Lögmannablaðið - 15.12.1996, Blaðsíða 7

fyrir áhuga annarra stétta á verk-
sviðum, sem lögmenn hafa hingað
til sinnt og virðist samkeppnin
helst koma frá endurskoðendum.
En fleiri stéttir telja sig bærar um
að veita lögfræðilega ráðgjöf. Nefnt
var sem dæmi, héðan af íslandi,
nýlegt tilvik um hjón, sem leituðu
til sálfræðings vegna vandamála í
hjúskapnum. Ráðgjöfin bar ekki ár-
angur en sálfræðingnum þótti ekki
tiltökumál að útbúa skilnaðarsam-
komulag hjónanna. Konan leitaði
síðan ráðgjafar hjá lögmanni og
kom þá í ljós að skilnaðarsam-
komulagið hefði skilið hana eftir
slyppa og snauða hefði það náð
fram að ganga.
Framtíö smárra og meöal-
stórra lögmannastofa í
Svíþjóö
Lars Bentelius, framkvæmda-
stjóri sænska lögmannafélagsins,
lýsti stöðu smárra og meðalstórra
lögmannastofa í Svíþjóð og framtíð
þeirra, m.a. vegna almennra þjóð-
félagslegra breytinga, þ. á m.
vegna nýrrar upplýsingatækni, en
einnig vegna breytinga í réttarkerf-
inu sænska. í Svíþjóð eru 1424 lög-
mannastofur, þar af eru ca. 85% 1-
3 manna stofur. Umræður um efn-
ið voru nánast framhald umræðna
um efnið næst á undan, þ.e. sam-
keppnisstöðu lögmanna, styrkleika
stéttarinnar og veikleika.
Nýjar aöferöir viö lausn
ágreiningsmála
Pekka Sirviö, formaður finnska
lögmannafélagsins, hélt erindi um
þetta efni. Fram kom hjá honum
að hin venjulega dómstólaleið væri
þung og seinfarin. Svipað mætti
segja um gerðardómsmeðferð, sem
auk þess væri mjög dýr. Nú væri
víða um lönd að ryðja sér til rúms
önnur aðferð við lausn ágreinings-
mála, sem á ensku væri kölluð
Alternative Dispute Resolution
(ADR), en hún hefur verið í þróun
í nokkur ár. Hún felur einfaldlega í
sér að óháðum þriðja aðila er falið
að leita lausna hjá málsaðilum um
ágreiningsefnin. Um þetta hafa
verið settar eða er fyrirhugað að
setja sérstakar reglur, þar sem
áhersla verður lögð á stöðu milli-
göngumannsins. í umræðum um
þetta efni kom greinilega fram að
mikill áhugi er um að leita ódýrra
og fljótlegra leiða til lausna á
ágreiningsmálum og að ADR-leiðin
kunni að vera vænlegur kostur.
Skýrslur um starfsemi lög-
mannafélaganna
Venju samkvæmt gerðu fulltrúar
hvers félags grein fyrir starfsemi
síns félags síðast liðið ár. Hjá
danska lögmannafélaginu hefur
mikil vinna verið lögð í endur-
skoðun á markmiðum félagsins og
stefnumótun til næstu ára. Var í því
sambandi m.a. haldin ráðstefna á
árinu, sem um 600 félagsmenn
sóttu. Bönnuð hefur verið útgáfa
leiðbeinandi gjaldskrár félagsins.
Mikil umfjöllun hefur orðið í
dönskum fjölmiðlum um svokall-
aða fyrirtækjatæmingu (d. selskab-
stomning) og hugsanlegan þátt
lögmanna og endurskoðenda í því.
Þá hafa danskir lögmenn áhyggjur
af hversu hægt gangi að reka mál
fyrir dómstólum og hafa tekið upp
viðræður við dómarafélagið um
lagfæringar.
í Finnlandi er bágt efnahags-
ástand og hefur það valdið erfið-
leikum í rekstri lögmannastofa. Þá
var þess getið að lögmenn hafa
starfsábyrgðartryggingar upp á
500.000 FIM (rúml. 5 milljónir
króna) en fýrirhugað sé að hækka
lágmarkstryggingarfjárhæðina í 1
milljón marka. Lögmannafélagið
hefur hafið útgáfu nýs félagsblaðs,
Advokaatti, og hefur sett upp
heimasiðu á Interneti.
íslensku fulltrúarnir gerðu grein
fyrir frumvarpi til laga um lögmenn
og þeim atriðum frumvarpsins,
sem deilt er um. Þá var getið út-
gáfu Lögmannablaðsins og hins
nýja merkis félagsins, greint frá
reglum um fjárvörslureikninga og
starfsábyrgðartryggingar, starfsemi
lögmannavaktanna í Reykjavík og
á Akureyri og fleiri atriðum úr
starfseminni.
Norska lögmannafélagið hefur
endurskoðað stefnu sína í réttar-
öryggismálum (rettssikkerhets-
program) og gefið út í bæklingi
fyrr á árinu. Rætt er um að breyta
ákvæði í félagssamþykktum um
markmið félagsins og bæta við
stefnunni í réttaröryggismálum.
Lögmannavakt er starfrækt í 30
bæjum og sveitarfélögum og hefur
sú starfsemi gefið góða raun.
Greint var frá breytingum í aga- og
eftirlitsmálum, sem taka gildi 1.
janúar n.k. Breytingar hafa orðið á
opinberu réttaraðstoðinni, færri
tegundir mála falla undir hana en
viðmiðunartekjumörkin hafa
hækkað.
Sænsku fulltrúarnir gerðu grein
fyrir breytingum á réttarkerfinu þar
í landi, sem m.a. miðar að því að
fækka málum, sem fara til „hovrett-
en“. Einnig hafa komið til athugun-
ar tillögur um að fækka héraðs-
dómstólum, í sparnaðarskyni. Stór
hluti kærumála til siðanefndar
sænska lögmannafélagsins leiðir til
sýknu eða frávísunar. 10 gerðar-
dómar fjalla um ágreiningmál um
þóknun lögmanna. Greiða þarf 150
sænska krónur fyrir mál, sem lagt
er fyrir slíkan gerðardóm. Sænska
lögmannafélagið skiptist í deildir
eftir landshlutum. Nú hefur verið
stofnuð sérstök deild fyrir sænska
lögmenn, sem starfa erlendis.
Lögmenn ogfjölmiölar
Síðast á dagskrá fundarins var
umfjöllun um lögmenn og sam-
skipti þeirra við fjölmiðla. Flutti
Arvid Jakobsen, upplýsingafulltrúi
norska lögmannafélagsins, mjög
fróðleg erindi um það efni og kom
víða við. Meðal annars gerði hann
grein fyrir skoðanakönnun í
Noregi um það hvaða fjölmiðla al-
menningur teldi mikilvægasta, en
það voru dagblöð. Þá fjallaði hann
um nokkrar grundvallarreglur fyrir
lögmenn um samskipti þeirra við
blaðamenn. Góður rómur var
gerður að erindi þessu að því
loknu.
MM
Lögmannablaðið
7