Málfríður - 15.05.1992, Blaðsíða 24
NÝ KENNSLUBÓKí
FRÖNSKU - ESPACES
Bók þessi er nú kennd í nokkrum
framhaldsskólum á íslandi. Höfundar
bókarinnar eru Guy CAPELLE og
Noélle GIDON og kom hún út hjá Ha-
chutte, árið 1990. Með bókinni fylgja
æfingabók, tvær hljóðsnældur og
kennarahandbók.
Hér á eftir fer stutt lýsing á bókinni
og vonum við að það megi koma ein-
hverjum að gagni við val á nýrri
kennslubók.
Fyrsta heftið, ESPACES 1, skiptist í
12 kafla, sem hverer 14 bls. I hverjum
kafla er tekið fyrir ákveðið þema og
skiptist hver kafli í 3 hluta:
1. Undirbúningur (Informations/
préparation)
2. Talþjálfun (Paroles)
3. Lesskilningur og ritun
(Lectures/écritures)
I fyrsta hlutanum er gengið út frá
texta sem tengist þema kaflans. í þess-
um hluta fá nemendur kynningu á
þemanu og þar eru sett fram öll þau at-
riði sem nauðsynlegt er að kunna til
að geta tekist á við annan og þriðja
hluta. Þessi grunnatriði eru þjálfuð
með ýmiss konar æfingum (hlustunar-
æfingum, málfræðiæfingum, talæfing-
um, lesskilningsæfingum, ritæfingum)
í kennslubók og æfingabók.
í öðrum hluta kaflans er gengið út
frá myndasögu. Nemendur hlusta á
söguna, lesa hana og gera sfðan æfing-
ar við hana (hlustunaræfingar, fram-
burðaræfingar, talæfingar). 1 þessum
hluta er aðaláherslan lögð á tal og
hlustun og þar er t.d. að finna hlut-
verkaleiki. í myndasögunni, sem er
framhaldssaga, fá nemendur einnig
upplýsingar um land og þjóð.
í þriðja hlutanum eru si'ðan lestextar
af ýmsu tagi með æfingum sem undir-
búa lestur þeirra og prófa lesskilning.
Einnig eru þar ritunarverkefni með
ákveðnum fyrirmælum sem leiða
nemandann áfram í verkinu.
Á eftir þriðja hlutanum kemur fram-
haldssaga „Mémoires d’ordinateur",
sem hugsuð er sem frjáls lestur. Á
si'ðustu blaðsíðu hvers kafla eru lit-
myndir og upplýsingar um ýmsa þætti
franskrar menningar sem tengjast
þema kaflans og á eftir þriðja hverjum
kafla er upprifjun úr undanfarandi
köflum í formi ýmissa verkefna.
Málfræði hvers kafla er sett fram í
litskyggðum töflum. Aftast fbókinni er
stutt málfræðiágrip og tafla með sagn-
beygingum. Auk þess er orðalisti á 5
mismunandi tungumálum, þ. á m.
ensku.
í æfingabókinni er að finna margar
og fjölbreyttar æfingar til þess að þjálfa
ennfremur þau atriði sem farið hefur
verið t' í lesbókinni.
Annað heftið, ESPACES 2, er svipað
að uppbyggingu og það fyrra nema við
hvern kafla bætast tvær síður, önnur
sem kallast „Littérature” og er lausleg
kynning á frönskum bókmenntum, en
sú síðari ber yfirskriftina „Vie prati-
que” og inniheldur ýmsar gagnlegar
upplýsingar um daglegt líf í Frakk-
landi.
Bækurnar eru prýddar fjölda fallegra
litmynda.
Ingunn Garðarsdóttir, F.A.
Jóhanna Hálfdánsdóttir, F.V.A.
Námskeið
um
námskrárgerð
Dagana 24.-28. ágúst verður
haldið námskeið í
námskrárgerð fyrir
tungumálakennara á
báðum skólastigum.
Nánari upplýsingar fást
hjá Endurmenntunarstofnunum
H.í. og K.H.Í.
24