Tilvera - 15.11.1998, Side 1

Q Jllvcra
KVENNAATHVARF
FRÉTTABRÉF - Samtaka um kvennaathvarf
561 1205 Nóvember 1998, 2. tbl. 8. árg. Ritstjóri og ábm.: Ásta Júlía Arnardóttir
Fræöslu og kynningarátak
Eins og fram kom í síðustu Tilveru eru Samtök um kvenna-
athvarf með í undirbúningi fræðslu- og kynningarátak sem mun
hefjast um miðjan janúar 1999.
Markmið átaksins er að ná til fólks á öllu landinu, kynna
Kvennaathvarfið og starfsemi þess og efla fræðslu og umræðu
um ofbeldi innan fjölskyldna og auka skilning á eðli þess og
afleiðingum.
Atakið verður í formi opinna funda og verður upphafs-
fundurinn haldinn í Reykjavík en í framhaldi af honum verður
haldið út á landsbyggðina. Aætlað er að átakið muni standa frá
miðjum janúar fram til loka mars.
Samtökin hafa valið þá leið að leita eftir samstarfi sveitar-
félaga á landinu. Samstarfið felst í því að ef viðkomandi
sveitarfélag ákveður að taka þátt í átakinu útnefnir það tengilið
við Samtökin t.d. félagsmálafulltrúa en hann kynnir fundina á
staðnum og útvegar fundarstað. Markmiðið er að fundirnir séu
öllum opnir en þeir verða sérstaklega kynntir fyrir starfsfólki
skóla, leikskóla, heilsugæslu, sjúkrahúss, kirkju, lögreglu o.fl.
Að öllu jöfnu er gert ráð fyrir einum fundi á hverjum stað en ef
áhugi er á staðnum t.d. fyrir skólaheimsókn þá er ferðin nýtt. í
kynningarleiðangri hveiju sinni verða 2 fulltrúar frá Samtökum
um kvennaathvarf.
Kynningarbréf var sent öllum sveitarfélögum á landinu
varðandi átakið og hafa viðbrögð þeirra verið góð og því ekki
annað sýnilegt en kynningarátak Samtakanna verði
umfangsmikið og vonandi árangursríkt.
Ásta Júlía Arnardóttir, fræðslu- og kynningarfulltrúi.
— NOR V -----
norrænt samstarf um rannsóknir á ofbeldi og heilsufarslegum afleiðingum þess
Hafið er samstarf um rannsóknir sem einkum munu
beinast að heimilisofbeldi og kynferðislegu ofbeldi (nauð-
gunum) á Norðurlöndum. Verkefnið mun njóta stuðnings
frá Norrænu ráðherranefndinni á næstu þremur árum og er
því stýrt af prófessor Berit Schei Þrándheimi, Guðrúnu
Agnarsdóttur yfirlækni Reykjavík og Karin Helveg-Larsen
réttarlækni Kaupmannahöfn í samvinnu við aðra lækna á
þessu sviði á Norðurlöndunum.
Aðaláhersla verður lögð á að kanna umfang þessa vanda,
gera sér grein fyrir því heilsufarslega tjóni sem af honum
hlýst og kanna hvernig má bæta úr því eða koma í veg fyrir
það. í því skyni verður tekið mið af þeim könnunum sem
þegar hafa verið gerðar á Islandi og í Finnlandi eða eru í
bígerð í Svíþjóð og gerðar kannanir í þeim löndum
(Danmörku og Noregi) þar sem engar upplýsingar liggja
fyrir um tíðni og afleiðingar slíks ofbeldis. Ennfremur
verður gerður samanburður á því hvemig þolendum kynfer-
ðisbrota er sinnt og hverjir leita aðstoðar eftir slík brot og
sérstaklega hugað að starfi neyðarmóttaka þar sem þær er að
finna á Norðurlöndum. Reynt verður að skilgreina norræ-
nan staðal um þjónustu við þolendur sem geti orðið
fyrirmynd annarra þjóða sem vilja skipuleggja slíkar mót-
tökur. Rannsóknir verða einnig gerðar á því hvemig réttar-
læknisfræðileg þjónusta er skipulögð á Norðurlöndunum og
hvemig megi bæta menntun heilbrigðisstarfsfólks til að taka
á móti, rannsaka og meðhöndla þolendur kynferðisbrota.
Vinnufundur var haldinn í Linköping um þetta rannsók-
narverkefni 10.-12. október s.l. og var jafnframt haldin
áhugaverð ráðstefna um rannsóknir á síðbúnum heilsu-
farslegum áhrifum ofbeldis.
Næsti vinnufundur verður í Þrándheimi 8.-10. apríl 1999
og verður jafnframt haldin ráðstefna 8. apríl í tilefni af 10
ára starfsafmæli Neyðarmóttökunnar þar. F.kki hefur enn
verið ákveðið hvert þema ráðstefnunnar verður.
Reykjavík 22. Október 1998
Guðrún Agnarsdóttir yfírlæknir
Neyðarmóttöku vegna nauðgunar,
Slysadeild Sjúkrahúss Reykjavíkur.