Skessuhorn - 11.03.2020, Síða 2

MIÐVIKUDAGUR 11. MARS 20202
Við viljum minna foreldra á mikil-
vægi þess að leggja frá sér sím-
ana og eiga samtal við börnin sín
á hverjum degi. Nánar er hægt
að lesa um hvers vegna í umfjöll-
un um læsisstefnu í blaðinu í dag
á bls. 11.
Áfram verður vetrarveður og
nokkrar umhleypingar. Á morgun
er spáð minnkandi norðaustanátt
og éljagangi norðaustanlands.
Gengur í sunnan 8-15 m/s með
snjókomu suðvestanlands síðdeg-
is. Frost 1-12 stig, kaldast í innsveit-
um norðanlands. Á föstudag er út-
lit fyrir suðaustanátt 5-13 m/s og
snjókoma í öllum landshlutum en
slydda við suðurströndina eftir há-
degi. Snýst í norðanátt 5-10 m/s
vestantil og styttir upp undir kvöld.
Frost 0-8 stig en frostlaust við suð-
urströndina yfir hádaginn. Á laug-
ardag verður norðaustanátt 8-15
m/s. Él á Norður- og Austurlandi en
bjart um landið sunnan og vest-
anvert. Harðnandi frost. Á sunnu-
dag er spáð norðlægri átt og stöku
él við austurströndina en snýst í
suðlæga átt og þykknar upp vest-
anlands síðdegis. Talsvert frost en
mildara við vesturströndina um
kvöldið. Á mánudag er útlit fyrir að
gangi í hvassa suðaustanátt með
snjókomu eða slyddu en síðan
rigningu við ströndina og hlýnar í
veðri. Suðvestanátt, él og kólnandi
verður aftur um kvöldið.
Í síðustu viku var spurt á vef Skessu-
horns hvort COVID-19 veiran hafi haft
bein áhrif á líf lesenda. 57% svarenda
sögðu veiruna ekki hafa haft nein
bein áhrif á líf sitt, 27% sögðu hana
hafa haft lítilsháttar áhrif, 8% svöruðu
að hún hefði haft verulega mikil bein
áhrif á líf sitt og önnur 8% vita ekki
hvort veiran hafi haft áhrif á líf sitt.
Í næstu viku er spurt:
Hvaða ráðherra hefur staðið sig
best?
Allir sem gæta aukins hreinlæt-
is í daglegu lífi og athöfnum, nota
t.d. handspritt reglulega og hlýta
almennt fyrirmælum stjórnvalda
vegna veirunnar, eru Vestlendingar
vikunnar. Til hamingju með það!
Spurning
vikunnar
Til minnis
Vestlendingur
vikunnar
F.a.B. frestar
samverustund-
um í Brún
BORGARFJ: „Stjórn Fé-
lags aldraðra í Borgarfjarð-
ardölum hefur ákveðið að
samveru í Brún verði frestað
um óákveðinn tíma. Fundir
sem haldnir eru á miðviku-
dögum falla niður meðan
óvissa í heilbrigðismálum er
viðvarandi,“ segir í tilkynn-
ingu. -mm
Ráðstefnu um
sameiningu
sveitarfélaga
frestað
VESTURLAND: Tekin var
ákvörðun á mánudaginn um
að fresta ráðstefnu um sam-
einingu sveitarfélaga sem
stóð til að halda á vegum
SSV að Laxárbakka í Hval-
fjarðarsveit fimmtudaginn
12. mars. Er það gert vegna
COVID-19 veirunnar. „Því
miður er þetta niðurstaðan
en vonir standa til að hægt
verði að halda ráðstefnuna
seinni partinn í maí en það
mun skýrast á næstu vikum,“
segir í tilkynningu frá SSV.
-mm
Sendu ferða-
þjónum leið-
beiningar
LANDIÐ: Ferðamálastofa
sendi í síðustu viku út upp-
lýsingar á íslensku og ensku
til ferðaþjónustuaðila og
ferðamanna varðandi Co-
vid-19 veiruna. Upplýsing-
arnar eru byggðar á ráðlegg-
ingum sóttvarnalæknis og
unnar í samvinnu atvinnu-
vega- og nýsköpunarráðu-
neytis og utanríkisráðuneyt-
is. Ferðaþjónustuaðilar eru
beðnir að koma upplýsing-
unum áfram til ferðamanna
og síns starfsfólks, prenta
eftir atvikum út og hafa sýni-
legar. Þannig verður vonandi
hægt að svara flestum þeim
spurningum sem ferðamenn
hafa varðandi ferðalög til Ís-
lands,“ sagði í tilkynningu.
Upplýsingarnar á ensku og
íslensku má finna inni á vef
Ferðamálastofu.
-mm
Veðurhorfur
SMÁRATORGI | KRINGLAN | GLERÁRTORGI | LINDESIGN.IS
ÍSLENSK HÖNNUN
Í dag kynntu Guðmundur Ingi
Guðbrandsson umhverfisráðherra
og Þórdís Kolbrún R Gylfadóttir,
ráðherra ferðamála, úthlutun pen-
inga úr ríkissjóði til uppbyggingar
innviða, náttúruverndar og annarra
Styrkjum úthlutað til uppbyggingar
ferðamannastaða og í umhverfismál
verkefna á ferðamannastöðum árið
2020. Samtals er nú úthlutað rúm-
um 1,5 milljarði króna úr Lands-
áætlun um uppbyggingu innviða
og Framkvæmdasjóði ferðamanna-
staða sem gerir kleift að halda áfram
því verkefni að byggja upp innviði á
ferðamannastöðum.
„Frá síðustu úthlutun hefur mik-
ill árangur náðst í að auka og bæta
við innviði um land allt og þann-
ig getu þeirra svæða sem um ræð-
ir til að taka við ferðmönnum. Þar
má nefna áframhaldandi uppbygg-
ingu gönguleiða, útsýnispalla og
bílastæða innan Þjóðgarðsins Snæ-
fellsjökuls, viðgerðir á hleðslum við
Snorralaug í Reykholti og smíði á
stigum og pöllum við Stuðlagil,
sem og við Hornbjargsvita til að
bæta öryggi ferðamanna og vernda
náttúru auk fjölda annarra verk-
efna,“ eins og segir í kynningu frá
ráðuneytunum.
„Gert er ráð fyrir um þriggja
milljarða króna framlagi til þriggja
ára, sem rennur til verkefnaáætl-
unar Landsáætlunar um uppbygg-
ingu innviða sem gildir fyrir árin
2020-2022. Sem fyrr er áhersla
lögð á að um sé að ræða heildstæða
nálgun í gegnum svæðisheildir en
einnig á annars konar verkefni s.s.
til að auka fagþekkingu, bæta hönn-
un og samræmingu. Alls hafa verið
skilgreindir 119 ferðamannastaðir,
ferðamannaleiðir og ferðamanna-
svæði, þar sem aðgerðir hafa þegar
hafist fyrir tilstuðlan landsáætlunar
eða eru fyrirhugaðar til og með árs-
ins 2022.“
Framkvæmdasjóður ferðamanna-
staða veitir styrki til 33 verkefna
um allt land árið 2020 sem nema
samtals 501,5 milljónum króna.
Hæstu styrkirnir að þessu sinni
eru styrkir til byggingar útsýnis-
palls á Bolafjalli í Bolungarvíkur-
kaupstað, áframhald uppbyggingar
við Stuðlagil beggja vegna árinnar
og bætt fráveitumál í Hrafntinnu-
skeri. Önnur verkefni sem fá hærra
en 15 milljón króna styrki eru bætt
salernisaðstaða við Aldeyjarfoss og
bygging skýla til náttúruskoðunar
við fuglastíg á Norðausturlandi. Þá
hefur undanfarin ár verið lögð auk-
in áhersla á að efla heilsárs- og árs-
tíðabundna landvörslu enda gegna
landverðir mikilvægu hlutverki fyr-
ir verndun náttúru, svo og fræðslu
og upplifun ferðamanna á friðlýst-
um svæðum.
Þrjú verkefni
á Vesturlandi
Til Vesturlands renna þrír styrkir
að þessu sinni úr Framkvæmdasjóði
ferðamannastaða. Snæfellsbæar fær
3,3 milljónir króna til hönnunar á
gönguleið, göngubrú og útsýnispalli
við Svöðufoss. Stykkishólmsbær
fær 9,8 milljónir króna til að leggja
göngustíg um troðinn slóða upp að
brattri klöpp í Maðkavík. Loks fær
Stykkishólmsbær sömuleiðis 3,8
milljónir króna til að setja á fót hug-
myndasamkeppni um skipulag og
hönnun útsýnispalls í Súgandisey.
Flestir styrkir í gegnum
Umhverfisstofnun
Til Vesturlands renna alls 219
milljónir króna úr Landsáætlun
um uppbyggingu innviða. Lang-
flest þessara verkefna fara í gegnum
Umhverfisstofnun en eitt í gegnum
Minjastofnun (Krosslaug) og annað
er á forsjá Borgarbyggðar (Glanni/
Paradísarlaut).
Verkefnin eru:
Merkingar á friðlýstum svæðum •
á Vesturlandi. 3.800.000 kr.
Tveir útsýnispallar, endurbæt-•
ur og viðhald innviða, frágangur
göngustígar, merkingar. Arnar-
stapi - Hellnar. 34.000.000 kr.
Friðland á Búðum. Gönguleiðir •
um hraunið, endurnýjun merk-
inga. 3.500.000 kr.
Bílastæði, göngubrú og merk-•
ingar við Eldborg í Hnappadal.
24.500.000 kr.
Bætt salernisaðstaða og bílastæði •
við Glanna og Paradísarlaut
(Borgarbyggð). 5.600.000 kr.
Áframhald uppbyggingar göngu-•
palls frá bílastæði upp á topp Grá-
brókar í Norðurárdal og tenging
göngustígar við Gömlu Brekku-
rétt. 3.000.000 kr.
Undirbúningur innviðauppbygg-•
ingar við Hraunfossa/Barnafoss.
5.000.000 kr.
Náttúrustígur umhverfis Kross-•
laug í Lundarreykjadal. 2.000.000
kr.
Endurnýjun salerna við Djúpa-•
lónssand í Þjóðgarðinum Snæ-
fellsjökli, merkingar, bætt göngu-
leið (hringleið), hlaðnir útsýnis-
pallar. 20.000.000 kr.
Lagfæring og viðhald á göngustíg •
milli Djúpalónssands og Dritvík-
ur í Þjóðgarðinum. Hlaðin stígur
að hluta. 12.000.000 kr.
Framkvæmd og umbætur á •
gönguleiðakerfi Þjóðgarðsins
Snæfellsjökuls, leiðum fjölgað og
merkingar bættar 9.600.000 kr.
Framkvæmdir við umhverfi •
gestastofu á Malarrifi, m.a. mal-
bikun bílastæðis, áningarstaðir.
Uppbygging áningarstaðar við
Malarrifsvita. 43.800.000 kr.
Bætt bílastæði, útsýnispallur, •
merkingar við Saxhól. 25.800.000
kr.
Stækkun og malbikun bílastæðis •
við Skarðsvík. 15.000.000 kr.
Útsýnispallur, öryggisgirðing-•
ar, merkingar við Svalþúfu.
9.500.000 kr.
Bættur göngustígur við Önd-•
verðarnes. 2.000.000 kr. mm
Ráðherrarnir kynna landsáætlun og framkvæmdasjóð ferðamanna. Ljósm. Golli.