Mosfellingur - 17.12.2020, Blaðsíða 50
Út með þig!
Ég er búinn að velta því fyrir mér síðustu daga hvað ég myndi
ráðlegga fólki að gera til að halda
haus og heilsu í covid, ef ég mætti
bara nefna eitthvað eitt.
Samvera, upphífingar, lestur, tón-listarhlustun og fleira komu upp
í hugann. En ég fann svarið þegar ég
í síðustu viku labbaði út á pósthús.
Þetta var rétt fyrir hádegi. Maður
lifandi, það var svo gott að fara út í
birtuna og súrefnið. Það var reyndar
ekki heiðskírt en samt nokkuð bjart
og einhverjir sólargeislar náðu í
gegn. Á þessum dimmustu mánuð-
um ársins ættum við öll að leggja
niður vinnu í tvo klukkutíma og fara
öll út í sólina. Við þurfum á birtunni
að halda. Sólarljósið bætir svefn,
minnkar stress, styrkir bein, stuðlar
að kjörþyngd, styrkir ónæmiskerfið,
minnkar líkur á þunglyndi og lengir
lífið.
Gangan styrkir lungu og hjarta, minnkar líkur á hjartasjúkdóm-
um, lækkar blóðþrýsting, styrkir liði
og bein og eykur jafnvægi. Svo nokk-
ur atriði séu nefnd. Dagleg ganga í
dagsbirtunni er það sem ég myndi
fyrirskipa fólki, ungum sem öldnum,
að gera ef ég væri alvaldur. Það
myndi gerbreyta öllu ef allir gerðu
þetta. Álag á heilbrigðiskerfið myndi
stórminnka, almenn heilushreysti
myndi aukast, geðheilbrigði batna
og almenn hamingja taka stórt skref
upp á við.
Það sem myndi líka gerast í daglega göngutúrnum í kringum
hádaginn er að við myndum hitta
fleiri í eigin persónu, ekki bara í
gegnum netið. Þessir hittingar eru
samþykktir af Rögnvaldi og félögum
af því að þeir taka stuttan tíma og
snúast um bros og tvær til þrjár
jákvæðar setningar, ekki knús og
hópamyndum fyrir framan búðar-
glugga (hverjum
datt það gigg
eiginlega í hug?).
Ég hitti einmitt
eina ljónspræka
þegar ég rölti á
Pósthúsið, eldri
konu í fantaformi
sem brosti hring-
inn í birtunni og
smitaði jákvætt
út frá sér með því
einu að vera til.
Heilsumolar gaua
- Aðsent efni50
Guðjón
Svansson
gudjon@kettlebells.is
Mosfellsprestakall - Mosfellsbæ
Helgihald
yfir jól
og áramót
Helgihaldi Lágafellssóknar verður áfram streymt
eða í rafrænu formi næstu vikur, yfir jól og áramót.
Hægt verður að horfa á það á heimasíðu og Facebook-síðu Lágafellskirkju.
Á Þorláksmessu og aðfangadag opnum við kirkjudyr Lágafellskirkju upp á gátt. Við
bjóðum ykkur, kæra fólk, að ganga í kirkju, að eiga þar stund í kyrrð eða með tónum
tónlistar, kveikja á kerti og biðja. Allar þekktar takmarkanir verða virtar. Verið velkomin! (sjá
tímasetningar hér að neðan)
Sunnudagur 20. desember
Aðventuguðsþjónusta kl. 15 í Grafarvogskirkju á RÚV.
(verður streymt á okkar síðu)
Þorláksmessa 23. desember
Opin kirkja kl. 10–16 í Lágafellskirkju. Kyrrð, tónlist og kertaljós. Gætt verður
að fjölda- og nálægðartakmörkunum og minnum á einstaklingsbundnar sóttvarnir.
Aðfangadagur 24. desember
Opin kirkja kl. 10–14 í Lágafellskirkju. Kyrrð, tónlist og kertaljós. Gætt verður
að fjölda- og nálægðartakmörkunum og minnum á einstaklingsbundnar sóttvarnir.
Aftansöngur kl. 18 í Lágafellskirkju - rafrænn. Sr. Ragnheiður.
Gamlársdagur 31. desember
Aftansöngur kl. 17 í Lágafellskirkju - rafrænn. Sr. Arndís.
Sunnudagur 10. janúar 2021
Rafræn fjölskylduguðsþjónusta kl. 13. Sr. Ragnheiður,
Þórður organisti og Bogi æskulýðsfulltrúi leiða.
Fylgist endilega með dagskrá og breytingum á safnaðarstarfinu
vegna Covid á www.lagafellskirkja.is á næstunni.
Fögnum hátíð ljóssins!
Við óskum öllum íbúum Mosfellsbæjar gleðilegra jóla og farsældar á komandi ári!
Prestar, starfmenn og sóknarnefnd Lágafellssóknar
www.fastmos.is
Vá, þvílíkt ár þetta 2020 sem við
tókum svo vel á móti. Þetta átti að
vera árið og það sannarlega varð
það, bara svolítið öðruvísi en við
ætluðum. En 2020 fer klárlega í
minningabókina yfir furðulegasta
árið. Árið sem allir tóku upp kín-
verska siði, hættu að heilsast með
handabandi og grímur urðu töff.
Í upphafi ársins 2020 rifjaði ég upp hvað
hafði áunnist á árinu 2019, persónuleg
markmið um Landvætt, Laugavegshlaup
og einhverja dönskukunnáttu höfðu náðst,
en af vinnustaðnum mínum sagði ég:
„Á þinginu unnust ýmis stór og mikilvæg
mál. Aukið frelsi, lægri álögur og að einfalda
líf fólksins í landinu er og verður grunnstef
okkar í þingmanna Sjálfstæðisflokksins.
Skattalækkanir bæði á fólk og fyrirtæki,
traust efnahagsstjórn sem hefur skilað
sögulega lágu vaxtastigi, aukinn kaupmátt-
ur fólksins í landinu. Já, á Íslandi er svo
sannarlega gott að búa enda hefur staðan
hér aldrei verið betri.
Ég fer bjartsýn inn í nýtt ár með ný mark-
mið og góða orku til að takast á við
spennandi og krefjandi verkefni.“
Já, árið 2020 varð aðeins öðruvísi
en ég gerði ráð fyrir, en ég er enn
bjartsýn. Ísland er örugglega besti
staðurinn til að búa á, sérstaklega í
Covid. Frelsi einstaklingsins hefur
ekki farið hátt á árinu, þar sem
aldrei hafa meiri höft verið sett á daglegt
líf fólks. En það hefur verið gert með öryggi
og heilsu okkar allra að leiðarljósi. Frelsinu
fylgir ábyrgð, þá ábyrgð sýnum við best
með því að vera dugleg að sinna persónu-
legum smitvörnum og fara að fyrirmælum
sóttvarnayfirvalda.
Mikið var nú gott að uppsveifla síðustu
ára var nýtt til að greiða niður skuldir hins
opinbera og tryggja þannig að ríkissjóður
geti staðið undir því áfalli sem nú ríður yfir.
Úrræði stjórnvalda miða að því að fjárfesta
í öflugu samfélagi, samfélagi sem spyrnir
við og vex hratt og örugglega út úr kófinu.
Ísland er og verður land tækifæranna.
En þrátt fyrir kófið þá bera sig allir vel,
Helgi Björns hefur sent okkur hlýja strauma
frá Hlégarði og minnt okkur á að þótt úti séu
stormur og él, þá lifir ljósið inni hjá þér og
að lífið er gott sem betur fer. Mosfellingar
hafa nýtt kófið til útiveru og hreyfingar, það
sést vel á göngustígum og fellum bæjarins.
Lýðheilsa skiptir miklu máli og vonandi er
þessi mikli áhugi kominn til að vera.
Okkar yndislegi bæjarbragur hefur ekki
fengið tækifæri til að blómstra eins og
venjulega, en ég hlakka svo til þegar við för-
um öll að hittast aftur, get ekki beðið eftir
þorrablótinu 2022, það verður eitthvað. En
þetta fer nú allt að skána, viðspyrnan verð-
ur hraðari en marga grunar. Við þurfum að
sýna seiglu, halda áfram að hreyfa okkur
og huga að okkar nánasta. Þetta er allt að
koma, en þangað til njótum við jólanna í
jólakúlunni okkar.
Það koma vonandi jól með hækkandi sól.
Við étum á okkur gat af innlendum mat.
Og þrátt fyrir allt, misnotum sykur og salt.
Jólakveðja
Bryndís Haraldsdóttir
Þingmaður Sjálfstæðisflokks
Það bera sig allir vel