Fjölrit RALA - 10.05.1988, Blaðsíða 45

41
Þurrkun lands með lokræsum (RL 3411
Árni Snæbjörnsson og Grétar Einarsson
Tilgangur þessarar tilraunar er að bera saman árangur af notkun mismunandi gerða
lokræsa og hefðbundinnar framræslu með opnum skurðum. Um er að ræða samvinnuverkefni
Bændaskólans á Hvanneyri og bútæknideildar Rala og er framkvæmd að Hesti.
Árið 1981 hófust undirbúningsframkvæmdir og landinu var lokað 1983. Helstu
mæliþættir eru vatnsheldni og rakaspenna jarðvegs, auk úrkomumælinga, hæð á
grunnvatnsstöðu og rennsli úr rörum. Komið hefur í Ijós að lokræsin virka vel og hefur
grunnvatnsstaðan aldrei farið nær yfirborði en reiknað var með, lítill munur virðist milli
tilraunaliða, þó er grunnvatn yfirleitt fjær yfirborði þar sem eru opnir skurðir. Dálítið
hefur borið á því að mýrarrauði setjist fyrir þar sem rörin koma út í opna skurðinn.
Landið er nytjað á hefðbundinn hátt og næstu árin verður fyrst og fremst fylgst með
ræsunum til að kanna hvort þau muni stíflast smátt og smátt eða hvort þau skila áfram
því rennsli sem þeim er ætlað.
Pressun vatns úr hevi
Pétur Þór Jónasson
Markmiðið með þessari athugun var að kanna hvort pressun vatns úr heyi fyrir
hraðþurrkun væri álitlegur kostur. Ekki voru gerðar beinar tilraunir heldur gerð
heimildakönnun til að kanna þá reynslu og tilraunir sem gerðar hafa verið erlendis áður en
út í frekari aðgerðir væri farið hér á landi.
Niðurstöður úr þessari athugun eru í Fjölriti Rala nr. 115 (1985) en þar er að finna
allítarlega lýsingu á ýmiss konar tæknibúnaði og hagkvæmnisathugunum ásamt ályktunum
um notagildi umræddrar aðferðar. Meginniðurstaðan er sú að nokkurra efasemda gætir um
hagkvæmni þessarar aðferðar en er þó eðlilega háð því hvernig orkuverð þróast í
framtíðnni.