Lögmannablaðið - 15.01.1996, Blaðsíða 9

stundað hafa hinn slasaða í kjölfar
slyssins. Mikilvægt er að gögn, sem
fylgja matsbeiðnum til örorku-
nefndar, séu ítarleg. Auk sjúkra-
sögu er mikilvægt að kanna vel
heilsufarssögu hins slasaða, svo
greina megi einkenni hans, sem
beinlínis er að rekja til viðkomandi
slysaatburðar, frá einkennum sem
viðkomandi ef til vill hafði fyrir
slysið.
Ekki er óalgengt, að einstakling-
ur, sem slasast hefur og hlotið var-
anlegt tjón á líkama sínum, kenni
slysinu og afleiðingum þess um
margt sem miður hefur farið í lífi
sínu. Það er því mikilvægt að
kanna vel félagssögu þess slasaða,
auk heilsufarssögu, fyrir og eftir
slys áður en miski vegna slyss er
metinn.
Það, sem fyrst og fremst ber að
skoða við mat á varanlegum
miska, er hin svokallaða færni-
skerðing, sem orðið hefur vegna
þeirra einkenna, sem hinn slasaði
hefur og rekja má til slyssins. Þarf í
því sambandi að kanna á hvern
hátt slík skerðing hefur áhrif á getu
viðkomandi einstaklings til að
framkvæma athafnir daglegs lífs.
Að lokum er rétt að geta þess, að
mikilvægt er að læknir, sem metur
miska einstaklings, hafi engin per-
sónuleg tengsl við hinn slasaða.
Um hæfi til meðferðar einstaks
máls gilda ákvæði stjórnsýslulaga
nr. 37/1993.
3. Varanleg örorka
3.1. Skilgreining
Örorka er breyting á hæfni ein-
staklings til að mæta persónuleg-
um, félagslegum eða atvinnulegum
kröfum.
Varanleg örorka verður til þegar
einstaklingur á erfitt með að svara
ytri kröfum vegna miska, einkum
þeim sem starfsvettvangur hans
gerir.
Varanlegur miski veldur einvörð-
ungu örorku, þegar heilsufars-
ástand takmarkar hæfni einstakl-
ingsins til að mæta athöfnum dag-
legs lífs. Þannig myndi missir
fremstu kjúku litlafingurs hægri
handar skerða starfshæfni þess
fingurs bæði hjá bankastarfsmanni
og atvinnupíanóleikara, en banka-
starfsmaðurinn myndi síður hljóta
af því örorku en píanóleikarinn.
3.2. Mat á örorku
Örorka er metin með „ekki-
læknisfræðilegum" aðferðum. Við
mat á varanlegri örorku vegur mat
á miskastigi hins slasaða þó þungt.
Varanleg örorka nemur ekki
alltaf sömu prósentutölu og miska-
stigið. Þannig getur tiltölulega lítill
eða óverulegur miski hjá einstakl-
ingi með mjög sérhæft starf í und-
antekningartilfellum vegið mjög
þungt eins og áður sagði, en hjá
þorra fólks myndi hann ekki valda
neinni varanlegri örorku. Eins og
áður er vikið að hafa sumar þjóðir
kosið að líta alveg framhjá því að
meta varanlega örorku, en ákvarð-
að bætur út frá þeim miska, sem
metinn hefur verið og samið sér-
stakar bótatöflur (Finnland og
væntanlega Svíþjóð á næsta ári).2
Hérlendis var lengi vel gengið út
frá því, að örorka slasaðra ein-
staklinga væri jöfn því miskastigi
(læknisfræðilegri örorku) sem met-
in var. í mörgum tilfellum getur
það staðist, en þegar miskastig er
lágt eru líkurnar meiri fyrir því, að
varanleg örorka sé ekki fyrir hendi
eða sé a.m.k. lægri en sem nemur
miskastiginu. Undantekningar frá
þessu eru auðvitað fyrir hendi eins
og lítillega var vikið að hér að
framan (píanóleikarinn). Við til-
tölulega hátt miskastig eru meiri
líkur fyrir því, að varanleg örorka
sé meiri en sem nemur miskastigi.
2 í þessu sambandi er rétt að benda
á, að í þessum löndum býr fólk við allt
önnur skilyrði hvað varðar bætur frá
hinu almenna tryggingakerfi landanna
og aðstæður því ekki sambærilegar við
þær sem ríkja hérlendis.
Athyglisverðar
ráðstefnur
erlendis
Að jafnaöi berast til skrifstofu
L.M.F.Í. í hverjum mánuði ýmsir
bæklingar um margvísleg nám-
skeið og ráöstefnur erlendís. Er
sumt af þvi hengt upp á upplýs-
ingatöfluna í anddyri hússins.
Meðal athyglisverðra ráðstefna á
næstu mánuðum má nefna eftir-
farandi:
14.-16. febrúar: The 24th
International Company
Lawyers’ Conference, í Vín, á
vegum Management Centre
Europe.
21.-23. febrúar: The 4th
International Charterparties
Contemporai-y Issues Semin-
ar, í London, á vegum Lloyd’s
of London Press.
1.-2. mars: Brussels/Lugano
Revisited - The European
Regime of Jurisdiction and
Enforcement in Civil and
Commercial Matters, í Zurich
í Sviss, á vegum International
Bar Association (Section on
Business Law).
1.-2. apríl: Rethinking the
Law Firm, í Tel Aviv í ísrael, á
vegum International Bar Associ-
ation og American Bar Associ-
ation. Fjallar um stjórnun og
rekstur lögmannsstofa.
1.-4. maí: International
Financial Law Seminar, í Genf
í Sviss, á vegum International
Bar Association (Section on
Business Law).
Þá hafa nokkrir bandarískir
háskólar sent upplýsingar um
framhaldsnám og sumarnám-
skeið á þessu og næstu árum.
Lögmannablaðið
9