Fjölrit RALA - 10.05.1988, Blaðsíða 130
126
hópar á sömu heygerð fóður að vild. Með þessu móti er ætlunin að ákvarða fóðrunarvirði
(fóðurgildi og átgetu) á heyi og kögglum. Prófun á þrem heygerðum er í gangi en
efnagrein'ingum ekki að fullu lokið. Veturinn 1985-’86 var prófað að ala geldinga á þrem
heygerðum í kögglaformi, með og án fiskimjðls, og átgeta ákvörðuð á sama heyi einnig.
Orkugildi var ekki ákvarðað þann vetur. Átgetuaukning vegna kögglunar er veruleg (oftast
80-90% á tilraunafóðri) en lítið er hægt að segja um nettóorkugildið að svo stöddu. í
tengslum við þessar tilraunir var prófuð aðferð til að mæla orku- og efnainnihald í
skrokkum með því að frysta þá, saga í sneiðar og nota sagið til efna- og orkugreiningar
(RL 410). Gaf þessi aðferð góða raun.
Vorið 1986 var gerð tilraun með að rýja tvævetlur, annars vegar febr.-mars og hins
vegar í byrjun júní. Kom fram m.a. um 10 kg minna kjöt eftir tvílembu hjá vorrúnu
ánum.
Aðrar sauðfjártilraunir á stöðinni fjalla m.a. um litar- og frjósemisþætti (Þoku-gen),
fitusöfnun lamba undan afkvæmarannsóknahrútum og haustrúning áa. Eru þeim gerð skil
annars staðar.
Jarðrækt
Mestallt land, þar sem elstu áburðartilraunirnar (RL 236) eru, hefur verið að blotna
upp og endaði með því að landið var ræst fram haustið 1987. Tilraunimar voru lagðar niður
á þessum stað fyrir utan tilraunina með N-áburðartegundir (19-54). Fram er haldið
tilraunum með vallarsveifgrasstofna, eina og í blöndu með vallarfoxgrasi (RL 69 og 70;
509-82).
Tilraunir með túnrækt við erfið skilyrði (RL 386) eru komnar nokkuð á veg, en byrjað
var á athugunum á ýmsum stöðum hér eystra sumarið 1984 eins og tíundað var í síðustu
skýrslu.
Tilraunir þessar voru fyrst uppskornar sumarið 1987, en um er að ræða loftun (djúpar
rásir) í heilan svörð og kðlkun. Hefur t.d. i tilraun í Rauðholti fengist allt að 50%
uppskeruauki fyrir loftun og 65% fyrir kölkun en 91% þegar loftaðir reitir voru einnig
kalkaðir. Lagðar voru út tvær stórar tilraunir með loftun og kölkun, önnur í Rauðholti og
hin á Skriðuklaustri (Klausturnesi) haustið 1987 og var notaður til þess sérstakur
loftunarplógur.
Tilraunastjóri hefur fylgst nokkuð náið með kornrækt bænda á Héraði og
heykögglagerð á bændabýlum. Er fullur hugur á að gera tilraunir með og þróa aðferðir til
að sú fóðurframleiðsla og vinnsla i þágu bænda geti orðið sem raunhæfust, eftir því sem
efni og aðstæður leyfa.
Fundir oe fleira
Samningur milli Rala og BSA um rekstur tilraunastöðvarinnar tók gildi um fardaga
1985. Síðan hafa verið haldnir sex formlegir staðarstjórnarfundir, hinn fyrsti 11. sept. 1985
og hinn síðasti 17. sept. 1987. Á báðum þessum fundum mættu stjórnir eða fulltrúar úr
stjórnum Rala og BSA. Þá hafa verið haldnir fimm fundir í tilraunanefnd stöðvarinnar á
sama tímabili.