Tilvera - 15.10.1990, Page 3

EF ÞÚ HEFUR AÐGANG AÐ ATHYGLISVERÐU ERLENDU
LESEFNI UM OFBELDIGEGN KONUM OGBÖRNUM OG VILT
TAKA AÐ ÞÉR AÐ GERA ÚTDRÁTT Á EFNI ÞESS, VÆRI ÞAÐ
MJÖG VEL ÞEGIÐ. ÞAÐ GÆTI KOMIÐ AÐ GÓÐUM NOTUM
FYRIR MARGA.
FRÉTTABLAÐ KVENNAATHVAFSINS
Nú er verið að leggja síðustu hönd á veglegt fréttablað í tímaritsformi um starfsemi
Kvennaathvarfsins. Blaðið verður prentað í 8000 eintökum og dreift ókeypis um allt land. Efni
blaðsins er að mestu unnið af starfskonum Samtaka um kvennaathvarf en einnig eru
Stígamót og Kvennaráðgjöfin kynnt. Vinnsla og dreifing blaðsins verður fjármögnuð með
styrktarlínum og auglýsingum. Þeirsem hafa áhuga á að tryggja sérog sínum eintak geta haft
samband við skrifstofuna.
FÉLAGSFUNDIR
Fyrsti félagsfundur vetrarins verður í Hlaðvarpanum, þriðjudaginn 30. október kl.
20,15.
Á þeim fundi munu þær Jenný Anna Baldursdóttir og Hólmfríður Jónsdóttir gera grein fyrir
því áhugaverðasta á ársþingi danskra kvennaathvarfa, sem þær sækja helgina 26.-28.
október. Þær munu bera saman starfsemina sem fram fer í Kvennaathvarfinu okkar við þá
starfsemi sem tíðkast í Danmörku. Hólmfríður mun væntanlega leggja sérstaka áherslu á að
kynna rannsóknir og starfsemi varðandi börn sem búa við heimilisofbeldi.
Áfundinum mun Anna S.Björnsdóttirskáldkona lesa nokkur Ijóða sinna. Kaffi og rauðvín
verður til sölu. Fundurinn verður öllum opinn og féiagsmenn hvattir ti! að mæta með
gesti.
Annar félagsfundur vetrarins verður í Hlaðvarpanum miðvikudaginn 28. nóvember kl.
20,15. Á fundinum munu sálfræðingarnir Ásþór Ragnarsson og Margrét Arnljótsdóttir gera
grein fyrir norsku meðferðartilboði fyrir karlmenn sem beita konur sínar ofbeldi. En þau
hafa kynnt sér það sérstaklega. í norskri kynningu á meðferðartilboðinu “ALTERNATIV TIL
VOLD - ettilbud til menn” stendur m.a.; “ Orðin karlmenn og ofbeldi eiga því miðursaman. Það
er algengt að karlmenn láti tilfinningaleg vandamál sín, vonbrigði eða þarfir bitna á þeim sem
þeim þykir vænt um. Þær rannsóknir sem við þekkjum benda til þess að hegðun 10-20%
fullorðinna karlmanna orsaki andlegar eða líkamlegar þjáningar eiginkvenna eða
sambýliskvenna þeirra”.
Á fundinum verða seldar léttar veitingar.
Fundurinn er öllum opinn og við hvetjum félagsmenn til að taka með sér gesti.
Gleymið ekki að skrifa fundarstað og tíma inn í dagbókina. - Núna!
‘Ritstjóri og ábyrgðarmaður: 9{anna Cáristiansen