Fjölrit RALA - 10.05.1988, Blaðsíða 35
31
12. tafla. Fallþungi lamba, kg.
Meðferð F+ F- Meðaltal
H 15,7 15,1 15,4a
V 15,2 14,3 14,7b
Meðaltal 15,4a 14,7b M-skekkja = 0,17
Á fallþunga komu fram marktæk áhrif, bæði af klippingartíma og fóðrun. Þannig
munaði 0,7 kg (4,7%) á lömbum undan haust- og vetrarklipptum gemlingum, þeim
haustklipptu í vil, og nákvæmlega jafnmikill munur stafaði af fiskimjölsgjöf. Þannig munaði
1,4 kg á fallþunga lamba undan haustklipptum gemlingum sem fengu fiskimjöl og lamba úr
vetrarklippta flokknum án fiskimjöls.
I þeirri rannsókn, sem hér var lýst, hefur komið fram þrenns konar ávinningur af
haustklippingu ásetningsgimbra:
1) Ullarflokkun er stórlega bætt.
2) Haustklipptu gimbrarnar festa frekar fang.
3) Haustklipptu gimbrarnar skila þyngri lömbum.
Samanlögð áhrif á frjósemi og fallþunga hafa skilað 6,5 kg aukningu í kjötframleiðslu
eftir vetrarfóðraða gimbur.
Brevtileeur burðartími (RL 4291
Stefán Sch. Thorsteinsson og Sigurgeir Þorgeirsson
Haustið 1986 hófst tilraun á Hesti til að rannsaka áhrif mismunandi burðartíma og
haustmeðferðar lamba á afurðasemi ánna, kjötgæði og hagkvæmni framleiðslunnar.
Skipulag tilraunarinnar og fóðrunaráætlun eru sýnd í 13. töflu. Gangmál eru
samstillt þannig að fyrri burður sé fyrstu viku maí og seinni burður sem svarar einu
gangmáli (16 - 17 dögum) síðar. Ánum í hvorum flokki er haldið á 3-4 dögum. Báðir
flokkar eru fóðraðir eins allan veturinn miðað við fangdag í hvorum flokki fyrir sig, þannig
að allar fóðurbreytingar fara fram 16 dögum síðar í siðborna flokknum. Eingöngu er gefin
taða þar til 5 vikum fyrir burð en þá er byrjað að gefa fiskimjöl, fyrst 70 g en 100 g á
dag síðustu 3 vikur fyrir burðinn. Eftir burð fá allar ær töðu að vild og 200 g fiskimjöl.
Eftir 4-6 daga innistöðu er helmingi hvors flokks beitt á tún en helmingi á óframræsta
mýri. Borið er á túnið svo fljótt sem unnt er að vorinu. Gjöf er hætt og ánum sleppt
þegar úthagi er talinn nægilega vel gróinn.
Að haustinu er tvílembingshrútum úr hvorum flokki skipt í jafna hópa sem annars
vegar er slátrað beint af úthaga en hins vegar eru bataðir á ræktuðu landi (áborin há eða
fóðurkál) í 4-5 vikur fyrir slátrun. Föll af þessum lömbum eru mæld í sláturhúsi.
Fyrsta árs bráðabirgðaniðurstöður um vænleika og skrokkmælingar liggja nú fyrir.