Skessuhorn - 11.03.2020, Blaðsíða 22

MIÐVIKUDAGUR 11. MARS 202022
Ebbu Guðnýju Guðmundsdótt-
ir þekkja margir landsmenn, en
hún hefur kennt Íslendingum góð-
ar matarvenjur í mörg ár. Ebba
Guðný er fædd í Stykkishólmi og á
rætur þangað þó hún hafi flutt það-
an og til Reykjavíkur þegar hún var
hálfs annars árs að aldri. „Pabbi býr
enn í Stykkishólmi en ég flutti með
mömmu til Reykjavíkur þegar þau
skildu,“ útskýrir Ebba Guðný þeg-
ar Skessuhorn ræddi við hana. Ebba
Guðný fékk mikinn áhuga á heilsu
og hollustu þegar hún var um tví-
tugt. „Mér leið ekki alltaf nógu vel
af því sem ég var að borða. Ég hafði
barist lengi við átóreglu, var alltaf að
reyna að borða lítið því mér fannst
ég feit og kannski ruglaði þetta eitt-
hvað með magann á mér, ég veit það
ekki,“ segir Ebba Guðný. Hún byrj-
aði á að taka út hveiti, ger, sykur og
mjólk og fór að borða spelt, lífræn-
an hrásykur og aðra hollari fæðu. Í
kjölfarið fór hún að finna mun á líð-
an og hefur tileinkað sér enn hollara
mataræði til að bæta heilsuna.
Glósur urðu að bók
Þegar Ebba Guðný var 27 ára eign-
aðist hún sitt fyrsta barn, Hönnu.
„Þá var ég voða spennt að venja hana
á næringarríkan og hollan mat alveg
frá byrjun. Á þessum tíma var úrval-
ið af hollum mat að aukast mikið og
þá var lag að nýta það,“ segir Ebba
Guðný. Hún byrjaði á þessum tíma
að skrifa sína fyrstu bók: „Hvað á ég
að gefa barninu mínu að borða“. „Ég
vissi ekki á þeim tíma að þetta yrði
bók. Ég var bara að punkta niður hjá
mér hvað ég væri að gefa henni að
borða, bara fyrir mig að eiga. Þrem-
ur árum seinna eignaðist ég Hafliða
son minn, og þegar ég fór að gefa
honum að borða prófaði ég allt sem
ég hafði skrifað niður þegar ég var
með Hönnu litla. Jóhanna Krist-
jánsdóttir hjá Heilsuhúsinu hafði
heyrt af þessum pælingum mínum
og bað mig um að halda námskeið
fyrir foreldra ungra barna. Ég hélt
námskeiðið og þannig byrjaði þetta
allt, með námskeiðum í Heilsuhús-
inu,“ segir Ebba Guðný. Í kjölfarið,
árið 2007, kom fyrsta bókin henn-
ar út.
Fyrirlestur í Borgarnesi
Allt síðan Ebba Guðný byrjaði að
halda fyrirlestra í Heilsuhúsinu hef-
ur hún farið með fyrirlestrana sína
og námskeið víða um land auk þess
sem hún hefur gefið út fleiri bæk-
ur og verið með sjónvarpsþætti um
holla matargerð. Hún er gjarnan
fengin til að fræða starfsfólk fyr-
irtækja en sveitarfélög hafa einn-
ig verið að fá hana til að koma með
fyrirlestra fyrir foreldra ungra barna.
Einn slíkur fyrirlestur var einmitt
haldinn í Safnahúsi Borgarfjarð-
ar á fimmtudaginn í síðustu viku, í
boði sveitarfélagsins. Þangað komu
nokkrar ungar mæður með börn-
in sín til að fræðast um hvernig þær
geti boðið börnunum sínum upp á
holla og góða fæðu frá upphafi. Fyr-
ir mörgum virðist það óyfirstígan-
legt að geta boðið börnunum sín-
um upp á holla og góða fæðu í því
hraða samfélagi sem við lifum í, en
Ebba Guðný kom ekki aðeins með
góð heilsuráð heldur góð ráð hvern-
ig megi útbúa hollan mat á mjög
stuttum tíma og fyrir lítinn pening.
Kom hún til dæmis með uppskrift
að einföldum chiabúðingi sem tek-
ur enga stund að gera og geymist vel
í ísskáp. Í búðingnum eru tvö inni-
haldsefni, chiafræ og möndlumjólk,
en bæði gefa þau góða næringu. Þá
er hægt bragðbæta búðinginn með
ýmsum hætti. „Ég hef trú á að það
skipti miklu máli hvað við borðum
uppá hvernig okkur líður en ég átta
mig líka á að við erum ólík og það
sem hentar einum hentar ekki endi-
lega öðrum,“ segir hún.
Þriðji ættliður
í hollu mataræði
Aðspurð segist Ebba Guðný sjálf
hafa alist upp við að borða hollan
mat en foreldrar hennar voru bæði
dugleg að elda og gerði mamma
hennar barnamat frá grunni fyr-
ir þau systkinin. „Mamma og pabbi
lögðu alltaf áherslu á að gefa okk-
ur næringarríkan mat og mamma
var t.d. oft með linsubaunir í matn-
um en það var ekki mikið um svo-
leiðis á þeim tíma. Ætli megi ekki
segja að ég sé þriðja kynslóð sem
leggur þessa áherslu á hollan mat.
Amma og afi ræktuðu eigið græn-
meti og salat á sumrin og afi bjó til
þaratöflur sem mamma gleypti sem
barn,“ segir Ebba Guðný. En pantar
hún þá aldrei pizzu eða fær sér aðra
óhollustu? „Jú, algjörlega,“ segir
hún og hlær. „Ég er mjög hrifin af
undantekningum og er aldrei með
nein boð og bönn. Ég hef aldrei
bannað börnunum mínum að fá sér
eitthvað og við erum til dæmis mjög
hrifn af hamborgurum. Stelpan mín
er reyndar grænmetisæta en hún fær
sér þá bara grænmetisborgara,“ seg-
ir hún. „Ég reyni að elda flest kvöld
og elda oft þannig að það sé afgang-
ur til að borða næsta dag. Þá dug-
ar að elda þrisvar eða fjórum sinn-
um í viku. Svo kaupi ég gott hráefni
og fer mjög vel með það og hendi
engu. Ég frysti mat ef ég er hrædd
um að ná ekki að klára áður en hann
skemmist. Maður þarf alveg að gefa
sér tíma til að hugsa út í þetta en ég
reyni að hugsa fram í tímann til að
einfalda mér lífið. Ég er líka ekki að
standa í mjög flókinni matreiðslu.
Ég er til dæmis með grænmetissúpu
svona tvisvar í viku en það er það
einfaldasta í heimi,“ segir hún.
Vatnið best
Spurð um eitthvað eitt sem henni
þætti að allir ættu að kenna börnun-
um sínum í sambandi við hollt mat-
aræði er hún ekki lengi að hugsa sig
um áður en hún svarar. „Að kenna
þeim að drekka vatn úr glasi. Ég
myndi vilja kenna öllum að meta
vatnið og vera þakklát fyrir það.
Foreldrar ættu að tala um það við
börnin sín hversu gott vatnið er og
að það sé hollasti og besti drykkur-
inn. Vatnið er ódýrt, gott fyrir heils-
una og umhverfið. Það fer ekkert
sérstaklega vel með umhverfið okk-
ar að kaupa alla þessa drykki í plasti
eða fernum, það er líka slæmt fyr-
ir tennurnar okkar og heilsuna.
Auðvit að er ekkert að því að fá sér
svoleiðis spari en vatn ætti að vera
okkar helsti drykkur,“ segir Ebba
Guðný. En hún talar einmitt um
mikilvægi vatns á fyrirlestrum sín-
um og bendir fólki á að vera alltaf
duglegt að drekka vatn til að skola
tennurnar sínar þegar það er búið að
borða eða drekka eitthvað annað.
Snýr sér að leiklistinni
Aðspurð segist hún vera farin að
sinna nýju áhugamáli meira í dag,
leiklistinni. „Mér þykir afskap-
lega gaman að leika og er að reyna
að gera meira af því,“ segir hún og
bætir við að hún sé að leika í nýj-
um þáttum sem nú er verið að sýna á
RUV á sunnudagskvöldum, þáttun-
um Ísalög. „Ég er þar með voða lítið
hlutverk, svo lítið að ég varla sést en
mér fannst þetta stúss allt reglulega
skemmtilegt. Þættirnir eru einmitt
teknir upp í Stykkishólmi,“ segir
hún. Þetta hefur lengi verið áhuga-
mál. Ég er bara að taka fyrstu skref-
in og er þakklát fyrir hvert tækifæri
sem gefst. En ég held ég muni allt-
af halda áfram að halda fræðsluer-
indi og námskeið tengt næringu og
heilsu barna og fólks almennt. Sem
og að nota samfélagsmiðla til að
hjálpa og fræða fólk Það vilja allir
reyna að gera heiminn betri á sinn
hátt og þetta er mín leið til þess,“
segir hún að endingu.
Hægt er að fylgjast með Ebbu
Guðnýju á Facebook síðunni Eld-
að með Ebbu eða á Instagram und-
ir nafninu Pureebba en þar er hún
dugleg að deila góðum ráðum varð-
andi heilsu og mataræði. arg
Mikil spenna að byrja að smakka allan þennan holla og góða mat.
Ebba Guðný hefur frætt Íslendinga um heilsu
og mataræði í mörg ár
Ebba Guðný hélt fyrirlestur í Safnahúsi Borgarfjarðar í síðustu viku þar sem hún fræddi ungar mæður um mataræði fyrir
börn.
Þessi unga dama gerði sér ferð úr Stykkishólmi með mömmu sinni að hlusta á
Ebbu Guðnýju.
Börnin voru einnig áhugasöm um matinn sem þau bíða eftir að smakka.
Þessi ungi drengur gerði sér einnig ferð úr Hólminum til að sækja fyrirlesturinn.