Tilvera - 15.03.1998, Blaðsíða 3

Fréttir ár Athvarfinu
Árið 1997 er liðið og með því hátíðleg og góð jól í Kvenna-
athvarfinu. Jól sem nú, eins og endranær, voru sumum konum
viðkvæm og tilfinningahlaðin vegna erfiðra aðstæðna af ýmsum
ástæðum. Það verður seint fullþakkað hve margir leggja hönd á
plóg til að gera jólin sem hátíðlegust með jólakveðjum, fyrir-
bænum, fallegum hugsunum og góðum gjöfum. Á Þorláks-
messu komu til að mynda nokkrir fulltrúar "Sniglanna" á
mótorhjólum færandi hendi með stórt og veglegt jólatré. Koma
"Sniglanna" á þennan hátt vakti ómælda gleði og hrifningu
yngri kynslóðarinnar. Á gamlársdag færði síðan Landsbjörg
okkur stóran og veglegan fjölskyldupakka, þannig að í
Athvarfinu var mikil "sprengjudýrð" eins og annars staðar þetta
kvöld. Yfir jólin dvöldu í Athvarfinu 5 konur og 6 börn.
Fljótlega eftir áramótin fjölgaði töluvert og voru 7-9 konur og
14-16 böm (öll undir 8 ára) stóran hluta janúar.
Á s.l. ári var ákveðið að stefna að því að tölvuvæða ákveðna
starfsemi Athvarfsins. Keypt var tölva og í samvinnu við
Tölvu- og verkfræðiþjónustuna er verið að þróa skráningakerfi
sem hentar starfsemi Athvarfsins. Við þessa vinnu höfum við
m.a. notið velvilja Rauða Kross hússins, sem er nokkrum
skrefum á undan okkur í þróuninni. Þróunarvinnan gengur vel
og frá s.l. áramótum hafa t.d. öll símtöl í neyðarsíma verið
tölvuskráð.
í byrjun janúar lágu fyrir bráðabirgðatölur ársins 1997.
Komur dvalarkvenna og „viðtöl utan úr bæ“ voru 396, sem er
7% aukning frá 1996 og hafa ekki verið skráðar fleiri komur frá
upphafi starfseminnar. Bak við þessa tölu eru skráðar komur
kvenna til dvalar 118 og í viðtöl skráðar 278 komur.
Meðalfjöldi kvenna á dag voru 6 konur og meðaldvalartími
voru 11 dagar. Símtöl í neyðarsíma voru 2274, sem er 6% aukn-
ing milli ára. Mikið er lagt upp úr áframhaldandi þróun starfsins
og er hluti af þeirri þróun fræðsla fyrir starfsfólk. Á árinu 1997
sóttu starfskonur ýmis námskeið, ráðstefnur og fundi sem með
ýmsu móti tengdust starfinu og nánar verður fjallað um í
ársskýrslu.
Mikilvægt er að efla og viðhalda góðum tengslum við þá
fjölmörgu aðila, sem á einhvern hátt koma að stuðningi við
þolendur ofbeldis. Megináhersla okkar er að tengslin byggist á
gagnkvæmu trausti og virðingu þar sem m.a. verklagsreglur
allra eru virtar. Það er ánægjulegt að sjá hvað þessi þróun er
jákvæð - þó hægt fari - og skilar sér sem markvissari og
víðtækari alhliða stuðningur. Einnig er ánægjulegt að sjá að í
vaxandi mæli leita ólíkir aðilar til Athvarfsins eftir samráði,
stuðningi og fræðslu varðandi ólíka þætti ofbeldis á heimilum.
Hvað innra starf Athvarfsins áhrærir er m.a. á döfinni að
skoða og þróa enn frekar einstaka þætti þess starfs s.s.
samskiptatækni, viðtalsform og ólíkar stuðningsleiðir. í hand-
leiðslu starfskvenna er um þessar mundir verið að skoða
nokkuð náið persónueinkenni hverrar og einnar, styrkleika í
starfi og mögulegar takmarkanir. Tilgangurinn með þessari
sjálfsskoðun er m.a. að sérhver starfskona verði sem með-
vituðust um sjálfa sig og nýtist þannig starfinu sem best.
Af viðhaldi hússins er það að frétta að málningarvinnu innan-
húss er lokið í bili. Ibúðarherbergin tvö í kjallaranum hafa m.a.
fengið langþráða og nauðsynlega endurnýjun. Viðgerðum á
útidyratröppum er einnig lokið ásamt múrviðgerðum utanhúss.
Næsta stóra verkefni er að mála húsið að utan.
Um leið og þakkaður er víðtækur, góður stuðningur við
starfið er ekki úr vegi að biðja lesendur Tilveru að athuga hvort
ekki leynist í einhverjum kjallaranum þrekhjól og/eða leikja-
tölva, sem heimilisfólkið notar ekki lengur en gæti nýst vel í
Athvarfinu.
Vilborg G. Guðnadóttir.
Þjéðkirkjan gegn ofbeldi
Þann 10. febrúar sl. hélt Fræðsludeild kirkjunnar námskeið
fyrir presta, djákna og aðra starfsmenn kirkjunnar undir
yfirskriftinni: Til liðs við lífið - kirkjan gegn ofbeldi.
Námskeiðið var haldið í Áskirkju og var undirbúningur þess í
höndum Sveinbjargar Pálsdóttur, guðfræðings.
Meðal efnis á námskeiðinu var eftirfarandi: Dr. Erla Kolbrún
Svavarsdóttir fjallaði um skilgreiningar á ofbeldi. Karl Steinar
Valsson, afbrotafræðingur fjallaði um hina lagalegu hlið ofbeldis.
Sæunn Kjartansdóttir, sálgreinir fjallaði um „ofbeldisdansinn“
svokallaða. Vilborg G. Guðnadóttir, hjúkrunarfræðingur og
framkvæmdastjóri Kvennaathvarfsins fjallaði um hvaða leiðir eru
færar og séra Sólveig Lára Guðmundsdóttir talaði um reynslu
sína sem prestur í Kvennaathvarfinu. Ennfremur fjallaði
Benedikt Jóhannsson sálfræðingur um starf Fjölskylduþjónustu
kirkjunnar með þolendum ofbeldis.
Tæpast þarf að undirstrika hversu mikilvægt framtak þetta
námskeið er og sú staðreynd að þeir sem sækja námskeið sem
þessi nýta ekki bara þekkingu sína í starfi heldur miðla henni
einnig beint eða óbeint til annarra.
Þátttakan á námskeiðinu Til liðs við lífið - kirkjan gegn
ofbeldi var mjög góð en yfir 80 manns sóttu það.