Fjölrit RALA - 10.09.1992, Blaðsíða 9

Niðurstöður framleiðsluspár fyrir árin 1990 og 1991
Framleiðsluspá fyrir árið 1992
Allt frá árinu 1983 hafa verið gerðar framleiðsluspár um væntanlegt framleiðslumagn
svínakjöts á komandi ári. Þessar framleiðsluspár hafa reynst það nákvæmar að hægt
hefur verið að nota þær til þess að koma í veg fyrir birgðasöfnun með skynsamlegum
verðákvörðunum. Þessar framleiðsluspár byggjast að hluta á niðurstöðum úr talningu
fóðurbirgðafélaganna 1. nóvember hvert ár.
Við gerð þessara áætlana eru notaðar niðurstöður úr skýrslum sláturleyfishafa og
fóðurbirgðafélaganna. Þegar þessar niðtirstöður eru fengnar, Ktur framleiðsluspáin
þannig út:
A) Fjöldi gyltna frá 1. nóvember árið áður x Fjöldi nytjagrísa eftir hverja gyltu árið
áður = Áætlaður fjöldi nytjagrísa á viðkomandi ári.
B) Áætlaður fjöldi nytjagrísa á viðkomandi ári x Meðalþungi allra sláturgrísa í
kjötflokkum Grís I*, Grís I, Grís II, Grís III og Grís IV á árinu áður +
Viðauki vegna slátrunar fullorðinna svína = Áætluð svínakjötsframleiðsla á
viðkomandi ári.
Útskýringar á áðurnefndum niðurstöðum úr skýrslum sláturleyfishafa og fóður-
birgðafélaganna sem notaðar eru við gerð áætlunarinnar:
1) Fjöldi gyltna frá 1. nóvember árið áður en áætlunin á við:
Á vegum fóðurbirgðafélaganna fer fram á hverju hausti talning á búfé í landinu
og þessari talningu á að verða lokið 1. nóv. hvert ár. í talningu þessari eru
aðeins talin fullorðin svín. Áætlað er að 10% af heildarfjölda fullorðinna svína
séu geltir.
2) Fjöldi nytjagrísa eftir hverja gyltu árið áður en áætlunin á við:
Fjöldi nytjagrísa eftir hverja gyltu á ári er fundinn þannig að gyltufjöldanum
frá 1. nóv. árinu áður er deilt upp í fjölda slátraðra svína viðkomandi árs og
þá breytingu sem verður á heildarfjölda svína milli viðkomandi árs og næsta
árs á undan.
3) Meðalfallþungi allra sláturgrísa í kjötflokkum Grís I*, Grís I, Grís II, Grís III
og Grís IV á árinu áður en áætlunin á við.
4) Viðauki vegna slátrunar fullorðinna svína er áætlaður á eftirfarandi hátt:
Þyngd fullorðinna svína er áætluð 103,0 kg eða vegið meðaltal þyngdar
fullorðinna svína á árunum 1982-84. Reiknað er með að 3% af fjölda
slátursvína árið áður sé sá fjöldi fullorðinna svína sem slátrað er á því ári sem
framleiðsluspáin á við.