Fjölrit RALA - 15.04.1988, Blaðsíða 18
-12-
Á 7. mynd er sýnt gróðurfar eða samsetning gróðurþekjunnar sumarið 1987 á
mælingarsvæðunum þremur. Þar sést að sina þekur mikið af yfirborði friðaða
landsins. Undir sinuflókanum er þó ætíð meira og minna af lifandi plöntum,
sem ekki ná að vaxa upp úr honum. Sinan leggur jarðveginum til lífræn efni,
og það er mikilvægt við uppbyggingu gróðurlendisins á hinum ólífænu og
næringarsnauðu söndum og melum, sem verið er að rækta upp. En svo mikil
sina er til óþurftar, því að hún hindrar vöxt plantnanna eins og áður var getið.
Á beitta landinu er hins vegar svo lítil sina, að aukning lífrænna efna, sem
bætast jarðveginum er lítil.
■ Grös S Annar gróður 11 Mosar
U Sina E] Ógróið
7 0
60
50
Beitt Friðað Beitt hriðað Beitt Friðað
Sandá Öfuguggavatnshæðir Þrístiklubunga
7. mynd. Samsetning þekju á tilraunasvæðunum við Sandá, á Öfuguggavatns-
hæðum og við Þrístiklubungu í ágúst 1987.
Áburðarmagn á svæðunum, var minnkað verulega 1986 eða niður í 200 kg/ha
eins og að framan greinir. Frekari reynsla og niðurstöður áburðartilraunanna
eiga eftir að skera úr því hvort þetta "viðhaldsmagn" nægi án þess að leiði til
rýmunar á gróðurþekju.
2.3.1 Önnur uppgræðslusvæði.
Þekja gróðurs var metin á öðrum uppgræðslusvæðum en þeim, sem að
framan greindi. Niðurstöður þess mats eru sýndar í 5. töflu.