Feykir - 09.10.2019, Side 10
Guðrún er Húnvetningur í
báðar ættir, uppalin í Víði-
dalnum á bænum Galtarnesi
þar sem foreldrar hennar
bjuggu en móðir hennar er frá
Skagaströnd og faðir hennar úr
Víðidal. Síðustu þrjú árin hefur
Guðrún búið á Sauðadalsá
ásamt manni sínum, Þormóði
Inga Heimissyni, og eiga þau
samtals fjögur börn, hún á
eitt og Þormóður þrjú börn
sem dvelja hjá honum aðra
hvora viku en sonur Guðrúnar
heldur að mestu til hjá þeim
svo það er nóg að gera á stóru
heimili. Elstu börnin tvö, sonur
Guðrúnar og dóttir Þormóðs,
eru orðin þrettán ára gömul en
þau yngri eru sex og tíu.
Guðrún er grunnskóla-
kennari að mennt og hefur
starfað sem slíkur við
Grunnskóla Húnaþings vestra
á Hvammstanga í átta ár. „Ég
sótti um í búvísindadeild á
Hvanneyri og á sama tíma
í Kennaraháskólanum og
fékk inni á báðum stöðum
svo valið stóð á milli þess
að fara í búvísindin og flytja
á Hvanneyri eða vera í
fjarnámi. Ég gat fengið vinnu í
grunnskólanum sem skólaliði
og það varð úr. Ég var með
svona öryggisnet í kringum
mig hérna, ég var einstæð með
lítið barn og það varð úr að
ég fór í kennaranámið og sé
engan veginn eftir því, þetta
er alveg það sem ég vil lifa og
hrærast í. Ég hef mikinn áhuga
á menntamálum og finnst þetta
mjög skemmtilegt. Ég fór í
fjarnám og vann með náminu
sem stuðningsfulltrúi og fékk
svo bara vinnu strax og byrjaði
að kenna.“
VIÐTAL
Fríða Eyjólfsdóttir
Nýtt starf við skólaforðun
Það var svo snemmsumars á
þessu ári sem ákveðið var að
ráða starfsmann til reynslu
í eitt ár á fjölskyldusvið hjá
Húnaþingi vestra til að
sinna þeim börnum sem af
einhverjum ástæðum forðast
að mæta í skólann og var
Guðrún ráðin til starfans.
„Ég kem inn til að vinna að
átaksverkefni í skólaforðun
í grunnskólanum og er búin
að vera á kafi í því í haust,
hef bæði verið að vinna með
einstaklinga sem voru þegar
farnir að kljást við þetta og
líka í forvarnarvinnu til þess
að koma í veg fyrir þetta. Svo
er ég líka í annars konar vinnu
Guðrún Ósk Steinbjörnsdóttir á Sauðadalsá
Gott að búa á Vatnsnesi þó vegurinn sé vondur
Guðrún er mikil hestakona. Hér er hún á hestinum Ljósa Pétri í vinkonureiðtúr á
síðasta sumri. Mynd úr einkasafni.
Guðrún með ána sína hana Móu. MYND: ÁRBORG RAGNARSDÓTTIR.
Sé minnst á Vatnsnesið eru það trúlega vondir vegir sem koma fyrst upp í huga ansi margra landsmanna þar sem
vegamálin hafa gert það að verkum svæðið hefur býsna oft ratað í fréttirnar síðustu misserin. Flestir vita þó einnig
að Vatnsnesið er þekkt fyrir náttúrufegurð og dýralíf sem laða þúsundir ferðamanna til svæðisins árlega og á það
svo á auðvitað sinn þátt í því hve ástand veganna er slæmt. Þeir sem fylgst hafa með fréttum af Vatnsnesi hafa
væntanlega veitt athygli skeleggri ungri konu sem verið hefur í framvarðasveit íbúanna í baráttu þeirra fyrir
bættum samgöngum og gjarnan verið talsmaður þeirra. Kona þessi er Guðrún Ósk Steinbjörnsdóttir, bóndi á
Sauðadalsá á vestanverðu Vatnsnesi. Guðrún er einnig ráðgjafi á fjölskyldusviði Húnaþings vestra þar sem hún
byrjaði í haust í nýju starfi sem felst fyrst og fremst í því að sinna börnum sem kljást við svokallaða skólaforðun.
Blaðamaður Feykis heimsótti Guðrúnu á dögunum og spjallaði við hana um nýja starfið og hin ýmsu hugðarefni
hennar.
Fjölskyldan á Sauðadalsá. Guðrún og Þormóður ásamt börnum sínum, f.v. Styrmir Logi 6 ára, Tumi Þór 10 ára, Þórólfur Hugi 13 ára og Bjarkey Rós 13 ára. Þórólfur heldur á hænu, Bjarkey er með kindina sína,
Karakter. Höfðingjarnir Spói og Hrannar eru einnig með í för. MYND ÚR EINKASAFNI