Mosfellingur - 19.11.2020, Blaðsíða 30
- Mosfellingurinn Ólafur Sigurðsson30
Myndir: Ruth Örnólfsdóttir og úr einkasafni.
Ólafur Sigurðsson hefur alla tíð haft mikinn áhuga á tækni. Hann útskrifaðist sem rafeinda-
virkjameistari árið 1979 og fór beint út á
vinnumarkaðinn og sá m.a. um viðgerðir
á ýmsum tæknibúnaði.
Hann stofnaði síðar sitt eigið fyrirtæki,
Varmás ehf. sem hann hefur rekið allar
götur síðan. Það er óhætt að segja að það
kenni ýmissa grasa í Markholtinu þar
sem fyrirtækið er staðsett en Ólafur hefur
sinnt alhliða tölvulausnum fyrir skóla og
aðrar stofnanir í þrjá áratugi.
Ólafur fæddist á Kirkjuteigi í Reykjavík
23. mars 1957. Foreldrar hans eru þau
Valdís Ólafsdóttir fv. póstafgreiðslumaður
og Sigurður Tómasson loftskeytamaður en
hann lést árið 1990. Ólafur á þrjú systkini,
Dagmar Elínu f. 1958, Sigríði Unni f. 1961
og Sigvalda Tómas f. 1966.
Aukablöðin fóru í vöruskipti
„Ég ólst upp á Brekkustíg í vesturbæ
Reykjavíkur og það var gott að alast upp
þar.
Ég bar út blöð, Tímann og Þjóðviljann
til að fá smá vasapening og ein af mörgum
minningum mínum um útburðinn voru
þau aukablöð sem ég fékk og notuð voru í
vöruskipti. Á virkum dögum var farið í bak-
arí Jóns Símonarsonar á Bræðraborgarstíg
en þar var skipt á blöðum og bakkelsi en
um helgar var ég með fastan kúnna sem
starfaði hjá Ölgerðinni og þá var skipt út
fyrir Spur og appelsín,“ segir Ólafur og
brosir er hann rifjar þetta upp.
Gaman á brunaæfingunum
„Ég byrjaði skólagöngu mína
í Öldugötuskóla sem staðsett-
ur var í gamla Stýrimannaskólanum. Ég
man hvað það var gaman þegar það voru
brunaæfingar í skólanum, allir hlupu upp
á aðra hæð til að renna sér niður dúk sem
lá frá svölunum. Leiðin lá síðan í Melaskóla
og svo í Árbæjarskóla og ég byrjaði að æfa
knattspyrnu með Fylki.
Á unglingsárunum vann ég í fiski á
sumrin hjá Júpiter og Mars en þeir voru
með starfsemi á Kirkjusandi. Ég var hepp-
inn því fljótlega eftir að ég byrjaði fékk ég
að vinna í tækjasalnum en sú vinna var
betur borguð en önnur hjá þeim.“
Seldi myndir á póstkort og almanök
„Eftir útskrift úr gagnfræðaskóla lá leiðin
í Ármúlaskóla, íþróttakennarinn minn þar
var mikill bridgespilari og sá um útgáfu
bridgeblaðsins. Hann vissi um áhuga
minn á ljósmyndun og fékk mig til að taka
myndir fyrir blaðið sem ég gerði á meðan
ég var í skólanum. Ljósmyndun hefur alltaf
verið eitt af mínum aðaláhugamálum og á
tímabili seldi ég myndir á póstkort, alman-
ök og í bækur.
Ég fór svo í skóla hjá Pósti og síma og
lærði símvirkjun en árið 1979 útskrifaðist
ég sem rafeindavirkjameistari frá Iðnskól-
anum í Reykjavík. Mér fannst alltaf gaman
í skóla og ég eignaðist marga góða vini sem
ég er enn í sambandi við í dag.
Ég hóf síðan störf hjá Sam-
eind á Grettisgötu og sá um við-
gerðir á ýmsum tæknibúnaði.“
Sælan við Heklurætur
Eiginkona Ólafs er Sólrún Jónsdóttir
hjúkrunarfræðingur. Þau eiga þrjú börn,
Valdísi f. 1982 keramikhönnuð, Braga f.
1986 starfsmann EFTA í Luxemborg og
Gerði Jónu f. 1992 nema í fatahönnun í
Listaháskóla Íslands. Barnabörnin eru
fjögur, Aron Gabríel, Ísak Leví, Aníta Marín
og Tómas Óli.
„Sælureitur fjölskyldunnar er við Heklu-
rætur og hefur verið það í meira en 40 ár.
Þangað förum við mikið og þar unir fjöl-
skyldan sér við leik og störf. Heklubrautin
er stundum ófær yfir vetrarmánuðina, þá
þarf að ganga um þrjá kílómetra til þess að
komast í bústaðinn. Svæðið er stórt, aðeins
þrír sumarbústaðir og kyrrðin er mikil.
Stórfjölskyldan er með svokallaða kofa-
helgi í ágúst á hverju ári og þá koma allir
sem geta til að hittast og vera saman.“
Stofnaði eigið fyrirtæki
„Árið 1989 stofnaði ég mitt eigið fyrirtæki
hér í Mosfellsbæ, Varmás ehf. Frá upphafi
hef ég selt og þjónustað ýmsan tæknibún-
að en tæknin er eins og allir vita í stöðugri
þróun. Í upphafi var ég með aðstöðu í
bílskúrnum mínum en þegar aðstaðan var
orðin of lítil þá keypti ég kjallarann í næsta
húsi við mig og var þar til ársins 1996 en
þá keypti ég Markholt 2 undir starfsemina.
Þremur árum seinna byggði ég við húsið
um 100 fermetra og í dag er enn verið að
huga að breytingum, meiri stækkun sem
mun nýtast undir lagerinn.
Árið 1992 stofnaði ég með kunningja
mínum Íhluti ehf. sem er með starfsemi
í Skipholti 7, en þar má finna hina ýmsu
rafeindahluti.“
Hitarar sem slegið hafa í gegn
„Árið 2001 byrjaði ég að flytja inn gagn-
virkar töflur frá Kanada og hef selt slíkan
búnað í marga skóla. Í dag er þróunin orðin
sú að nú eru komnir gagnvirkir snertiskjáir
á hjólaborðum sem hægt er að hækka og
lækka og halla í borð.
Nýjasta verkefnið mitt var uppsetning
á sex skjáveggjum í skóla í Reykjanesbæ
en hver skjáveggur samanstendur af níu
49“ LG skjám sem tengdir eru saman og
mynda eina heild. Eins settum við upp 22
gagnvirka skjái í kennslustofum skólans.
Ég er líka með skjávarpa, öryggisbúnað,
hljóðkerfi, stjórnbúnað og upplýsingaskjái
fyrir skóla og fyrirtæki. Hitarar sem hita
vatnið um leið og skrúfað er frá krana hafa
slegið í gegn en þessir hitarar eru mikið
notaðir í sumarhúsum og á svæðum sem
einungis er kalt vatn. Ég er líka með umboð
fyrir perlur sem margir föndra með en það
þarf ekki að strauja þær heldur er vatni
sprautað á þær og þá límast þær saman.
Ég hef ferðast mjög víða um heiminn
starfs míns vegna og í 14 ár hef ég tekið að
mér fararstjórn á sýningar fyrir Fararsnið
ehf. til Birmingham og London.“
Melrakkasléttan varð fyrir valinu
„Um tíma starfaði ég með Leikfélagi
Mosfellssveitar sem tæknimaður og fór
með þeim til útlanda með Saumastofuna
en þessi ferð var mjög skemmtileg í alla
staði. Leikfélagið var þá með aðsetur í
Hlégarði.
Ég hef líka verið lengi í Oddfellow-regl-
unni og eignast þar marga góða vini og hef
ferðast með Álafosskórnum bæði hérlendis
og erlendis, en konan mín er í kórnum.
Við hjónin höfum gaman af því að ferð-
ast og í ár var farið um norðausturlandið og
farið m.a. um Melrakkasléttuna og keyrt út
á Font á Langanesi.
Það var ekki um annað að velja en að
ferðast innanlands á þessu skrítnu tímum,
við hlýðum Víði,” segir Ólafur og brosir er
við kveðjumst.
Í upphafi var ég með
aðstöðu í bílskúrnum
mínum en þegar aðstaðan
var orðin of lítil þá keypti
ég kjallarann í næsta húsi.
MOSFELLINGURINN
Eftir Ruth Örnólfsdóttur
ruth@mosfellingur.is
HIN HLIÐIN
Fjallganga eða fjöruferð? Fjöruferð.
Hverju myndir þú breyta á Íslandi ef
þú ættir þess kost? Sennilega skipta
um gjaldmiðil.
Bestu kaup sem þú hefur gert?
10 raða sjálfval.
Hvert er þitt stærsta afrek í lífinu?
Að standa í lappirnar hvað sem á dynur.
Eitt atriði um þig sem fólk veit ekki
um? Höldum því áfram leyndu.
Hvernig slakar þú best á? Við smíðar.
Uppáhaldsverslun? Íhlutir í Skipholti.
Hver er þín helsta fyrirmynd? Pabbi.
Ólafur og Sólrún á veitingastað í Tókýó.
Tæknin er í stöðugri þróun
Ólafur Sigurðsson rafeindavirkjameistari og eigandi Varmás ehf. hefur selt og þjónustað tæknibúnað í þrjá áratugi
við skjávegg í stapaskóla
systkinin gerða jóna, Bragi og valdís
4 ára á hjóli
Heilsueandi Samfélag
í Mosfellsbæ
Vertu með!
www.heilsuvin.is
Viðmið fyrir tilnefningu
Viðurkenninguna geta þeir hlotið sem hafa stuðlað
að einu eða fleiru af eftirfarandi:
• Hafa haft forgöngu um hvers kyns hreyfingu til bættrar
lýðheilsu.
• Hafa hvatt til bætts mataræðis eða stuðlað,
með frumkvæði sínu, að heilsueflandi mataræði.
• Hafa stuðlað að eflingu og/eða viðhorfsbreytingu á sviði
geðheilsu og bættri sjálfsmynd einstaklinga.
• Hafa á einn eða annan hátt hvatt til og/eða stuðlað að
bættri líkamlegri, andlegri og félagslegri vellíðan og
lífsgæðum íbúa Mosfellsbæjar.
HVernig er Hægt að tilnefna?
Tilnefningar skulu sendar í gegnum vef Heilsuvinjar,
www.heilsuvin.is, en þar er að finna sérstakt form til að fylla út.
Beðið er um nafn á þeim einstaklingi, hópi, fyrirtæki eða stofnun
sem á að tilnefna auk rökstuðnings fyrir tilnefningunni.
DómnefnD
Dómnefnd verður skipuð fimm fulltrúum sem koma frá
Mosfellsbæ, Heilsuvin, Aftureldingu, Félagi lýðheilsufræðinga
og Embætti landlæknis.
Gulrótin
2020
„gulrótin“ er lýðheilsuviðurkenning sem ætlað er að hampa einstaklingi, hópi, fyrirtæki eða
stofnun fyrir brautryðjendastarf í þágu heilsueflingar og bættrar lýðheilsu íbúa mosfellsbæjar.
Heilsuvin og Mosfellsbær standa að baki viðurkenningunni sem felur í sér þakklæti fyrir frumkvæði
og störf í anda lýðheilsu og á jafnframt að vera hvatning til allra á þessum vettvangi í bæjarfélaginu.
Opið verður fyrir tilnefningar til miðnættis 29. nóvember 2020
HEILSUEFLANDI SAMFÉLAG
Mosfellsbær
vellíðan fyrir alla
HEILSUEFLANDI SAMFÉLAG lógó / dæmi um merkingu með bæjarfélagi og slagorði
l ý ð H e i l s u V i ð u r k e n n i n g m O s f e l l s b æ j a r