Feykir - 09.10.2019, Side 14
Pönk- og rokktónleikar í Bifröst
Pínu rosalega gaman
Nú á föstudagskvöldið verða haldnir dúndurtónleikar í Bifröst þegar pönksveitin DDT
skordýraeitur og Tríó Pilla Prakkó leiða saman trunturnar sínar, eins og segir í kynningu.
Tríóið þarf ekki um langan veg að fara en pönkararnir koma hins vegar alla leið frá
Neskaupstað og innan raða bandsins er Króksarinn Ágúst Ingi Ágústsson sem brást vel við
beiðni Feykis um að svara nokkrum spurningum. Pilli Prakkó brást hins vegar illa við,
svaraði fáu og reyndar hafði hann þetta eitt að segja: „Ég er hundfúll yfir því að það kosti bara
2000 kall inn. Ég vildi að það kostaði 7000!“
Hljómsveitin DDT skor-
dýraeitur var stofnuð haustið
2015 í Neskaupstað af fjórum
kennurum Verkmenntaskóla
Austurlands. Hljómsveitin er
afsprengi annarrar hljóm-
sveitar við skólann sem hét
Doddi og draumaprinsarnir en
sú hljómsveit kom saman
snemma hausts 2015. „Eftir
þann hitting langaði nokkra
kennara að spila meira og
hittust reglulega í kjölfarið, úr
varð pönksveitin DDT skor-
dýraeitur,“ segir trymbillinn
Ágúst Ingi en auk hans skipa
þeir Arnar Guðmundsson,
söngur og gítar, Pjetur St.
Arason gítar og söngur og
Þorvarður Sigurbjörnsson,
bassi og söngur, sveitina.
„Upphafleg geta og hæfileikar
þessara fjögurra leiddu til þess
að bandið spilar aðallega
frumsamið gleðipönk, þar sem
stutt, hröð og rammpólitísk lög
ráða ríkjum.“
Ágúst segir bandið hafa
reynt að troða upp sem mest
síðan það var stofnað enda
njóti þeir góðs af því að
Neskaupstaður er mikill
tónlistarbær. „Höfum við
t.a.m. komið fram á þunga-
rokkshátíðinni Eistnaflugi
síðan 2016 bæði á litlum og
stórum sviðum. Svo höfum við
verið duglegir að halda
tónleika í Neskaupstað,
stundum óbeðnir. Einnig
höfum við spilað á jóla-
tónleikum á Egilstöðum og 17.
júní hátíð Fjarðabyggðar á
Breiðdalsvík 2018 þegar
Breiðdælingar voru boðnir
formlega velkomnir í sveitar-
félagið.“
Hljómsveitin gaf út fimm
laga EP plötu sem kom út á
aðventunni 2017 sem bar
nafnið Aleppo og má finna
hana á tónlistarveitunni
Spotify. Nú í nóvember kemur
svo út 15-16 laga plata sem
verður væntanlega í flestum
jólapökkum í ár.
Ágúst segir tónlistarferilinn
hafa byrjað snemma þegar
hann prófaði fyrst að tromma í
bílskúrnum í Fellstúni 5 en þar
var trommusett sem faðir hans
átti, en sá hafði svolítið fitlað
við kjuðanna og kenndi
drengnum fyrstu trixin. Ágúst
Ingi og Sveinn Guðmundsson,
nágranni hans í Fellstúninu,
spiluðu síðan ábreiður af
Nirvana lögum á unglings-
árum, en Sveinn hafði eignast
bók með gítarhljómum
amerísku sveitarinnar. „Síðan
lá trommuleikurinn niðri í
allmörg ár þangað til ég flutti
til Neskaupstaðar og sagðist
kunna að tromma og komst í
kennaraband VA, sem eins og
áður sagði er fyrirrennari
DDT. Getan var nú ekki mikil
fyrst um sinn, en eftir nám í
tónlistarskóla getur trommar-
inn Ágúst Ingi ágætlega haldið
takti og tempói,“ segir hann.
Hvernig kemur það til að DDT
kemur á Sauðárkrók?
„Við vorum beðnir um að spila
á Græna hattinum fimmtu-
daginn 10. október á tónleikum
til styrktar Grófinni geð-
verndarmiðstöð. Þar sem við
vorum bókaðir á Norður-
landinu ákváðum við að kanna
möguleikann á því að spila á
Sauðárkróki. Erum við
aðdáendur hljómsveitarinnar
Pilla Prakkó og settum okkur í
samband við þá og viðruðum
þá hugmynd að halda tónleika
saman. Það stóð ekki á þeirri
hljómsveit enda spilaþyrstir
eins og við og blása því böndin
til tónleika í Bifröst föstu-
daginn 11. október. Verður
gaman fyrir móður
trommarans í DDT að sjá
drenginn sinn spila. Þetta gæti
orðið svolítið villt þó
snyrtimennskan verði í fyrir-
rúmi. Allavega er hægt að lofa
hröðu og taktföstu gleðipönki
þar sem feilnótur slá fáa út af
laginu ásamt vandaðra efni.
Markmið DDT Skordýraeiturs
hefur alltaf verið að skemmta
sjálfum sér og áhorfendum um
leið,“ segir Ágúst sem hvetur
Króksara og nærsveitunga til
þess að flykkjast í Bifröst á
þennan menningarviðburð.
„Ekki á hverjum degi að
pönkhljómsveit skipuð mis-
miðaldra körlum kemur í
bæinn með frumsamið efni.
Þetta verður pínu rosalega
gaman.“ /PF
DDT skordýraeitur í banastuði. Ágúst Ingi mundar kjuðana af stakri snilli. MYNDIR: AÐSENDAR
Tækifærismynd með Heru Hjartardóttur á Trúbadorahátíð á Neskaupstað á dögunum.
Margir öðrum gera greiða,
gæskan ein þar ræður ferð.
Opna á vinning vænstu leiða,
vaxta hverja sæmdargerð.
Þeir sem njóta oft þó öfugt
öllum gæðum bregðast við.
Skilja ekki inntak göfugt
eða fylgd við betri sið.
Vanþakklætið verst þar kemur
víða fram í ljótri mynd.
Margur í þeim anda fremur
ótrúlega grófa synd.
Breytni slíka er bágt að skilja,
brotahneigðin seint þar deyr.
Sumir ekkert annað vilja
en að heimta stöðugt meir.
Sjálfselskan með sínum hótum
sækir fram með eigið lag,
fylgir alltaf fölskum nótum,
fellir allan manndómsbrag.
Margt er nú í nýjum fræðum
nefnt sem eitthvert gáfnastig.
En það er ljótt að gleyma gæðum,
- gleyma að þakka fyrir sig!
Rúnar Kristjánsson
AÐSENT
Að gleyma gæðum
Þéttir eiturbelgir á Eistnaflugi 2016.
14 38/2019