Fréttablaðið - 10.12.2020, Blaðsíða 24

FÓTBOLTI Aga- og úrskurðarnefnd
KSÍ taldi nefndina ekki hafa heim-
ild til að úrskurða gegn stjórnar-
ákvörðun KSÍ um að aflýsa Íslands-
mótinu og vísaði því ákæru KR og
Fram vegna ákvörðunar KSÍ frá.
KR-ingar telja KSÍ ekki hafa haft
lagaheimild til að ljúka Íslands-
mótinu á sínum tíma. KR átti leik
til góða og var komið í undanúrslit
bikarsins en KR rétt missti af Evr-
ópusæti fyrir vikið.
Í dómsúrskurðinum í máli KR
kemur fram að ákvörðun stjórnar
KSÍ hafi verið rétt samkvæmt laga-
legum grundvelli og með vísan til
forsendna aga- og úrskurðarnefnd-
ar var úrskurðurinn staðfestur.
Í máli Fram var metið sem svo að
kröfur Fram væru íþyngjandi fyrir
Leikni þrátt fyrir að hafa ekki beitt
málsókn sinni gegn félaginu og veitt
þeim með því tækifæri til aðkomu
að málinu. Með tilliti til þess hafi
verið ákveðið að vísa máli Fram frá
aga- og úrskurðarnefnd. – kpt
Málum Fram og
KR vísað frá
Höfuðstöðvar KSÍ í Laugardalnum.
1 0 . D E S E M B E R 2 0 2 0 F I M M T U D A G U R24 S P O R T ∙ F R É T T A B L A Ð I Ð
FÓTBOLTI „Þessi ákvörðun beggja
liða að ganga af velli var í takt við
þann tíðaranda sem er í heiminum
þessa dagana. Að einstaklingar
standi ekki einir í þessari baráttu
gegn fordómum. Það er engin til-
viljun að þessi viðbrögð eigi sér
stað núna eftir alla þessa vitundar-
vakningu sem hefur átt sér stað með
byltingum eins og MeToo og Black
Lives Matter. Þessi skilaboð berast
inn í íþróttalífið sem endurspegla
samfélagið með einum og öðrum
hætti og öfugt,“ segir dr. Viðar Hall-
dórsson, prófessor í félagsfræði,
aðspurður út í viðbrögð leikmanna
Istanbul Basaksehir og PSG í vik-
unni. Leikmenn beggja liða gengu af
velli eftir að Pierre Webo, aðstoðar-
þjálfari tyrkneska liðsins varð fyrir
kynþáttafordómum í leik liðanna.
Rúmeninn Sebastian Coltescu
sem var í hlutverki fjórða dómara
á Parc de Prins kallaði Ovidiu
Hațegan, dómara leiksins, til sín
og sagði honum að vísa Webo sem
hann kallaði svarta manninn upp í
stúku. Leikmenn beggja liða gengu
fljótlega af velli og þurfti að fresta
leiknum um sólarhring. UEFA veitti
liðunum undanþágu frá refsingum
sem hljótast með því að ganga af
velli og útvegaði nýtt dómarateymi
fyrir leikinn. Ólíklegt verður að
teljast að rúmenska teymið dæmi
aftur á alþjóðlegri grundu en rúm-
enskir fjölmiðlar fullyrða að búið
hafi verið að ákveða að þetta yrði
síðasta vekrefni Coltescu á alþjóða-
vettvangi.
„Maður man varla eftir jafn
sterkum viðbrögðum á svona stóru
sviði eins og gerðist þarna og það
er sennilega afleiðing af tíðarand-
anum í samfélaginu. Það er ekkert
bara þetta atvik sem verður til þess
að þetta gerist í París. Það er margt
að baki og það voru allir, leikmenn
og þjálfarar, sammála um að styðja
við Webo. Það þarf ekki að fara
langt aftur til að finna leikstjórn-
andann Colin Kaepernick í NFL-
deildinni í amerískum ruðningi
sem mætti mótlæti og útskúfun við
að vekja athygli á of beldi lögreglu-
manna í Bandaríkjunum á svörtum
einstaklingum. Nú eru stór hluti
samfélagsins sammála málefninu
og þá er fólk frekar tilbúið að stíga
skrefið og sýna stuðning.“
Þetta er ekki í fyrsta skiptið sem
leikmenn lenda í kynþáttafordóm-
um inni á knattspyrnuvellinum.
Leikmenn á Ítalíu, Englandi, Spáni,
í Portúgal og Rússlandi hafa áður
hótað að ganga af velli og nokkrir
hafa gengið af velli en ekki voru
til fordæmi um að bæði lið gengju
af velli í leik af slíkri stærðargráðu
eins og átti sér stað í París. Fyrir
vikið má gera ráð fyrir að dómar-
arnir eiga yfir höfði sér langt bann
og kom fram í yfirlýsingu frá UEFA
í gær að bannið myndi telja tíu leiki
ef hann verður fundinn sekur.
Aðspurður tekur Viðar undir
að UEFA þurfi að grípa til harðra
aðgerða til að setja fordæmi til
framtíðar.
„Ef UEFA vill láta taka sig alvar-
lega í þessum málum þá gera þau
það. Átakið Kick Racism out of
Sports er verkefni sem UEFA hefur
lagt mikið í og sést merkið iðulega
á treyjum leikmanna og öllum
völlum. Ef það á ekki að vera holur
hljómur í þessum skilaboðum
UEFA þá verða þeir að bregðast við
með afgerandi hætti. Annars missir
þessi hreyfing marks,“ segir Viðar
um næstu aðgerðir og heldur áfram:
„Stofnanir eins og UEFA eru alltaf
undir áhrifum frá því sem er að eiga
sér stað í alþjóðasamfélaginu og
tíðarandanum hverju sinni. UEFA
hlýtur að líta þetta mál grafalvar-
legum augum og grípa til viðeigandi
ráðstafana,“ segir Viðar enn fremur
um hver næstu skref verða.
Webo sem lék á sínum tíma 58
leiki fyrir landslið Kamerún og lék
síðustu tíu ár ferilsins í Tyrklandi,
þar af tvö þeirra hjá Istanbul Basak-
sehir, þurfti ekki að taka út leik-
bann vegna rauða spjaldsins sem
hann hlaut á þriðjudaginn. UEFA
tilkynnti í gær að spjaldið hefði
verið afturkallað og var Webo því á
hliðarlínunni þegar leikurinn hófst
á ný í gær. kristinnpall@frettabladid.is
UEFA hlýtur að líta
þetta mál grafalvar-
legum augum og grípa til
viðeigandi ráðstafana.
Viðar Halldórsson,
doktor í félags-
fræði
SPORT
Gleðikrónur eru skemmtileg gjafakort sem gilda á öllum
veitingastöðum Gleðipinna. Jólin nálgast og Gleðikrónur
eru fullkomin leið til að gleðja starfsmannahópinn.
Gleðikrónur henta öllum og sá sem hefur Gleðikrónur undir
höndum getur valið úr fjölda veitingastaða og borðað þar
sem hann langar hverju sinni.
STÖNDUM SAMAN & HÖLDUM GLEÐINNI
gledipinnar.is
Þú sendir póst á
gledikronur@gledipinnar.is
og við sendum þér
tilboð fyrir þinn hóp.
FÓTBOLTI Valsmenn tilkynntu í gær
að fyrrverandi landsliðsmaðurinn
Arnór Smárason væri búinn að
semja við Val eftir þrettán ára
atvinnumannaferil í fimm mis-
munandi löndum.
Skagamaðurinn fór ungur að
árum út til Heerenveen í Hollandi
og steig þar fyrstu skref sín í meist-
araflokki. Undanfarin tíu ár hefur
hann leikið í Danmörku, Svíþjóð og
Noregi ásamt því að taka stutt stopp
í rússnesku deildinni með Torpedo
Moscow árið 2015.
Arnór, sem á að baki 26 leiki fyrir
A-landslið Íslands og hefur skorað
í þeim þrjú mörk, bætist við meist-
aralið Vals eftir að hafa leikið með
Lilleström í ár. – kpt
Valsmenn fengu
vænan liðsstyrk
Þurfa að senda sterk skilaboð
Kynþáttafordómar hjá dómara gerðu það að verkum að leikmenn gengu af velli í Meistaradeild Evrópu í
vikunni. Doktor í félagsfræði segir að UEFA þurfi að sýna kjark þegar kemur að refsingu dómarans.
Atvikið þegar Coltescu beitti Webo kynþáttafordómum á hliðarlínunni í Parísarborg. FRÉTTABLAÐIÐ/GETTY