Fjölrit RALA - 15.04.1988, Blaðsíða 47

-41-
Þegar áburðargjöf er hætt má gera ráð fyrir að gróðurfar stefni að
nokkurskonar jafnvægi, sem stjómast m.a. af ytri skilyrðum, svo sem
veðurfari, en er einnig háð áhrifum áburðarins. Hér á landi er lítið vitað um
hvort hið nýja "jafnvægisástand", sem myndast eftir að áburðargjöf lýkur er
t.d. háð því hve grösin eru orðin ríkjandi í gróðrinum þegar áburðargjöf er
hætt. Það er t.d. líklegt að við mikla og langvarandi áburðargjöf séu ýmsar
tegundir algerlega horfnar úr gróðurþekjunni og geti því ekki tekið þátt í að
mynda hið nýja jafnvægisástand, nema þær séu til staðar í fræforða
jarðvegsins og hafi möguleika á að spíra og vaxa við þær aðstæður sem þá
ríkja. Það er uppgræðslu beitilanda hér á landi mikill fjötur um fót, að ekki em
fyrir hendi belgjurtir eða aðrar niturbindandi tegundir til sáningar með
grastegundunum. Þetta veldur þvíí ,að stöðugt verður að bera á köfnunarefni,
ásamt öðmm efnum.