Mosfellingur - 17.12.2020, Blaðsíða 42

Útnefning á íþróttakarli
og íþróttakonu
Mosfellsbæjar 2020
Sundkona Aftureldingar er Birta Rún
Smáradóttir. Hún keppti á Íslands-
meistarmótinu í 50 metra laug í júlí og
náði þar að komast í úrslit í 50 metra
skriðsundi. Hún hefur staðið sig mjög
vel á æfingum og hefur bætt sig mikið á
þessu ári.
Hún hefur verið virkilega dugleg í Covid
að gera allar æfingar og halda sér við
efnið.
Birta Rún Smáradóttir sund
Cecilía Rán, 17 ára, var valin í öll verkefni
A-landsliðs kvenna í knattspyrnu 2020 og
komin á EM 2022 í Englandi. Varð í mars
yngsti markvörður í sögu landsliðanna
(16 ára) til að spila A-landsleik. Einnig
spilaði hún með U19 sem vann m.a.
Þýskaland 2-0 í fyrsta skipti. Cecilía spil-
aði alla leikina með Fylki í úrvalsdeildinni
og náði með þeim besta árangri í sögu
félagsins, (3. sæti) ásamt því að hafa fyrr
um veturinn orðið Reykjavíkurmeistarar
einnig í fyrsta skipti.
Cecilía var kosin efnilegasti leikmaðurinn
í Pepsi Max deildinni af leikmönnum
deildarinnar og á Fótbolta.net. Einnig var
hún valin besti ungi leikmaðurinn á Stöð
2 sport og í lið ársins hjá Morgunblaðinu.
Cecilía Rán Rúnarsdóttir knattspyrna
Árið 2020 lék Hafrún með Breiðabliki í
efstu deild í stöðu bakvarðar. Liðið fékk
einungis á sig 3 mörk og varð Íslands-
meistari með glæsibrag. Liðið var komið
í undanúrslit bikarkeppni KSÍ og var útlit
fyrir að Hafrún myndi vinna tvöfalt á sínu
fyrsta ári með Breiðabliki.
Hafrún hefur verið fastamaður í yngri
landsliðum Íslands og á árinu 2020
sigraði U19 m.a. Þjóðverja í fyrsta sinn
í þessum aldurshópi og var Hafrún
valin maður leiksins í þeim leik. Hafrún
kórónaði góða frammistöðu sína á
árinu með því að vera valin í æfingahóp
A-landsliðsins í nóvember. Hafrún er
metnaðargjörn, einbeitt, góður liðsfélagi
og fyrirmynd yngri iðkenda.
Hafrún Rakel Halldórsdóttir knattspyrna
María hefur spilað með Aftureldingu
síðan 2017. Áður hafði hún verið
máttarstólpi í blakliði Þróttar Nes. frá
unglingsaldri. María hefur spilað með
öllum unglingalandsliðum Íslands sem
og A-landsliði kvenna. Haustið 2017
varð María fyrir meiðslum sem héldu
henni frá keppni í 15 mánuði. Hún mætti
á æfingar og leiki með liðinu allan þann
tíma og hvatti þær áfram. Hún hefur
verið ungu leikmönnum okkar fyrir-
mynd með jákvæðni og þrautseigju.
Liðsmenn völdu hana sem fyrirliða
haustið 2019. María var valin í úrvalslið
Mizuno-deildarinnar eftir fyrri hluta
Íslandsmótsins 2019. Einnig valin í
A-landslið kvenna og var útnefnd í lið
ársins sem besti kantsmassari í upphafi
árs.
María Rún Karlsdóttir blak
Karen Axelsdóttir er löngu orðin vel
þekkt kempa í sundheiminum. Karen
æfir með íþróttafélaginu Ösp. Þessi unga
kona hefur keppt á Íslandi sem
og erlendis í fjölmörg ár en ferill hennar
í sundinu er orðin ansi langur þrátt fyrir
að vera ekki eldri en þetta. Það er alltaf
líf og fjör í kringum þessa skemmtilegu,
hörkuduglegu og flottu ungu konu sem
lætur þó félagslífið aldrei stoppa sig af í
að mæta á æfingu.
Vegna aðstæðna í þjóðfélaginu hefur lítið
verið um mót en Karen keppti
samt á Malmö Open sem er stórt alþjóð-
legt mót fyrir fatlaða og er haldið
í Malmö í Svíþjóð á hverju ári. Karen vann
sinn flokk á Malmö Open í öllum þeim
greinum sem hún keppti í.
Karen Axelsdóttir sund
Elsa Björg hlýtur nafnbótina frjáls-
íþróttakona ársins. Elsa Björg hefur
stundað frjálsar íþróttir af alúð mörg
undanfarin ár og sýnt gott fordæmi
sem íþróttamaður.
Elsa Björg keppti á helstu mótum sem
haldin voru á árinu fyrir hönd Aftureld-
ingar sl. ár og náði flottum árangri.
Helst er að nefna 2. sæti í þrístökki á
meistaramóti Íslands utanhúss, 3. sæti
í þrístökki á meistarmóti Íslands inn-
anhúss , 3. sæti í hástökki á stórmóti ÍR,
2. sæti í hástökki á stökkmóti Ármanns.
Elsa Björg hefur sýnt elju við æfingar og
er góð fyrirmynd ungra og upprennandi
íþróttastúlkna.
Elsa Björg Pálsdóttir frjálsar
Aðalheiður er fædd 1989 og hefur verið
í hestamannafélaginu Herði alla tíð.
Árið 2020 var mjög gott hjá Aðalheiði,
hún átti hæstu einkunnir ársins í tölti
T1, Tölti T2 og átti 2. hæstu einkunn í
fjórgangi V1. Einnig varð hún saman-
lagður Reykjavíkurmeistari í fjórgangs-
greinum. Ekki voru haldin fleiri mót í ár
vegna Covid. Aðalheiður stóð sig einnig
frábærlega á kynbótabrautinni, en þar
sýndi hún 30 hross og fóru 27 í fyrstu
verðlaun. Einnig má til gamans geta
að dóttir hennar, Eydís Líf, er fædd í
febrúará þessu ári.
Aðalheiður Anna Guðjónsdóttir hestaíþróttir
Arna er 22 ára Mosfellingur og leikur
fyrir Grand Valley State í bandaríska há-
skólagolfinu. Arna lék gott golf í sumar
en hún var m.a. í 5. sæti á Íslandsmótinu
í golfi sem fram fór á Hlíðavelli. Þar lék
hún frábært golf og sýndi hvers megnug
hún er. Arna var eins og undanfarin ár
lykilmaður í kvennasveit GM sem hafnaði
í 3. sæti í Íslandsmóti golfklúbba í efstu
deild.
Arna er frábær íþróttamaður, skipulögð,
dugleg og metnaðarfull. Hún leggur hart
að sér við æfingar og er frábær fulltrúi
GM.
Arna Rún Kristjánsdóttir golf