Fjölrit RALA - 10.05.1988, Blaðsíða 126
122
REYKHÓLAR
Ingi Garðar Sigurðsson
Jarðræktartilraunir
Jarðræktartilraunum hefur ekki fjölgað síðastliðin þrjú ár og eru reitir nú mjög fáir.
Fjórar langtímatilraunir með ýmiss konar áburð eru enn við lýði og eru sambærilegar
tilraunir einnig á sumun hinna tilraunastöðvanna (RL 236). Tilraunir þessar eru:
1. Vaxandi kalí á tún, frá 1951
2. Vaxandi N á tún í kjarna, frá 1951
3. Samanburður á N-áburðartegundum, frá 1953
4. Vaxandi skammtar af kalki með blönduðum túnáburði
Eins og skýrt var frá í síðustu starfsskýrslu Rala hófust á því skeiði tilraunir vítt
og breitt á norðanverðum Vestfjörðum (RL 386). Reyndir voru mismunandi skammtar af N-
P og K, einnig var borinn á brennisteinn og kalk á suma reiti. Tilraunir þessar eru
framkvæmdar á eftirtöldum stöðum: Bæjum á Snæfjallaströnd, Litlu-Ávík I Ámeshreppi,
Svanshóli í Bjarnarfirði og tvær heima á Reykhólum. Helstu niðurstöður eru þær að áhrif
brennisteins á uppskeru hafa verið hverfandi og svipað má segja um kalíáburð. Fjögur tonn
af kalki á ha í upphafi tilraunar gáfu 6-14% meiri uppskeru fyrstu sjö árin. Þá var einn
liður með stóran skammt af ðllum áburðartegundum og var borið á 225 kg N, 60 kg P, 210
kg K, 22,5 kg S og 4 tonn af kalki á fyrsta ári á ha, en á samanburðarlið 150 kg N og
annað í sömu hlutföllum, nema sama magn af kalki. Stóri áburðarskammturinn gaf 5 til 7
hestburða minni uppskeru á Reykhólum á ha, engan mun á Bæjum, um 2 hestburða
vaxtarauka í Litlu-Ávík en rúmlega 6 hestburða vaxtarauka á Svanshóli.
Sauðfiártilraunir
Fram hefur verið haldið ræktun ullar og gæra af fjárstofninum á Reykhólum, ásamt
því að bæta aðra eiginleika, líkt og verið hefur undanfarin ár. í síðustu skýrslu var skýrt
frá því að í gangi væri umfangsmikil tilraun á vegum Rala, BÍ og ullar- og
skinnaiðnaðarins. Þessum tilraunum hafa verið gerð góð skil í Fjölriti Rala nr. 113, af
Emmu Eyþórsdóttur og Magnúsi B. Jónssyni.
Haustið 1986 hófst haustklippingartilraun á Reykhólum. Markmið hennar er að kanna
hve mikið kostar í viðbótarfóðri að rýja féð um leið og það er tekið á hús og hvaða áhrif
það hefur á afurðir, miðað við að rýja í mars.
Ullariðnaðurinn hefur lýst miklum áhuga á að fá haustrúna ull en nauðsynlegt er fyrir
bændur að vita hvort þeir þurfa að fá meira verð fyrir þess konar ull.
Bústofn í árslok 1987 var 262 ær, 52 lömb og 9 hrútar, eða samtals 323 kindur.
Engar byggingarframkvæmdir hafa verið á umliðnum árum og viðhald hefur verið í algjöru
lágmarki, enda ekki fengist neitt fjármagn til þess. Rekstur á tilraunastöðinni hefur verið
mjög erfiður og hafa fjárveitingar minnkað ár frá ári að raungildi.