Lögmannablaðið - 15.12.1996, Blaðsíða 10
naut áhrifa í stjórn félagsins um-
fram eignarráð sín, en ekki skipt-
ir máli, þótt stefndi hafi íþví efni
notið atbeina Landsbankans.
Hann hlaut að mega sín mikils
við ákvarðanir stjórnar félagsins
um skuldaskil. Þegar litið er til
þessara atriða í heild, verður að
telja, að stefndi og Haförninn hf.
hafi verið nákomnir í skilningi 6.
tl. 3- gr. laga nr. 21/1991. “
Lokaorð
Ofangreindur dómur Hæstaréttar
er athyglisverður vegna þess að í
honum virðist því slegið föstu, að
það sé ekki einungis stærð eignar-
hluta í félagi sem skipti máli við
mat á því hvort um nákomna sé að
ræða í skilningi laga nr. 21/1991,
heldur skipti í því sambandi einnig
verulegu máli möguleikar viðkom-
andi aðila til að hafa áhrif á
ákvarðanatökur stjórnar í því félagi
sem um ræðir.
Af vettvangi stjórnar og
nefnda L.M.F.Í.
Af störfum stjórnar L.M.F.Í. og ýmissa nefnda fé-
lagsins í haust má m.a. nefna eftirfarandi:
Stjórn L.M.F.Í.
Stjórninni hafa að venju borist margvísleg erindi,
kvartanir og kærur, fyrirspurnir og annars konar er-
indi. Að venju hefur stór hluti tíma stjórnarinnar far-
ið í umfjöllun um og afgreiðslu kæru- og ágreinings-
mála, umsókna um málflutningsleyfi, erinda vegna
starfsábyrgðartrygginga o.s.fiv. Stjórnin hefur í einu
tilviki beðið trúnaðarendurskoðanda félagsins að
skoða hvort lögmaður fylgdi reglum um fjárvörslu-
reikninga. Vegna frumvarps til laga um lögmenn,
sem stjórnin lét vinna og var sent félagsmönnum í
október, hefur verið unnið að gerð viðhorfskönnun-
ar meðal lögmanna um ýmis atriði í frumvarpinu.
Hefur stjórnin leitað ráðgjafar hjá Stefáni Ólafssyni,
prófessor við Félagsvísindastofnun, í þessu skyni.
Verður spurningalisti fljótlega sendur lögmönnum.
Á samráðsfundi fulltrúa L.M.F.Í. og dómsmála-
ráðuneytisins þann 5. nóvember s.l. kynnti formað-
ur félagsins hugmynd að „lagadegi", þ.e. að hinar
ýmsu stofnanir, er fást við lög og rétt í þjóðfélaginu,
tækju höndum saman og kynntu starfsemi sína fyr-
ir almenningi. Fyrirmynd að slíkri kynningu má m.a.
finna i Bandaríkjunum, þar sem haldnir eru svokall-
aðir „law day“ í sumum fylkjanna. Formaður kynnti
þessa hugmynd einnig á nýafstöðnum aðalfundi
Dómarafélags fslands. Engar ákvarðanir hafa verið
teknar um að halda slíkan „lagadag" en hugmyndin
hefur þótt allrar athygli verð.
Á aðalfundi Dómarafélagsins lagði formaðurinn
einnig til að félögin tvö, þ.e. L.M.F.Í. og D.Í., héldu
samráðsfundi, svipaða og þá, sem haldnir hafa ver-
ið með dómsmálaráðuneytinu, þannig að fulltriiar
félaganna gætu rætt ýmis þau mál, er varða sam-
skipti lögmanna og dómara. Hugmyndinní var vel
tekið og hefur fyrsti fundur af þessu tagi verið
ákveðinn 10. janúar n.k. Ef vel tekst til gætu slíkir
fundir verið haldnir tvisvar til þrisvar á ári, t.d. í
upphafi hvers árs og á haustin, að afloknu réttarhléi.
Kjaranefnd
Kjaranefnd hefur í haust unnið að gerð nýs kostn-
aðargrunns fyrir lögmannsstofur, en grunnur sá, sem
gerður var árið 1992, þarfnaðist endurskoðunar við.
Verður hinn nýi grunnur væntanlega tilbúinn og
sendur til félagsmanna fljótlega eftir áramót.
Bókasafnsnefnd
Viðar Már Matthíasson hefur sagt sig úr bóka-
safnsnefndinni en sem kunnugt er hefur hann ný-
lega verið ráðinn sem prófessor við lagadeild H.í.
Hefur Viðar Már verið formaður nefndarinnar allt frá
upphafi, en nú em 5 ár liðin frá því bókasafn
L.M.F.Í. var tekið formlega í notkun. Er mikill miss-
ir að Viðari Má úr nefndinnni, en hann hefur unnið
mjög ötullega og af mikilli ósérhlífni að uppbygg-
ingu bókasafnsins.
Á vegum bókasafnsnefndar hefur verið unnið að
útgáfu nýrrar bókaskrár fyrir safnið, en síðasta skrá,
sem gefin var út og send félagsmönnum, var prent-
uð í maí 1993. Ekki er á þessari stundu vitað hvenær
hin nýja skrá verður tilbúin.
Laganefnd
Um störf laganefndar vísast til sérstakrar umfjöll-
unar annars staðar í blaðinu.
10
Lögmannablaðið