Austri - 18.03.1993, Blaðsíða 1

38. árgangur.
Egilsstöðum, 18. mars 1993.
11. tölublað.
Egilsstaðir:
Hagnaður af rekstri Miðáss hf.
Skáli risinn við Kollu-
Fékk viðurkenningu fyrir hönnun
Aðalfundur Miðáss hf. á Egils-
stöðum fyrir árið 1992, var haldinn
þann 26. febrúar s.l. A fundinum
kom fram að salan á s.l. ári hafði
dregist saman um 15 % frá árinu á
undan. Hagnaður af rekstri nam
kr.2.031.632 sem er um 2,5 % af
veltu fyrirtækisins. Eigin fé nam í
árslok kr. 25.706.451 og var eigin-
fjárhlutfall 51 %. Horfur fyrir þetta
ár draga dám af almennu efnahags-
ástandi svo ekki er búist við auk-
inni sölu. Að sögn Guðlaugs Er-
lingssonar, framkvæmdarstjóra
Miðáss hf. mun Miðás hf. afhenda
40 íbúðir fyrir aldraðra við Sólvang
í Hafnafirði, (nánar tiltekið sumar-
daginn fyrsta) en þeir sáu um að
framleiða innréttingar í þessar í-
búðir. Þar næst verður farið í að
smíðaða innréttingar í 20 íbúðir í
háhýsi í Hafnafirði.
Viðurkenning
Þann 4. mars s.l. hlaut Miðás hf.
ásamt innanhússarkitektunum Odd-
geir Þórðarsyni og Guðrúnu Mar-
gréti Olafsdóttur, viðurkenningu
frá Form Island, fyrir verslun sína,
Brúnás-innréttingar í Reykjavík.
En þennan dag var haldinn svo-
kallaður Hönnunardagur 1993.
Þetta er í annað skipti sem Miðás
hf. tekur þátt í þessum degi, en auk
Miðáss voru 11 fyrirtæki sem
sýndu framleiðslu sína nú í annað
skipti.
Að sögn Guðlaugs, sýna fyrir-
tækin framleiðslu sína í samstarfi
við hönnuði. Um 60 hlutir frá þess-
um fyrirtækjum voru lagðir undir
dóm sérstakrar dómnefndar.
Guðlaugur sagði að það hefðu
verið veitt ein verðlaun fyrir hönn-
un og tvær viðurkenningar og Mið-
ás hefði fengið aðra.
Hjá Miðási starfa 17 manns, þar
af 3 í Reykjavík.
MM
múlavatn
Lagt afstað inn á örœfi.
Mynd: ÞÞ
Þessi eldhúsinnrétting er ein afmörgum innréttingum sem eru til sýnis í Brúnás-innrétt-
inga versluninni í Reykjavík. Miðás fékk viðurkenningu bœöifyrir hönnun vöru ogfall-
ega uppsetningu í versluninni.
Færanleg skoðunarstöð áfram
starfrækt á Suðurfjörðum
Bifreiðaskoðun íslands hefur á-
kveðið að draga til baka ákvörðun
sína um að leggja niður færanlega
skoðunarstöð sem þjónað hefur
Sunnanverðum Austfjörðum. A-
stæðan er óánægja íbúa á svæðinu
og skammur aðlögunartími og hef-
ur Bifreiðaskoðun því ákveðið að
þetta ár verði skoðað í færanlegu
stöðinni eins og verið hefur. Sveit-
arstjóri Stöðvarhrepps fór þess á
leit við Samband sveitafélaga á
Austurlandi, að það mótmælti þess-
ari skerðingu á þjónustu og var það
gert. Einnig hefur ánægja íbúa
komið fram í viðtölum í fjölmiðl-
um. Bifreiðaskoðun íslands tók við
skoðun almennra ökutækja í árs-
byrjun 1989 og hefur stefnan verið
sú, að byggð skuli ein fullkomin
skoðunarstöð í hverju kjördæmi.
Sem kunnugt er var bifreiðaeigend-
um á Suðurfjörðum gert að færa
bíla sína til skoðunar í skoðunar-
stöðina í Fellabæ, sem þýðir auk-
inn kosnað og óþægindi bíleig-
enda, bæði vegna vegalengda og
vinnutaps. AÞ
í lok síðustu viku fór um 20
manna hópur á vegum Ferðafélags
Fljótsdalshéraðs inn á Lónsöræfi
og með hús á sleða sem sett var
upp í 600 metra hæð við Kollu-
múlavatn. Skálinn sem hlotið hef-
ur nafnið Egilssel er 23 m2 með
svefnlofti. Þar er góð aðstaða fyrir
16 manns en í hámark geta gist þar
20. í húsinu er allur nauðsynlegur
búnaður. m.a. eldiviðarbirgðir til
ársins. Með tilkomu skálans geta
þeir sem ætla að ganga Lónsöræfi
skilið tjöldin eftir heima, þar sem
nú verður aðeins góð dagleið milli
fjallaskála. Frá Bjálfafelli við Snæ-
fell er dagsganga í skála FFF við
Geldingafell, síðan er dagleið að
Kollumúlavatni, en þaðan er geng-
ið á einum degi í Nes þar sem
Ferðafélagið á Höfn hefur komið
upp skála. Ennfremur er dags-
ganga um Geithellnadal og Víðidal
í Egilssel. Skálinn sem nú hefur ris-
ið við Kollumúlavatn á sér nokkra
sögu. I viðtali við Austra sagði
Þórhallur Þorsteinsson, formaður
FFF, að Egill Elísson og Snjólfur
Gíslason á Breiðdalsvík hefðu byrj-
að byggingu hússins og er nafnið á
skálanum tilkomið til heiðurs þeim
fyrmefnda. Ferðafélagið yfirtók
síðan bygginguna þegar hún var
rúmlega fokheld. Húsið var þá
flutt til Egilsstaða og verkinu lokið
undir stjóm Hermanns Eiríkssonar.
Greiðlega gekk að fá leyfi fyrir
staðsetningu skálans hjá landeig-
endum og sveitastjóm Bæjar-
hrepps, en tafir urðu á afgreiðslu
málsins hjá Náttúruvemdarráði og
var húsið nýtt á síðastliðnu sumri
til gistingar á tjaldstæði KHB. í
haust var það síðan flutt inn að
Eyjabakkavaði þar sem það beið
flutnings á áfangastað. Skálin var
fluttur á sérsmíðuðum sleða sem
dreginn var af snjóbíl Slysavarnar-
deildarinnar Gróar og gekk flutn-
ingurinn og allur frágangur á skál-
anum einstaklega vel, þrátt fyrir
þoku og rigningu mest allan tím-
ann. Þórhallur bað að lokum fyrir
þakkir til allra sem lagt hefðu hönd
á plóg við byggingu og flutning á
skálanum. Hann vildi einnig beina
þeim tilmælum til snjósleða- og
jeppamanna sem hyggðust gista í
skálanum, að taka með sér eldivið,
þar sem allir aðdrættir verða mjög
erfiðir eftir að snjóa leysir.
AÞ
Sannkallaðir sniglar, með hús-
ið á bakinu.
SAMKEPPNI
MEÐ ÍSLANDSFLUGI
TIL OG FRÁ EGILSSTÖÐUM
Kr. 7.900,- báðarleiðir*
Kr. 4.900,- önnurleið*
Frítt fyrir ungaböm
EKKERT REX - EKKERT PEX - EKKERT APEX
Flogið verður alla daga nema laugardaga, kl. 14:00 frá Reykjavík
Frá Egilsstöðum verður brottför
kl. 15:30 mánudaga, miðvikudaga og fostudaga
kl. 16:20 þriðjudaga, fimmtudaga og sunnudaga
Umboðsmaður á Egilsstöðum er:
Reynir Sigurðsson, Shell-stöðin, sími 12333
. . gjaldtil 31.03.93
Bamagjaldkr. 3.900.- önnur Idð
*4tfSLAHDSFLU8
TRYGGIR LÁGU VERÐIM
Rcyigavíkurflugvöllur: Sími 91-616060