Austri - 09.09.1993, Blaðsíða 2
2
AUSTRI
Egilsstöðum, 9. september 1993.
Útgefandi: Kjördæmissamband framsóknarmanna á Austurlandi.
Skrifstofa Austra Lyngási 12, 700 Egilsstaðir,
pósthólf 173, sími 97-11984, fax 97-12284.
Ritstjóri og ábyrgðarmaður: Jón Kristjánsson.
Útgáfustjóri: Sólveig Dagmar Bergsteinsdóttir.
Blaðamenn: Arndfs Þorvaldsdóttir og Marinó Marinósson.
Auglýsingar: Sími 97-11984, Sigrún Lárusdóttir.
Áskrift: Sími 97-11984, Sólveig Dagmar Bergsteinsdóttir.
Áskrift kr. 95 pr. blað. Lausasöluverð kr. 120.-
Prentun: Héraðsprent sf. Egilsstöðum.
Austri kemur út á fimmtudögum.
Aðsent efni þarf að hafa borist fyrir kl. 10:00 föstudaga.
Austri er aðili að samtökum bæjar- og héraðsfréttablaða.
I stíl Gróu
Yfirlýsingar viðskiptaráðherra í fjölmiðlum um landbúnaðarmál
hafa orðið tilefni til harðra viðbragða forustumanna bænda, og
með bréfi dagsettu 4. september krefst formaður Stéttarsam-
bands bænda að Sighvatur Björgvinsson biðjist afsökunar á
rangfærslum um málefni landbúnaðarins í fjölmiðlum.
Sighvatur fullyrðir að 80 bændur fái yfir 400 þúsund krónur á
mánuði í beingreiðslur sem séu jafngildi launagreiðslna. Neysla
kindakjöts verði á árinu 5000 tonn, sláturleyfishafar hafi haldið
öllu sínu á undanförnum árum og hafi svikið út fé og bændur
fari illa með fjármuni.
Allt eru þetta staðlausir stafir. Enginn bóndi fær yfir fjögur
hundruð þúsund í beingreiðslur, sem auk þess eru ekki laun
heldur niðurgreiðslur og tengdar framleiðslu. Neysla kindakjöts
er nú þegar orðin 5000 tonn, og vinnslu og dreifingarkostnaður
hefur lækkað á undanförnum árum að raungildi. Fullyrðingar
um fjárdrátt afurðastöðva eru ekki studdar neinum rökum, en
þeim er látið eftir að sanna sakleysi sitt.
Engin von er til þess að viðskiptaráðherra biðjist afsökunar á
ummælum sínum. Fullyrðingar hans eru ósvífinn pólitískur leik-
ur til þess að reyna að rétta hlut kratanna í þéttbýlinu, en gengi
þeirra er lágt eftir sumarið. Stórtækar embættaveitingar og þátt-
taka í óvinsæili ríkisstjórn draga úr gengi flokksins. Þá er brugð-
ið á það ráð að ryðjast fram í fjölmiðlum með ósannindi um
landbúnaðarmál til þess að reyna að höfða til láglaunafólks í
þéttbýli, og reyna að telja því trú um að Alþýðuflokkurinn sé
málsvari fyrir það. Það er víðs fjarri að svo sé. Flokkurinn hefur
í þessu stjómarsamstarfi staðið að margvíslegum aðgerðum til
þess að íþyngja láglaunafólkinu í landinu. Það nægir að nefna
hvers konar þjónustugjöld, hækkun lyfja og lækniskostnaðar og
lækkun persónuafsláttar svo aðeins fátt eitt sé nefnt. Það stoðar
auðvitað ekkert fyrir viðskiptaráðherra að endurtaka í sífellu
hálfsannleik og hrein ósannindi um landbúnaðarmál í fjölmiðla
til þess að breiða yfir hraklega frammistöðu Alþýðuflokksins í
stjómarráðinu. Dómgreind almennings er ekki eins brengluð og
hann heldur.
Með nýjum búvömsamningi ganga bændur í gegnum enn eitt
breytingaskeið varðandi framleiðslumál sín. Brýn nauðsyn er til
þess að þeim gefist tækifæri til þess að skipuleggja framleiðslu
og sölumál miðað við þær aðstæður sem nú eru uppi. Sama er að
segja um afurðastöðvarnar. Hins vegar virðist það vera takmark
stjómvalda að sundra samstöðu bændastéttarinnar, og sömuleið-
is afurðastöðvanna. Þá er eftirleikurinn auðveldur.
Margt bendir nú til þess að frjálshyggjumenn telji nú röðina
komna að verkalýðshreyfingunni, og mál sé nú til þess komið að
brjóta hana niður og sundra samstöðu launafólks. Samstarf
bændafomstunnar og verkalýðshreyfingarinnar, sem hófst með
þjóðarsáttinni á sínum tíma, er þessum öflum þyrnir í augum.
Unnið er að því að brjóta niður samtök af öllu tagi í nafni frels-
isins. Það er mikið níðst á ffelsishugtakinu um þessar mundir.
Landbúnaðarumræðan er nú komin á stig kjaftaskjóðunnar af
hálfu viðskiptaráðherra, með móttóinu “ólyginn sagði mér”, en
munurinn á honum og Gróu kerlingunni á Leiti er sá að hann er
ekkert feiminn að láta bera sig fyrir hlutunum.
J.K.
Það er ekki orkufrekt fólksflutningatækið sem hann Kjartan Hjart-
arson á Breiðdalsvík smíðaði á dögunum upp úr gömlu BMX hjóli og
bílsæti. Hér bregður hann sér í bæjarferð ásamt mágkonu sinni Guð-
nýju Ófeigsdóttur. Austramynd JG
Heildarfj'öldi flugfarþega í
innanlandsflugi árið 1992
er 2,7 sinnum fjöldi
landsmanna
Alls konar formúlur eru til í
þessum heimi. Eitt dæmi gaf að
líta í bæklingi um stefnumótandi
tillögur frá Byggðastofnun. í kafla
um flugvelli segir: “ Mikilvægi
flugsamgangna fer að nokkru eftir
því hvernig einstök byggðarlög eru
í sveit sett. Flokkun flugvalla eftir
lengd flugreina er ekki einhlít um
mikilvægi viðkomandi flugvallar.
Mikilvægi flugvallar fyrir þjón-
ustusvæði sitt má meta eftir hlut-
falli farþega um flugvöllinn af íbú-
um í umdæminu. Sé þessari aðferð
beitt voru mikilvægustu flugvellir í
landinu árið 1992 í Grímsey og
Vestmannaeyjum. I Grímsey er far-
þegafjöldi 27 sinnum íbúatala í
eynni. I Vestmannaeyjum er fjöld-
inn 17 sinnum íbúafjöldinn “ A
þjónustusvæði Egilsstaða er fjöldi
ferða á íbúa tæplega 7 og á Höfn í
Hornafirði 5.5.
Samkvæmt upplýsingum Flug-
málastjómar var heildarfjöldi flug-
farþega í innanlandsflugi árið 1992
2.7 sinnum fjöldi landsmanna.
MM
Sýslumaður Suður-
Múlasýslu segir upp
störfum
Sýslumaðurinn á Eskifirði, óskaði hann eftir að fá sig
Sigurður Eiríksson, sagði upp leystan frá störfum þegar í stað.
starfi sínu sl. föstudag án Ekki var vitað um ástæðu
fyrirvara. uppsagnarinnar þegar Austri fór
Samkvæmt heimildum Austra í prentun. MM
Ljósmyndasafnið á Egilsstöðum:
Aj fiverjum er myndin?
Gefandi: Vilhjálmur Hjálmarsson frá Brekku, Mjóafirði.
Ef lesendur vita hverjar eru á myndunum, þá vinsam-
legast komið upplýsingum til Guðrúnar Kristinsdóttur
í síma 11451 eða Sigurðar Ó. Pálssonar í síma 11417.
Þjónustuhand-
bók VÍS fyrir
ökutækja-
eigendur
Vátryggingafélag íslands hefur
gefið út Þjónustuhandbók fyrir þá
sem tryggja ökutæki sín hjá VÍS.
Reynslan sýnir að mörgum öku-
mönnum er ekki ljóst hvað þeir
eiga að gera, lendi þeir í umferðar-
óhappi. Þjónustuhandbókinni er
m.a. ætlað að bæta úr því og hefur
að geyma greinargóðar upplýsingar
og leiðbeiningar um hvemig bregð-
ast skuli við þegar umferðaróhöpp
verða. Þá eru í Þjónustuhandbók-
inni margskonar upplýsingar sem
nýtast ökutækjaeigendum vel.
Þjónustuhandbókin er í handhægu
formi því ætlast er til að hún sé
geymd í bílnum. Þannig er auðvelt
að grípa til hennar þegar þörf er á.
Meðal efnis í bókinni er: Hvað
skal gera ef þú lendir í umferðaró-
happi. Heimilisföng og símanúmer
lögreglu og sjúkrabifreiða víðsveg-
ar um landið, ökutækjatryggingar
sem eru í boði hjá VÍS, akstur er-
lendis, bónusleiðir VÍS, skipulag
skoðunarmála VÍS um land allt,
hvers ber að gæta við kaup á not-
uðu ökutæki. Þjónustuhandbókinni
er dreift ókeypis til þeirra sem
tryggja ökutæki sín hjá VÍS.
Fréttatilkynning
Skriðdalur:
Svartir sauðir
Gæsaveiðitíminn er nú hafinn og
margir freista þess að ná sér í mat-
inn. Til eru þeir sem fara í mesta
lagi einu sinni eða tvisvar, svo eru
þeir sem eru á veiðum um hverja
helgi og allt gott um það að segja.
Flest allir fá leyfi hjá bændum til
að skjóta hjá þeim enda sjálfsögð
kurteisi.
Alltaf finnast þeir einstaklingar
sem eyðileggja fyrir veiðimönnum
sem vilja hafa góð samskipti við
bændur. Nýlega frétti blaðamaður
Austra af gæsaveiðimönnum í
Skriðdal sem fóru um á bíl og eltu
gæsahóp og skutu af riffli hvað eft-
ir annað úr bílnum á hópinn jafn
óðum og hann var sestur. Þetta er
ekki framferði sem sannur veiði-
maður kýs. Mikið hefur verið rætt
um hvort betra sé að nota riffil eða
haglabyssu á gæs. Eitt er víst, kúla
úr riffli berst lengra en högl úr
haglabyssu og er því hættulegri
gagnavart mönnum og skepnum ef
ekkert ber á milli. Það er því aldrei
of varlega farið. MM