Fjölrit RALA - 10.10.1992, Blaðsíða 7

Inngangur
Tilgangurinn með þessari úttekt var að fá mynd af ástandi túna á Suðurlandi, gróðurfari og
meðferð. Enn fremur að fá samanburð við aðra landshluta í þessu efni, en sams konar úttekt
var gerð á Austurlandi sumarið 1990 (Guðni Þorvaldsson, 1990) og á Vesturlandi og
Vestfjörðum sumarið 1991 (Guðni Þorvaldsson, 1991).
Svæðinu var skipt í fimm hluta eftir landffæðilegri legu og nokkrir bæir heimsóttir á hverju
svæði. Túnin voru gróðurgreind og upplýsingum um aldur, ræktun og meðferð safnað.
í Austurlandsskýrslunni er getíð um helstu rannsóknir á þessu sviði hérlendis og verða þær
því ekki tíundaðar hér.