður Haraldsson úr Samvinnuskólan-
um og Óttar Hansson úr Verzlunarskól-
anuni. Töldu þeir áfengisbann skerð-
ingu á frelsi einstaklingsins og bentu
á, að bindindismenn gætu ekki bent á
tekjulind, er kornið gæti í stað áfengis-
sölunnar. Sigurður Haraldsson lagði að-
aláherzlu á fjárhagshlið málsins. Jón
Ragnarsson ræddi aðallega nm drykkju-
skap Jónasar Hallgrímssonar. Sigurður
Pétursson flutti óhróður um góðtempl-
ara. Óttar Hansson lagði aðaláherzlu
á persónufrelsið og kvað Islendinga svo
mikla brennivínsberserki, að gagnslaust
væri að boða bindindi!
Ingólfur Þorkelsson kennari, Guð-
bjartur Gunnarsson og Jón Böðvarsson
svöruðu fyrir liönd bannmanna. Töluðu
þeir mest um þá reynslu, sem fengizt
hefur af banni hérlendis og erlendis
og vitnuðu í opinberar skýrslur máli
sínu til sönnunar.
í fundarlok þakkaði formaður sam-
bandsins fundarmönnum komuna og
hvatti þá til að gefa blaði sambandsins,
Hvöt, meiri gaum og rita um áhuga-
inál sín í það.
Fundurinn fór allvel fram, en nokk-
urt los komst á í lok fundarins. Sátu
þó nokkrir menn fundinn, sem reyndu
á áberandi hátt að spilla fundarfriði
og voru skóla sínum lítt til sóma. Fund-
inn sóttu um 70—80 manns. Lauk hon-
um kl. 11,30.
Ingi Lárdal.
Nýtt sambandsfélag.
Snemma á þessu starfsári sendi stjórn
S. B. S. bréf til skólastjóra allra þeirra
framhaldsskóla, sem eun standa utan
við Sambandið, og fór þess á leit, að
nemendum yrði kynnt starfsemi og tak-
tuark S. B. S., og þeim bent á nauð-
syn þess að gerast félagar Sambandsins.
Enn hefur lítill árangur af þessu sézt,
en vouandi verður hann einhver. Þó
hefur eitt félag, Bindindisfélag Gagn-
fræðaskólans á Isafirði, óskað eftir að
gerast á ný aðili að Sambandinu, og
er það okkur mikið gleðiefni.
Form. félagsins er Rannveig Gísía-
dóttir, 4. bekk. Félagar eru 126.
Enn er skorað á allt skólafólk, sem
stendur utan við Sambandið, að
endurskoða rækilega afstöðu sína til
þess og gerast þegar virkir félagar.
Ef þú vilt komast hjá gagnrýni, gerSu
ekkert, segðu ekkert, vertu ekkert.
Mesta heimska, sem hugszast getur, er
að fórna heilsunni fyrir önnur gœfii,
Schopenhauer.